Terethiinit 14:4 - ꞌBuuk cĩ Thõõth cĩ Nyekuci

⁴ Baa ĩĩn nẽẽg vẽlẽk eet ꞌcĩg tẽllĩg ꞌthinneeti, ꞌcĩg nga hatagguutho hĩ ngaaĩ tahatak. Nẽ anũ Mĩꞌnyõõn ooo, ꞌgõõlaa ꞌcĩ õkõõĩ, hĩnĩngĩtĩ baa eelliaa nẽẽg hõrggẽẽnaa cĩ eet vẽlẽk loota nĩnga, hátĩ haanytĩhoothĩk Nyekuc hĩ Mĩꞌnyõõn, hĩĩtõ ꞌbaaninit cĩnĩĩng ꞌcĩ oou.

Terethiinit 14:4 Iomraidhean Croise

Maatteeo 19:12

Aitiõõ eeta ũgẽẽgĩ hõllõngaa aꞌthũwanni, hĩnĩngĩtĩ ilelĩk nẽẽg ngaanĩngĩtĩ arrittiaanĩ, hode hĩnĩngĩtĩ thõõth ꞌcĩ aaranĩ eeta ũgẽẽgĩ ĩhõõggõ thõng. Aitiõõ ũgẽẽgĩ hõllõngaa aꞌthũwanni, hĩnĩngĩtĩ mĩnnanĩ ꞌcĩ aꞌnyaheek nẽẽg habuccieet cĩ hẽẽtkujjieen. Má aaĩ ẽẽtĩ ꞌcĩ ẽlẽmĩ thõõth icci, aꞌnyĩĩk hẽlẽm.”

Maatteeo 25:1

“Kõr niccia, aaĩ hatĩ habuccieet cĩ hẽẽtkujjieen hĩ thõõth ꞌcĩ baa ꞌjiaatĩn umwa, õõĩ buheeci õmmõtõ ꞌlõõmẽẽt cĩg ngõõrrak, hõõt homottio hĩ nyattaraan umwa nyahũũtaawa.

Maatteeo 8:19

Ma ho, ikia ꞌlimmannioohiti cĩ nyattal cĩ Mũũꞌtha ĩĩnnĩk ĩnõõnnõ, “ꞌLimmannioohit, hanuyyii naa nganiit ꞌgoolliohĩ vẽlẽk ĩcĩg õkõõĩ.”

Yõaannẽ 10:27

Athĩhĩ aꞌtha cĩgannĩg molook caannĩ nẽ hagawa naa ĩhõõggõ nẽ unuyyia nẽẽg nganĩĩta.

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Yõaannẽ 13:37

Nẽ ijin Pẽẽtũrũ ĩnõõnnõ tarĩ ĩĩnnĩk, “Makayyioohit, hookorit ꞌyioko hõdẽĩ, hatabi naa hadaahi, hĩnĩngĩtĩ nganiita!”

Yõaannẽ 8:12

Ma baa othooꞌthio Yeesu hĩ eet tarĩ, ikia ĩĩnnĩk nẽẽ ĩhõõggõ, “Hĩĩnĩ naa lanyit cĩ looc vẽlẽk. Ẽẽtĩ ꞌcĩ anũyya nganĩĩta, aitiõõ hatĩ nẽẽ hõllõngaa õvvõ muguratõõ, ammũda hatĩ nẽẽ lanyit cĩ rũgẽtõ.”

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

1 Korinthia 16:15

Agayyu niig baa atiman eeta cĩg halang cĩ Tẽẽvana, ngaatĩ au ĩĩnnĩ lemmiook ĩĩcĩ oou looccaa cĩ Acaia, nẽ ĩrrĩcatta ngaatĩ adticanõõthĩkĩ lemmiook. Haduhaakuung naa ngagiit ꞌgotoonoga hĩ ngoonoga,

1 Korinthia 6:20

baa uuttiannu niig thõng. Nẽẽthĩ hoti ho, itingolli Nyekuc eleetinii cugguung.

1 Korinthia 7:28

Hõllõngaa abathĩ ngaatĩ aꞌthũwaniini, tananga baa nga ꞌthũaanõ ĩĩcĩ oou. Nẽẽthĩ, eeta ꞌcĩg aꞌthũwanni, ammũda hatĩ ꞌcannan ꞌcĩ maka nẽ hadiim hẽẽlannuung naa ngagiit thõõthaa nĩĩca.

2 Korinthia 11:2

Harrĩcanaannuung naa ngagiit hĩ Nyekuci, hĩnĩngĩtĩ baa aattiyyu niig hĩ bũhẽẽcĩ ꞌcĩ nga hũꞌthũwanĩ ꞌcĩ hẽbẽraahi naa Krĩstõ diooni.

Eevvetho 1:14

Aaꞌnyeet Lorii ꞌcĩ Ẽllẽẽmĩth ngagĩĩt buúk hagaac hĩĩtõ, hammũda hatĩ naag thooꞌthiok vẽlẽk ꞌcĩg itiangꞌtheek Nyekuci eet cĩgĩnnĩg. Nẽẽthĩ hatĩ heellia naaga, hátĩ hĩdĩhĩthĩ Nyekuci, hĩnĩngĩtĩ bulẽẽnĩt cĩnnĩ.

Eevvetho 5:27

Baa adĩman Krĩstõ hoti, hátĩ haaꞌnyĩk lothippit cĩ lemmioohu ꞌcĩ ĩĩn ẽlẽ cĩnnĩ, hĩĩ lothippit ꞌcĩ abuli ꞌcĩ ẽllẽẽmĩthĩ, ꞌcĩ aitiõõ thooꞌthioha ꞌcĩg ĩĩn ꞌriiring ꞌcĩg abathĩ tõõ. Nẽẽthĩ hinnia, ẽllẽẽmĩth hatĩ nẽẽ nẽ iittiõõ bathi tõõ.

1 Timotteeo 4:3

Ẽdẽnẽẽkĩ oloꞌngiaaha tĩko eet ngaatĩ aꞌthũwaniini, hĩ ngaatĩ aduhi ꞌgeenniok baag ẽhẽnyta Nyekuci, hátĩ huduhit eeta taliitta, eeta ꞌcĩg ẽlẽmĩ Nyekuc nẽ agaacõ thõõth ꞌcĩ ĩĩn dĩdĩ.

Ebereei 12:23

Nẽ ꞌyioko, iitiaau niig lothippiti cĩ lemmiook ꞌcĩg ammĩnan Nyekuci gẽrrẽẽt, ꞌcĩg ĩĩgĩnnu lõhõlĩ ꞌcĩg oou ꞌcĩg eteheeddi ꞌthaara cugguung hẽẽtahujjieen. Iitiaau niig hĩ Nyekuc ꞌcĩ ẽttẽẽd thooꞌthiok vẽlẽk cĩg eetuk. Nẽ tarĩ, iitiaau hĩ loriẽẽt cĩg eet ꞌcĩg abũnnaa hẽẽtahujjieen, ꞌcĩg ꞌyioko aanytĩhoothĩk hũbũttaathõ.

ꞌJeemith 1:18

Adiimmeet Nyekuci ngagĩĩt hĩĩtõ eet cĩgĩnnĩg nẽ ĩꞌthõõa nyeemuut ꞌcĩ ĩĩn dĩdĩ haaꞌnyeet ngagĩĩt rũgẽt ꞌcĩ ĩĩn ngeju.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

Terethiinit 17:14

Nẽ aak hatĩ habuẽẽta niccieeg vẽlẽk jore ꞌcĩ õõ aruhõõnĩ hĩ Mĩꞌnyõõn. Ĩllõõan hatĩ Mĩꞌnyõõn ĩhõõggõ, hĩnĩngĩtĩ ĩĩn nẽẽ Makayyioohit cĩ makayyioohu nẽ ĩĩ Habu cĩ habuẽẽt vẽlẽk. Arũmĩ hatĩ Mĩꞌnyõõn hĩ eet baag avva nẽẽ nẽ ẽbẽra, hĩnĩngĩtĩ baa athĩhĩ nẽẽg ĩnõõnnõ nẽ uꞌthuutti thõõth cĩnnĩ.”

Terethiinit 21:22

Baa aitiõõ hõllõngaa hacini ꞌCieeth cĩ Nyekuci ꞌcĩ alaiini eeta, hĩnĩngĩtĩ ĩĩtõ Makayyioohiti Nyekuci ꞌTirriannioohiti ꞌcĩ ĩllõõan vẽlẽk hĩ Mĩꞌnyõõn cĩnnĩ, ꞌCieeth cĩ Nyekuci.

Terethiinit 21:23

Nẽ aara ꞌtaaũnĩ vẽlẽk thõng. Aitiõõ eeta hõllõngaa atab kõr hode nyĩlõk, hĩnĩngĩtĩ aara bulẽẽnĩtĩ cĩ Nyekuci ꞌtaaũn vẽlẽk nẽ Mĩꞌnyõõn ꞌcĩ ĩĩn lanyit.

Terethiinit 3:4

“Nẽ nga aꞌnyaku niig eet ũgĩ lothippitaa cĩ lemmiook cĩg Thaardithi, ꞌcĩg nga hĩdĩmanit thõõth ꞌcĩ abathĩ. Hõõkõrra hatĩ hĩ ĩhõõggõ, ahimit ceremwa ꞌcĩg õõrĩg, hĩnĩngĩtĩ abũnnaa nẽẽgĩ.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.