Terethiinit 14:1 - ꞌBuuk cĩ Thõõth cĩ Nyekuci

¹ Nẽ hudtuuha Mĩꞌnyõõn abĩllĩ muuraa ꞌcĩ haĩ ꞌThion, arũmĩ hĩ eet ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000), ꞌcĩg aꞌnyak ꞌthaar cĩgĩnnĩg hĩ cĩg Maacõnĩ muumtinii cĩggĩĩng.

Terethiinit 14:1 Iomraidhean Croise

ꞌLuuka 12:8

“Huduhaahuunga, ẽẽtĩ ꞌcĩ ẽtẽrꞌtha ẽlẽ cĩnnĩ hõrggẽẽnaa cĩ eetu aĩ hĩĩnĩ caannĩ, ẽtẽrꞌtha hatĩ Ngeertĩ Eeto ĩnõõnnõ buúk hõrggẽẽnaa cĩ aajĩlẽẽt cĩg Nyekuci.

ꞌRooma 9:33

Hĩcĩ eheeddi ꞌBuuhaa cĩ Nyekuci aĩ, “Ĩcĩnĩt nõõ, haarĩha naa ꞌtaaũnaa cĩ ꞌThionĩ, bẽẽ ꞌcĩ adaaca eet hetteedito looc. Nẽ ẽẽtĩ ꞌcĩ aꞌnyak lemiinit hĩ ĩnõõnnõ, hõllõngaa hatĩ aggam ĩnõõnnõ ngaaoni ũdũt.”

Terethiinit 14:14

Ma ho, hudtuuha eet umwa ꞌcĩ aaĩ hĩ Ngeertĩ Eeto, iccioloongan diithaa ꞌcĩ õõppẽr nẽ itihim temedek ꞌcĩ ĩĩn ꞌdaab nẽ aggam thẽrẽthẽrẽ cĩ janiitto attiaa cĩnnĩ.

Terethiinit 14:3

Nẽ ẽbẽnĩ tẽgẽl ꞌcĩ ĩĩn ngeju muumaa cĩ dtaaba cĩ Nyekuci hĩ muumaa cĩ idiꞌngwa baag ĩĩn ꞌwec ko buúk, hĩ makayyiook. Baa hiꞌthihi eet ꞌcĩ aga tẽgẽl nicci ũdũt. Aga tẽgẽl tĩho eeta ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000) ko diooni, eet baag eelliaa loota nĩnga.

Terethiinit 15:5

Ma uruta, hudtuuha ꞌCieeth cĩ Nyekuci hẽẽtahujjieen abbuuhi haau ngaburuur.

Terethiinit 22:4

Au hatĩ acĩnõõ eeta hĩ Nyekuc muumtini nẽ hatĩ eteheeddi ꞌthaara cĩgĩnnĩg muumtinii cĩggĩĩng.

Terethiinit 3:12

Nẽ ẽẽtĩ ꞌcĩ ũtũbũr thõõth cĩ ꞌThĩttaanõ ũdũt, haaꞌnyihi hatĩ naa ĩnõõnnõ hĩĩ miirik cĩ ꞌCieeth cĩ Nyekuc caannĩ nẽ iittiõõ hõllõngaa aduhun battaala tarĩ ũdũt. Heheedihi hatĩ naa ꞌthaar cĩg Nyekuc caannĩ eleetinii cĩggĩĩng, ĩĩn hatĩ nẽẽg eet cĩg ꞌtaaũn cobbi cĩ Nyekuc caannĩ, ĩnõõ ꞌJeruꞌthalẽmĩ ꞌcĩ ĩĩn ngeju ꞌcĩ hatĩ ĩꞌthõõa Nyekuci caannĩ hẽẽtahujjieen hikia loota nẽ hatĩ heteheedĩha naa ꞌthaar cĩgannĩg buúk eleetinii cĩggĩĩng.

Terethiinit 4:1

Ma nĩngaata, hĩcĩna hattũũg cĩ õlõ cĩ Nyekuci hẽẽtahujjieen ubbuuhi nẽ ikia mõlõõhĩ ꞌcĩ baa hĩthĩha ĩĩcĩ oou ẽlẽk, ẽggẽrꞌnya hĩ tũũrĩ nẽ ĩnnĩhaa, “Ijjia da ngaati, hátĩ heteretheehii thooꞌthiok ꞌcĩg hatĩ edeeꞌnyia urutaa cĩ thooꞌthiok iccig.”

Terethiinit 6:8

Hĩcĩnootha looc hẽẽtahujjieen nẽ hudtuuha nyangõõllẽẽ ꞌcĩ ꞌthõllĩ. Haĩ ꞌthaar cĩg ꞌthukanniooktak, Daahĩth nẽ ũnũa Habuccieet cĩ Daahĩthõõ ĩnõõnnõ uruta. Baa aaꞌnyĩhoothĩk ĩhõõggõ makaaꞌthĩt ꞌcĩ aggamĩ dhoorit ꞌcĩ abadtẽc loota nĩnga nẽ uruhit eet nyetubooꞌnyanĩ hĩ magĩꞌthiõõhĩ hĩ mooriꞌthioohĩ nẽ uruhit eet hẽlẽggẽẽnnĩĩ ꞌcĩg arũgĩ ĩcĩg moru.