Terethiinit 13:5 - ꞌBuuk cĩ Thõõth cĩ Nyekuci

⁵ Ma ho, ẽlẽmaahĩ Nyekuci nyaharahaak nicci hõdõõm ĩnõõnnõ nẽ aaꞌnyĩk hidticanõõĩ makaaꞌthĩt cĩnnĩ ho nyĩlõhĩ hẽẽn ꞌwec hĩ ꞌramma.

Terethiinit 13:5 Iomraidhean Croise

2 Tẽꞌthaloonika 2:3

Ma haaꞌnyiku eet umwa higgooluung ũdũt, hĩnĩngĩtĩ hõllõngaa hatĩ aku kõrra niccia nga hedeeꞌnyia jõrẽẽĩ. Nẽ tarĩ hõllõngaa aku kõrra niccia nga hedeeꞌnyia ẽẽtĩ ꞌcĩ abũrĩ thõõth cĩ Nyekuci, nẽẽthĩ, eet ꞌcĩ hatĩ aruk Nyekuci ho niccia.

2 Tẽꞌthaloonika 2:4

Irrian hatĩ ẽẽtĩ tĩho nẽ ũtũbũr hẽlẽggĩ vẽlẽk ꞌcĩg ẽllẽẽmĩth hode ꞌcĩg aꞌngirannii. Nẽẽthĩ tarĩ, iccioloongan hatĩ nẽẽ ꞌCieetõõ cĩ Nyekuci nẽ uduha ĩĩ hĩĩnĩ Nyekuc.

2 Tẽꞌthaloonika 2:8

Nẽ ma edeeꞌnyia ẽẽtĩ ꞌcĩ abũrĩ thõõth cĩ Nyekuci ho, aruk hatĩ Makayyioohiti Yeesu ĩnõõnnõ ꞌlaũhẽẽnnĩĩ cĩgĩnnĩg nẽ tarĩ, uruk bulẽẽttaa ꞌcĩ õbõdaanĩ nẽẽnĩ.

Terethiinit 11:7

Ma hatĩ edecciaak aajĩlẽẽta ꞌcĩg ĩĩn ꞌramma ꞌcĩg ĩĩn hẽbẽrĩ ho dtiic ꞌcĩ irrioonĩkĩ eet thõõth cĩ Nyekuci, adukna hatĩ nyaharahaahĩ ꞌcĩ aaĩ ꞌloohaa cĩ hiꞌthihi dtuurnanĩt ko nẽ ikia ĩllõõan jore, nĩngĩtĩ aruhi ĩhõõggõ.

Terethiinit 12:14

Baa aaꞌnyĩhoothĩk ngaa nicci havvuuto ꞌramma ꞌcĩg obbitẽẽgĩ, ꞌcĩg aattĩg hĩcĩg ꞌthuutiaak ꞌcĩg baag ẽẽl ĩnõõnnõ hukul hũũk ĩĩcĩ baa õkõ aayyi horrwatõõ umwaanĩ ĩcĩ õdõhõhĩĩ kak, ngaatĩ hõllõngaa õdõlanĩ ꞌbuuhi niccieeni nẽ utuguthi nĩĩca irkiꞌnyia iyyio hĩ ꞌnuth.

Terethiinit 12:6

Nĩngĩtĩ avviri ngaa nicciee õkõõĩ horrwatõõ umwaanĩ ĩcĩ õdõhõhĩĩ kak, ngaatĩ baa akũmaneek Nyekuci aĩ ꞌcĩ hatĩ õkõ aꞌthũũnnĩ ĩnõõnnõ waathinniook aalib hõdẽĩ hĩ ꞌmiiaꞌnya ꞌramma hĩ hẽẽn tõrkõnõn (1,260).

Terethiinit 13:7

Ma ho, ikia ẽlẽmaahĩ Nyekuci nyaharahaak nicci hurukto hĩ eet cĩgĩnnĩg, hátĩ hĩllõõan nẽẽ ĩhõõggõ. Nẽ baa aaꞌnyĩk Nyekuci nyaharahaak nicci buúk, makaaꞌthĩt ꞌcĩ aggamĩ looc eetini noho hĩ habuccieeꞌnya hĩ hattũũgẽt vẽlẽk.