Terethiinit 13:3 - ꞌBuuk cĩ Thõõth cĩ Nyekuci

³ Baa aꞌnyak õõ cĩ nyaharahaak nicci umwaa carrahula cobbi gẽrrẽẽt, ꞌcĩ occa hõllõngaa alalĩ, nẽẽthĩ, baa ikia alala. Ma ho, ikia ubulan thõõth ciee eet vẽlẽk loota nĩnga, nĩngĩtĩ anũĩ nẽẽg nyaharahaak nicci.

Terethiinit 13:3 Iomraidhean Croise

ꞌLuuka 2:1

Ma waathinniook nicciag, ikia uduhaak habuui cobbi cĩ ꞌRooma ꞌcĩ haĩ Agguutto eet looccaa cĩ ꞌRooma hũtũrũũr hõõt hitigiilli.

Yõaannẽ 12:19

Nĩngĩtĩ õthõõthõnĩ Variꞌtheei ẽmmẽn aĩnnĩ, “Iittiõõ ꞌgii ꞌcĩ occa nga hadĩman naag tõõ. Ĩcĩnĩt nõõ ngaatĩ anũĩ eeta vẽlẽk Yeesu!”

Dtiicanĩ cĩg ꞌThooyyiahu 8:13

Nẽ baa ikia ẽlẽmõ ꞌThimõõnẽ buúk, nĩngĩtĩ aggamĩ baattithimo. Ma nĩngaata, ũnũ nẽẽ Pilippo ꞌgõõlaa ꞌcĩ õkõõĩ, hĩnĩngĩtĩ thooꞌthiok ꞌcĩg ĩnaat eeta ꞌcĩg acĩn nẽẽnĩ.

Terethiinit 13:12

Adticaniini nẽẽ ꞌtirrian cĩ nyaharahaak baa oou baa aꞌnyak ngatubeenit õõa ꞌcĩ alal ẽlẽk. Nẽ ĩttĩnganeek eet makaaꞌthĩtaa cĩnnĩ loota nĩnga, halaacõ nyaharahaak baa oou.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.

Terethiinit 17:10

Adaahito habuẽẽta ꞌcĩg ĩĩn ꞌtur ẽlẽk nẽ nga aaĩ hõdẽĩ, ꞌcĩ nga aggam looc ꞌyioko nẽ nga hatĩ aku umwaanĩ. Nẽ má ikia tĩho, aku hatĩ aggam looc hĩdĩhĩdĩĩc haaga nẽ iꞌnginõõthĩ.

Terethiinit 17:11

Nẽ nyaharahaahĩ baa adtuuha nii arũgĩ nẽ ꞌyioko iꞌnginõõthĩ ho, ĩĩn habu ꞌcĩ ĩĩn turkiyyio, urutaa cĩ habuẽẽt ꞌcĩg ĩĩn tũkĩramma ho, aruhi hatĩ nẽẽ buúk, hiꞌnginõõthĩ haaga.

Terethiinit 17:13

Ẽlẽmĩ hatĩ nẽẽg vẽlẽk ngaatĩ aaꞌnyĩkĩ nyaharahaak nicci ꞌtirrian hĩ makaaꞌthĩt cĩnĩĩng.

Terethiinit 17:17

Nyekuc ꞌcĩ aaꞌnyĩk habuẽẽt niccig hõdõĩ muhẽẽnĩtĩ cĩnĩĩng, ĩnõõ ꞌcĩ ẽlẽmaakĩ nẽẽg vẽlẽk ꞌtirrian cĩnĩĩng nyaharahaak nicci ho. Adĩman ꞌthẽk hatĩ nẽẽg noho ĩꞌthõng, hikia thõõth baa aduha Nyekuci hĩĩ dĩdĩ.

Terethiinit 17:6

Nẽ ma hadtuuha, adũũtĩ ngaa tĩho gẽrrẽẽt, hĩnĩngĩtĩ biyyi ꞌcĩg acũdaanĩ nẽẽ eet baag ẽlẽmana eleeti cĩggĩĩng anũĩ Yeesu. Nẽ baa abulannaa thõõth ciee gẽrrẽẽt ũdũt.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.