Terethiinit 13:18 - ꞌBuuk cĩ Thõõth cĩ Nyekuci

¹⁸ Adiim eggeenyi, hátĩ gaa ꞌliimira cĩ nyaharahaak nicci! Nẽẽthĩ, ma eggeenyi, occa aga ngaatĩ adticanĩĩ thõõth icci. Ĩĩn ꞌliimira cĩ nyaharahaak nicci ꞌmiiaꞌnya tõrkõnõn hĩ hẽẽn tõrkõnõn hĩ tõrkõnõn (666) nẽ ĩĩn ꞌliimira ciee cĩ nyaharahaahõ.

Terethiinit 13:18 Iomraidhean Croise

Maarko 13:14

“Kõr umwa, acinnu hatĩ niig ‘ꞌgii ꞌcĩ abathĩ gẽrrẽẽt ꞌcĩ aꞌnyaha ꞌribban,’ abĩlĩ ngaatĩ hõllõngaa occa abĩllĩ. Niig eeta vẽlẽk ꞌcĩg agiilennu agaac jurrung, aĩ ꞌthẽk thõõth ciee dẽẽdẽ ne! Nẽẽthĩ, eeta ꞌcĩg aattĩg ꞌJudeea, aꞌnyĩĩk hivvirit hõõt muurriõhĩ.

ꞌRooma 3:5

Nẽẽthĩ, má uppulana bathi cĩnaac bũnnai cĩ Nyekuci battaala, ĩcca occa ꞌyioko hõthõõth haĩ ne? Occa ꞌyioko hatĩ abathĩ hĩ Nyekuc ngaatĩ alĩĩllĩ nẽ uukeet ngagĩĩta? Hothoothi naa hĩ gõõng õthõõth eeta.

Terethiinit 1:3

Aggatan hatĩ Nyekuci eet vẽlẽk ꞌcĩg agiilik ꞌgõõnõgĩ thõõth ꞌcĩ aduha Nyekuci ꞌbuuhaa cĩ ho nẽ aggatan hatĩ Nyekuci eet ꞌcĩg athĩhĩ nẽ elemit thõõth ꞌcĩ adukiaa ꞌbuuhaa cĩ. Õbõhĩ kõrra ꞌcĩ hatĩ au edeeꞌnyianĩ thooꞌthioha cieeg vẽlẽk.

Terethiinit 15:2

Ma ho, hudtuuha ꞌgiimwa ꞌcĩ attalĩth aaĩ hĩ gĩlaathĩ ꞌcĩ maka ĩĩkĩ bũlũc nẽ õꞌngõõtanoothĩk hĩ ꞌgwoo. Baa abĩlĩ eeta baag ĩllõõan nyaharahaak hĩ ꞌthooura hĩ ꞌliimira ꞌcĩ ẽtẽrꞌtha ꞌthaar cĩg nyaharahaahõ, gĩlaathaa ꞌcĩ maka ĩĩkĩ bũlũc ko. Baa aggam nẽẽg vẽlẽk addungẽẽt, ꞌcĩg baag aaꞌnyĩk Nyekuci ĩhõõggõ.

Terethiinit 17:9

“Aga ẽẽtĩ ꞌcĩ ẽggẽẽnyĩth aĩ, ĩĩn ooti ꞌcĩg ĩĩn tũkĩramma ꞌcĩg iccioloonganĩ ngaa nicciee ho, muurriok tũkĩramma nẽ tarĩ, ĩthakꞌthoothĩk ooti cieeg buúk habuẽẽt ꞌcĩg ĩĩn tũkĩramma ho.

Terethiinit 21:17

Ma baa appiimanni dilat cĩ araanõ ho, ammuddiaa hinnia dtikiri cĩ dilaatõ dioo ĩĩn mĩĩtĩrꞌnya hẽẽn tõrkõnõn hĩ ꞌtur. Baa appiimaniini aajĩlõ hẽẽt ꞌthẽk ꞌcĩ aaĩ hĩ gõõng hattĩmanaanĩ naag ꞌcieeth ꞌcĩ attĩmanniaa ꞌthõõnĩ.