Terethiinit 13:13 - ꞌBuuk cĩ Thõõth cĩ Nyekuci

¹³ Nẽ baa adtican nyaharahaahĩ ciee hẽlẽggĩ ꞌcĩg ĩnaat eeta, gõõng aaꞌnyĩk ꞌgwoo hikia hẽẽtahujjieen hõdõlan looc, ẽbẽk eeta noho.

Terethiinit 13:13 Iomraidhean Croise

Luugithõõ 7:22

Nẽẽthĩ hinnianĩ, baa adtican ngarĩta buúk, thooꞌthiok ꞌcĩg aduhõõ hĩ ꞌcĩg adtican Arõõnẽ ho thõng, ꞌgõõlaa cĩnĩĩng ĩcĩ ammiꞌthi, nĩngĩtĩ aku õkõmmĩ habu cĩ Ijjibi õõ hiittiõõ hõllõngaa athĩhĩ thõõth cĩ Mũũꞌtha hĩ cĩ Arõõnẽ, hĩ baa aduha Makayyioohiti.

Luugithõõ 8:7

Au hinnia adĩman ngarĩta buúk, hẽlẽggĩ ꞌcĩg aduhõõ ꞌgõõlaa cĩnĩĩng ẽmmẽn, aaꞌnyĩk nẽẽg buúk lõkĩdõdõõknya hĩbbĩtĩt looc cĩ Ijjibi.

Luugithõõ 9:11

Baa aꞌnyaman ngarĩt ngaatĩ au abĩllĩ muumaa cĩ Mũũꞌtha, hĩnĩngĩtĩ thõõth ꞌcĩ õddõngtĩ eleeti cĩggĩĩng hĩ eet cĩg Ijjibi vẽlẽk.

Maatteeo 16:1

Ma ho, ummuddiaak Variꞌtheei hĩ Thadutheei Yeesu nẽ idiimito ĩttĩmanit ĩnõõnnõ ngaatĩ ajini thõõth ꞌcĩ ĩnaat eeta ꞌcĩ aku hẽẽtahujjieen.

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

Maarko 13:22

Hĩnĩngĩtĩ au hatĩ uppwaanna krĩstõꞌnya hĩ põrõvẽtaaꞌnya ꞌcĩg ĩĩn oloꞌngiaak ꞌcĩg au adtican hẽlẽggĩ ꞌcĩg ĩnaat eeta, aĩ hatĩ higgoollia eet baag ẽbẽra Nyekuci, hatĩ ũũlũ ngaatĩ ĩggõõlĩ ĩhõõggõ.

2 Timotteeo 3:8

Hĩ baa ẽppẽhan eeta baag haĩ hĩ ꞌJaannẽthĩ hĩ ꞌJambere thõõth cĩ Mũũꞌtha, abũrĩ eeta cieeg thõõth ꞌcĩ ĩĩn dĩdĩ, ĩĩn nẽẽg eet ꞌcĩg ẽꞌngẽjĩ ooti nẽ hõllõngaa ĩĩn lemiiniti cĩnĩĩng dĩdĩ.

Terethiinit 11:5

Má adiim mĩrõha ũgẽẽgĩ aruk ĩhõõggõ, aku ꞌgwaa utugeetinii cĩggĩĩng nẽ ũtũũth mĩrõk hĩĩ ꞌthĩĩ, ꞌgõõl ꞌcĩ hatĩ adaaknĩ nẽẽg niccia.

Terethiinit 16:14

Nẽ loriẽẽta ꞌcĩg abathĩ ĩĩn iyyio ho, aꞌnyak ꞌtirrian ꞌcĩ adticanĩ thooꞌthiok ꞌcĩg ĩnaat eeta. Ma ho, õõt uduktaak habuẽẽt cĩg lootu vẽlẽk, hulutti ngaatĩ doyyii, hátĩ hõõt joraa cĩ kõr cobbi, ꞌcĩ hatĩ ẽttẽẽdĩ Nyekuci ꞌTirriannioohiti ꞌcĩ ĩllõõan vẽlẽk, thooꞌthiok, kõr ꞌcĩ decciaanĩt cĩ lootu.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 20:9

Õvvõ hatĩ nẽẽg looc vẽlẽk nẽ irriamatteek eet cĩg Nyekuci, hĩ eet cĩg ꞌtaaũn cobbi ꞌJeruꞌthalẽm, ꞌcĩ ammĩnan eeta cĩgĩnnẽẽgĩ. Nẽẽthĩ, baa hinnia adhukiaa ꞌgwaa hẽẽtahujjieen, hikia hũtũũth mĩrõk tĩko hĩĩ ꞌthĩĩ.