Terethiinit 13:12 - ꞌBuuk cĩ Thõõth cĩ Nyekuci

¹² Adticaniini nẽẽ ꞌtirrian cĩ nyaharahaak baa oou baa aꞌnyak ngatubeenit õõa ꞌcĩ alal ẽlẽk. Nẽ ĩttĩnganeek eet makaaꞌthĩtaa cĩnnĩ loota nĩnga, halaacõ nyaharahaak baa oou.

Terethiinit 13:12 Iomraidhean Croise

2 Tẽꞌthaloonika 2:4

Irrian hatĩ ẽẽtĩ tĩho nẽ ũtũbũr hẽlẽggĩ vẽlẽk ꞌcĩg ẽllẽẽmĩth hode ꞌcĩg aꞌngirannii. Nẽẽthĩ tarĩ, iccioloongan hatĩ nẽẽ ꞌCieetõõ cĩ Nyekuci nẽ uduha ĩĩ hĩĩnĩ Nyekuc.

Terethiinit 13:2

Nẽ nyaharahaahĩ ꞌcĩ hacini naa ho, aꞌnyak ẽlẽ hĩ hẽẽlangĩ nẽ aattĩg ꞌthoona hĩcĩg nyemumuuak nẽ aꞌnyak ũtũg hĩ ꞌmaa. Ma ho, aaꞌnyĩk ꞌbuuhi dtaaba hĩ ꞌtirrian hĩ makaaꞌthĩt cĩnnĩ vẽlẽk, nyaharahaak nicci.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 14:11

Má ala ẽẽtĩ umwaa nyaharahaak hĩ ꞌthooura cĩnnĩ nẽ ẽlẽm nyamacaarwa cĩg ꞌthaar cĩgĩnnĩg, accananni hatĩ nẽẽ baalin hĩ waathĩn. Nẽ ĩꞌngaathĩ hatĩ bũrrẽtĩ cĩ ꞌcannan cĩnnĩ ho, hũũk hẽẽtahujjieen ooo haaga nẽ hõllõngaa hatĩ iyyioman ꞌcannaana ũdũt.”

Terethiinit 14:9

Ma ho, ũnũa aajĩlõ ꞌcĩ adtuurna ꞌcĩ ĩĩn iyyio nẽ ẽggẽrẽny nẽẽ buúk ĩĩ, “Ẽẽtĩ ꞌcĩ ala nyaharahaak hĩ ꞌthooura cĩnnĩ nẽ ẽlẽm ngaatĩ aarĩkĩ nyamacaar cĩ nyaharahaahõ muuma, hode attiaa cĩnnĩ,

Terethiinit 16:2

Ma nĩngaata ĩcĩĩdak aajĩlõ ꞌcĩ oou mooriꞌthiook ꞌcĩg aꞌnyak nẽẽ lohilihilaa cĩnnĩ ho eet loota nĩnga. Ma hĩdĩĩkoothong, ulubta carrahulita ꞌcĩg abathĩ nẽ ẽkẽdanit gẽrrẽẽt, eetinii cĩg eet ꞌcĩg aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ ho.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 20:4

Ma nĩngaata, hudtuuha dtaabĩt ꞌcĩg aattiyyi eeta ꞌcĩg aaꞌnyĩhoothĩk makaaꞌthĩt ꞌcĩ ẽttẽẽdĩ thooꞌthiok cĩg eet cĩg lootu. Nẽ tarĩ, hudtuuha eet baag aruhi, hĩnĩngĩtĩ irrioon thõõth cĩ Yeesu hĩ thõõth cĩ Nyekuci. Baa nga halaacõ nẽẽg nyaharahaak hode ꞌthooura cĩnnĩ nẽ abũrĩ ngaatĩ amacaaranĩ athĩn hĩ muumti cĩggĩĩng. Arũgna hatĩ nẽẽg hiita haggamit looc hõdẽĩ hĩ Yeesu Krĩstõ irkiꞌnyia aalib hõdẽĩ.