Terethiinit 13:11 - ꞌBuuk cĩ Thõõth cĩ Nyekuci

¹¹ Ma ho, hudtuuha nyaharahaak umwa tarĩ, ꞌcĩ adukna loota nĩnga, ꞌcĩ aꞌnyak otto ꞌramma hĩ mĩꞌnyõõna, ngaatĩ õthõõthõnĩ hĩ ꞌbuuk ꞌcĩ aꞌthĩlan ko.

Terethiinit 13:11 Iomraidhean Croise

Maatteeo 7:15

“Ĩcĩnĩt põrõvẽtaaꞌnya ꞌcĩg ĩĩn oloꞌngiaak jurrung! Hĩnĩngĩtĩ au nẽẽg hĩ ngagiit tarbalĩg haauto hĩ aꞌtha, nẽ ĩko ꞌthinneetinitõõ cĩggĩĩng, aattĩg hĩ huduumwaana ꞌcĩg au arukuung thõng.

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

2 Tẽꞌthaloonika 2:4

Irrian hatĩ ẽẽtĩ tĩho nẽ ũtũbũr hẽlẽggĩ vẽlẽk ꞌcĩg ẽllẽẽmĩth hode ꞌcĩg aꞌngirannii. Nẽẽthĩ tarĩ, iccioloongan hatĩ nẽẽ ꞌCieetõõ cĩ Nyekuci nẽ uduha ĩĩ hĩĩnĩ Nyekuc.

Terethiinit 11:7

Ma hatĩ edecciaak aajĩlẽẽta ꞌcĩg ĩĩn ꞌramma ꞌcĩg ĩĩn hẽbẽrĩ ho dtiic ꞌcĩ irrioonĩkĩ eet thõõth cĩ Nyekuci, adukna hatĩ nyaharahaahĩ ꞌcĩ aaĩ ꞌloohaa cĩ hiꞌthihi dtuurnanĩt ko nẽ ikia ĩllõõan jore, nĩngĩtĩ aruhi ĩhõõggõ.

Terethiinit 12:17

Ma ho, ikia ĩlĩĩlĩeek ꞌbuuhi nicciee ngaa nicci gẽrrẽẽt ũdũt, nĩngĩtĩ aahĩ jore nẽ õõt urukto hĩ lõhõlĩ cĩg ngaa nicci, ĩhõõggõ eeta ꞌcĩg athĩhĩ tilooinit cĩ Nyekuci nẽ elemit thooꞌthiok ꞌcĩg alliman Yeesu.

Terethiinit 13:1

Ma ho, hudtuuha nyaharahaak umwa ꞌcĩ adukna bũlũcatõõ ꞌcĩ aꞌnyak ooti tũkĩramma hĩ otto õmmõtõ. Aꞌnyak otto ꞌcĩg ĩĩn tũkĩramma ho vẽlẽk tẽmẽdẽhĩt nẽ eteheeddi ꞌthaara ꞌcĩg õdõõm Nyekuc ootinii ꞌcĩg ĩĩn õmmõtõ ho vẽlẽk.

Terethiinit 13:17

Nẽ ẽẽtĩ ꞌcĩ hõllõngaa aꞌnyak nyamacaar nicci, aitiõõ hõllõngaa aaꞌnyĩhoothĩk ĩnõõnnõ hũtũũõĩ ijjio cĩgĩnnĩg, hode hũtũũwa ijjio ũgĩ buúk. Ĩĩn nyamacaar nicciee ꞌthaar cĩg nyaharahaak nicci hĩ ꞌliimira ꞌcĩ ꞌthaar cĩgĩnnĩg.

Terethiinit 13:4

Baa au ala eeta ꞌbuuk nicci, hĩnĩngĩtĩ aaꞌnyĩk nẽẽ nyaharahaak makaaꞌthĩt cĩnnĩ. Nĩngĩtĩ au alaĩ eeta nyaharahaak buúk aĩnnĩ, “Nganĩ ꞌcĩ aduhõõ hĩ nyaharahaak icci nẽ nganĩ ꞌcĩ occa aruhõõ hĩ ĩnõõnnõ ho?”

Terethiinit 16:13

Ma nĩngaata, hĩcĩna loriẽẽt iyyio ꞌcĩg abathĩ ꞌcĩg aattĩg hĩ lõkĩdõdõõknya. Adukna hõdẽĩ ũtũũgaa cĩ ꞌbuuk ꞌcĩ aꞌthĩlan ko nẽ uduhuna umwaa ũtũũgaa cĩ nyaharahaahõ nẽ tarĩ, uduhuna umwaa ũtũũgaa cĩ eet ꞌcĩ õõlõng aĩ, hĩĩnĩ põrõvẽtaac ko.

Terethiinit 17:6

Nẽ ma hadtuuha, adũũtĩ ngaa tĩho gẽrrẽẽt, hĩnĩngĩtĩ biyyi ꞌcĩg acũdaanĩ nẽẽ eet baag ẽlẽmana eleeti cĩggĩĩng anũĩ Yeesu. Nẽ baa abulannaa thõõth ciee gẽrrẽẽt ũdũt.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.