Terethiinit 13:10 - ꞌBuuk cĩ Thõõth cĩ Nyekuci

¹⁰ Má adiim Nyekuci eet umwa haggamĩ hũũk baabuutha, aggammi ꞌthẽk hatĩnĩ, nẽ má adiim Nyekuci eet umwa huruhi, aruhi ꞌthẽk hatĩnĩ. Aĩ thõõth ciee nẽẽ, aaꞌnyĩk eet cĩg Nyekuci hetemeethito ꞌcannan nẽ elemit thõõth cĩnnĩ.

Terethiinit 13:10 Iomraidhean Croise

Maatteeo 26:52

Ẽdẽcĩ Yeesu ĩnõõnnõ anneek, “Bõdẽẽhĩ nyetuboot ngaatĩnnĩ, hĩnĩngĩtĩ eeta cĩg acuhan eet nyetuboota, adaahĩ hatĩ acuhanni nyetuboota.

Maatteeo 7:2

Hĩnĩngĩtĩ etteedikuung hatĩ Nyekuci ngagiit buúk thõõth, ꞌgõõlaa ꞌcĩ gõõng etteediku niig ꞌgoonogu! Adĩmaneekuung hatĩ nẽẽ thõõth ꞌcĩ gõõng adĩmaneeku niig ꞌgoonogu.

ꞌLuuka 21:19

Ĩbĩlĩt kõmĩĩtha hatĩ ummuddia rũgẽt.

Kolooꞌthe 1:11

Halaiinna naag, hátĩ okomit niig bulẽẽttaa cĩ ꞌtirrian cĩnnĩ, hátĩ aꞌnyahit temeethi vẽlẽk ꞌcĩ adiimmu niiga. Aꞌnyĩĩk Nyekuc haaꞌnyuung taliinit.

Ebereei 6:12

Hõllõngaa hadiimmuung naag ngagiit ĩĩtõ nyamuttiook, hadiimmuung ĩthahithit eet baag aꞌnyahit lemiinit hĩ temeethi nẽ iita ummuddia thõõth baa aduha Nyekuci.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 11:18

Baa alĩĩllĩ eeta cĩg loonyin vẽlẽk nẽ ikia iliiliuu nii buúk! Nẽ ꞌyioko, ikia kõrra ꞌcĩ etteedini thooꞌthioha cĩg daakiahu. Nẽ ikia kõrra ꞌcĩ aaꞌnyĩkĩĩ nii dticcianniook cugunnig ꞌcĩg ĩĩn põrõvẽtaaꞌnya ꞌbaaninit, hĩ eet vẽlẽk baag adĩhĩth ꞌthaar cugunnig, eetinii ꞌcĩg kidicig hĩ ĩcĩg obbitig vẽlẽk. Ikia kõrra ꞌcĩ aruhi Nyekuci eet vẽlẽk baag acũda looc.”

Terethiinit 14:12

Aĩ thõõth ciee, adiim ẽmmẽẽthĩ eeta cĩg Nyekuci ꞌcannan nẽ uꞌthuutti tilooinit cĩ Nyekuci ho nẽ uꞌthuutti lemiinit cĩnĩĩng hĩ Yeesu ũdũt.

Terethiinit 16:6

Baa uruhit eeta baag abathĩ eet cugunnig ꞌcĩg ẽllẽẽmĩth hĩ põrõvẽtaaꞌnya cugunnig. Nẽ baa uuku nii ĩhõõggõ, hĩnĩngĩtĩ ĩĩn ꞌgii ꞌcĩ akĩĩny nẽẽgĩ.”

Terethiinit 17:11

Nẽ nyaharahaahĩ baa adtuuha nii arũgĩ nẽ ꞌyioko iꞌnginõõthĩ ho, ĩĩn habu ꞌcĩ ĩĩn turkiyyio, urutaa cĩ habuẽẽt ꞌcĩg ĩĩn tũkĩramma ho, aruhi hatĩ nẽẽ buúk, hiꞌnginõõthĩ haaga.

Terethiinit 17:8

Ĩĩn nyaharahaahĩ ꞌcĩ baa acini nii ho, nyaharahaak ꞌcĩ baa arũgĩ baarkit nẽ ꞌyioko, adaaha, adukna hatĩ ꞌloohatõõ cĩ daahĩthõõ nẽ ũũk uduhoothĩha. Nẽ eeta ꞌcĩg looc nicci, ꞌcĩg baag nga heteheeddi ꞌthaara cĩggĩĩng ꞌbuuhaa cĩ rũgẽtõ baa nga heteheꞌnyiaa lõõcĩ, akuleek hatĩ ꞌjieen ngaatĩ uppwaannanĩ nyaharahaahĩ baa adaak ẽlẽk.

Terethiinit 2:19

Haga naa hẽlẽggĩ vẽlẽk ꞌcĩg adĩmannu niiga. Haga mĩnnan cunuung hĩ lemiinit cunuung hĩ dtiic cunuung hĩ ꞌgõõl ꞌcĩ emmeeꞌthu thooꞌthiok. Nẽ haga ngaatĩ adticannu thooꞌthiok jurrung waathinnioohĩĩ cĩg, hĩllõõan baag adticannu baa ꞌrẽẽna.

Terethiinit 2:2

“Haga naa hẽlẽggĩ vẽlẽk ꞌcĩg adĩmannu niiga nẽ hĩcĩna ngaatĩ adticaniinnu gẽrrẽẽt, hĩ ngaatĩ emmeeꞌthu thooꞌthiok. Nẽ tarĩ, hagawa ngaatĩ hõllõngaa anuꞌthaannu eet ꞌcĩg abathĩ. Ittiamattu niig eet ꞌcĩg õõlõng aĩ, hĩĩgĩnna ꞌthooyyiak nẽ ĩko nẽẽ hõllõngaa ĩĩn ꞌthooyyiak dĩdĩ. Ummuddiaau niig dĩdĩ, ngaatĩ ĩĩnnĩ nẽẽg oloꞌngiaak.

Terethiinit 3:10

Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.

Terethiinit 3:3

Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.