Terethiinit 12:9 - ꞌBuuk cĩ Thõõth cĩ Nyekuci

⁹ Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 12:9 Iomraidhean Croise

ꞌThianaattõ 3:1

Nẽ baa ĩĩn hũkaat ꞌgeeꞌnyiahit ꞌcĩ ĩllõõan idiꞌngwa vẽlẽk baag ẽhẽnyta Makayyioohiti Nyekuci. Ma baa kõr umwa, ikia ijin hũkaat ngaa ĩĩnnĩk, “Anneekuung nẽẽꞌthẽk baa Nyekuci ngagiit, ‘Ma haduku hẽẽn ꞌcĩg abbiiri manatõõ tõõ ho’ dĩdĩ?”

ꞌThianaattõ 3:13

Ma ho, ijin Makayyioohiti Nyekuci ngaa ĩĩnnĩk, “Ne hatĩ ciee ĩdĩmanuu nii ho?” Ẽdẽcĩ ngaa Nyekuc anneek, “Iyyia alũllũũmaneeka hũkaat, nĩngĩtĩ haduhi.”

Maatteeo 13:39

nẽ mirohiti ꞌcĩ athacĩ hinyomo ꞌcĩg abathĩ ho, ĩĩn habu cĩ loriẽẽt ꞌcĩg abathĩ. Ĩĩn janiiniti dtuurnanĩt cĩ lootu nẽ janniook aajĩlẽẽta.

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maatteeo 4:1

Ma baa urutaa cĩnnĩ, ũũhĩ Lorii ꞌcĩ Ẽllẽẽmĩth Yeesu horrwaa ꞌcĩ õdõhõhĩĩ kak, hũũk hĩttĩman habuui cĩ loriẽẽt ꞌcĩg abathĩ.

Maatteeo 4:10

Ẽdẽcĩ Yeesu anneek, “Maꞌnyanĩ ngaatĩ haayyi naana ꞌThĩttaan! Eheeddi ꞌBuuhaa cĩ Nyekuci aĩ, ‘Buluth Nyekuc Makayyioohit cunni nẽ idticanoothihuu ĩnõõnnõ diooni.’ ”

Maatteeo 4:5

Ma ho, õtõdĩ habuui cĩ loriẽẽt ꞌcĩg abathĩ Yeesu ꞌCieeth cĩ Nyekuci ꞌJeruꞌthalẽma nẽ aaꞌnyĩk hĩbĩl ngaatĩ ĩĩn ꞌthilo.

Maatteeo 4:8

Ma tarĩ ho, ũũhĩ habuui cĩ loriẽẽt ꞌcĩg abathĩ ĩnõõnnõ muuraa ꞌcĩ uuni kĩdak nẽ eteretheek ĩnõõnnõ habuccieeꞌnya cĩg lootu hĩ makaaꞌthĩt cĩnĩĩng vẽlẽk.

ꞌLuuka 10:18

Ẽdẽcĩ Yeesu ĩhõõggõ anneek, “Baa ꞌthẽk hacini naa buúk ngaatĩ adhukiaanĩ ꞌThĩttaanĩ hẽẽtahujjieen hĩ tammu ꞌcĩ ammadĩ thõng.

ꞌLuuka 13:16

Occa ꞌyioko adiimmu niig tĩnaatĩ Abũrahamĩ ꞌcĩ ẽcẽb ꞌThĩttaanĩ irkiꞌnyia õmmõtõ hĩ turkiyyio ho, hiittiõõ hõllõngaa eelliaa Kõrraa cĩ ꞌYiommaanõ?”

ꞌLuuka 22:3

Nĩngĩtĩ adukni ꞌThĩttaanĩ ꞌJuuda ꞌcĩ haĩ Ithkarioote ꞌthooyyiahĩĩ ꞌcĩg ĩĩn õmmõtõ hĩ ꞌramma ho.

ꞌLuuka 22:31

Ma nĩngaata, ĩĩ Yeesu, “ꞌThimõõnẽ, ꞌThimõõnẽ, adiim ꞌThĩttaanĩ egeelluung ngagiit hõdẽĩ hõdẽĩ hĩ aagõõng egeelĩk jannioohiti tahaha cĩg ꞌgẽẽmẽ tuu.

ꞌLuuka 8:12

Hinyomona ꞌcĩg ĩꞌthanothoothĩk ꞌgõõla ho, ĩthakꞌthoothĩk eet ꞌcĩg athĩhĩ thõõth cĩ Nyekuci nẽ ikia aggama habuui cĩ loriẽẽt ꞌcĩg abathĩ thõõth ꞌthinneetinii cĩggĩĩng, hiittiõõ hõllõngaa ẽlẽmĩ Nyekuc, hátĩ heellia.

Yõaannẽ 12:31

Õdõlan kõrra ꞌcĩ etteedini thooꞌthioha cĩg eet cĩg looc nicci nẽ itiggiaoothĩk habuui cĩ looc nicci tuu!

Yõaannẽ 14:30

Iittiõõ hatĩ ꞌyioko hõllõngaa hõthõõthõõ naag hĩ ngagiit ĩꞌthõng, hĩnĩngĩtĩ ikia habuui cĩ looc nicci. Nẽẽthĩ, hõllõngaa aꞌnyak nẽẽ ꞌtirrian ꞌcĩ ĩllõõanna nganĩĩta.

Yõaannẽ 16:11

Nẽ ẽrẽk ĩhõõggõ ngaatĩ ẽttẽẽdĩ Nyekuci thooꞌthiok, hĩnĩngĩtĩ ẽttẽẽd Nyekuci thõõth cĩ habu cĩ looc nicci ẽlẽk.

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

Dtiicanĩ cĩg ꞌThooyyiahu 5:3

Ma ho, ĩĩ Pẽẽtũrũ, “Anania, alũllũmannii ꞌThĩttaanĩnganiit ꞌgõõl Lori ꞌcĩ Ẽllẽẽmĩth ngaatĩ itiangꞌthĩ ꞌrabbẽẽt aag aaꞌnyĩhoothikii, aa ũũtẽnĩ nii ijjio ho hutuno?

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

ꞌRooma 16:20

Ĩllõõan hatĩ Nyekuci ꞌcĩ aaꞌnyeet ganõn ꞌThĩttaan nẽ iittiõõ makaaꞌthĩt ꞌcĩ occa ĩllõõannuung ꞌThĩttaanĩ tõõ. Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiita.

2 Korinthia 11:14

Aitiõõ hõllõngaa occa hakuleek naag ꞌjieen, hĩnĩngĩtĩ ꞌThĩttaan dẽẽdẽ ꞌcĩ õõlõng aĩ, hĩĩnĩ aajĩlõ ꞌcĩ hakuu hĩ Nyekuc.

2 Korinthia 11:3

Nẽẽthĩ, homoꞌthi naa haini iggoolluung hatĩ ꞌThĩttaanĩ baa ĩĩn hũkaat baa ĩggõõl Ẽẽvva, nẽ arahannuung hatĩ ngagiit, hátĩ hiittiõõ hõllõngaa anuyyu thõõth ꞌcĩ tẽllĩ ꞌcĩ ĩĩn dĩdĩ cĩ Krĩstõ.

2 Korinthia 12:7

Ee mĩĩ ꞌthẽk, hothoothi naa ꞌyioko hẽlẽggĩ ꞌcĩg baag ẽllẽẽmĩth baag hĩcĩna naana. Ĩꞌthõõa ꞌThĩttaanĩ aajĩlõ cĩnnĩ ꞌcĩ ĩĩn lori ꞌcĩ abathĩ, hátĩ hikia haꞌnyaha pĩĩrnanĩt ꞌcĩ ẽkẽdan aaĩ hĩgõõng akatĩ eet bĩllẽẽtĩ, hátĩ hiittiõõ hõllõngaa hirriani gẽrrẽẽt.

2 Korinthia 2:11

hátĩ hiittiõõ hõllõngaa aku ĩllõõanneet ngagĩĩt ꞌThĩttaanĩ. Hĩnĩngĩtĩ haga naag muhẽẽnĩt cĩnnĩ gẽrrẽẽt.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

Eevvetho 4:14

Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.

2 Tẽꞌthaloonika 2:3

Ma haaꞌnyiku eet umwa higgooluung ũdũt, hĩnĩngĩtĩ hõllõngaa hatĩ aku kõrra niccia nga hedeeꞌnyia jõrẽẽĩ. Nẽ tarĩ hõllõngaa aku kõrra niccia nga hedeeꞌnyia ẽẽtĩ ꞌcĩ abũrĩ thõõth cĩ Nyekuci, nẽẽthĩ, eet ꞌcĩ hatĩ aruk Nyekuci ho niccia.

1 Timotteeo 2:14

Baa hõllõngaa Aadam ꞌcĩ ĩggõõl ꞌThĩttaanĩ ho, baa Ẽẽvva ꞌcĩ ĩggõõl ꞌThĩttaanĩ hẽꞌthẽcanõõ ho.

2 Timotteeo 3:13

Nẽ eeta ꞌcĩg ẽꞌngẽjĩ ooti hĩ ꞌcĩg õõlõng aĩ hagayyia thõõth nẽ hõllõngaa aga dĩdĩ buúk ko, au hatĩ abathoothi nẽẽg gẽrrẽẽt, ĩggõõl ꞌgõõnõgĩ nẽ ĩggõõl eeta ĩhõõggõ buúk.

Ebereei 2:14

Hĩĩgĩn naag vẽlẽk eet ꞌcĩg haꞌnyak eleeti. Ĩnõõ ꞌcĩ aku ĩĩnnĩ Yeesu eet hĩ naag ko. Baa adaahĩ nẽẽ, hátĩ huruk habu cĩ loriẽẽt ꞌcĩg abathĩ, baa aꞌnyak ꞌtirrian ꞌcĩ aruhi eet.

1 Pẽẽtũrũ 5:8

Uꞌthuutti eleeti nẽ aauttu dĩkĩĩm. Awanĩt mirohiti cunuung habuui cĩ loriẽẽt ꞌcĩg abathĩ looc hĩ ꞌmaa ꞌcĩ arruuk adiim eet ꞌcĩ aruhi.

1 Yõaannẽ 5:19

Haga naag jurrung haĩ, hau naag hĩ Nyekuc nẽ aggam ꞌThĩttaanĩ eet vẽlẽk ꞌcĩg abathĩ ꞌcĩg looc nicci.

ꞌJuud 1:9

Tananga Mikaĩlẽ habuui cĩ aajĩleetu buúk, baa hõllõngaa ũũlũ ngaatĩ õdõõmĩ habu cĩ loriẽẽt ꞌcĩg abathĩ baa ẽppẽhanõõnĩ nẽẽg ꞌrammaattĩg ẽlẽ cĩ Mũũꞌtha. Thõõth vẽlẽk ꞌcĩ baa õthõõth Mikaĩlẽ dioo ꞌcĩ aĩ, “Uuki hatĩ nganiit Makayyioohiti!”

Terethiinit 12:12

Aꞌnyĩĩk hẽẽtkujjieen hatal nẽ atalit niig vẽlẽk eeta ꞌcĩg aattiyyu nĩngaata! Pĩĩrnanĩt hĩ hẽlẽggĩ ꞌcĩg aattĩg loota nĩnga hĩ bũlũccwaanĩtõõ, hĩnĩngĩtĩ udhukia habuui cĩ loriẽẽt ꞌcĩg abathĩ ikia loota nĩnga ngaꞌngaritta, hĩnĩngĩtĩ aga nẽẽ aĩ, haꞌnyaha ꞌthaa ꞌcĩ abadtẽc haaga.”

Terethiinit 12:3

Ma hĩdĩĩkoothong, ikia edeeꞌnyia ꞌgiimwaa hẽẽtahujjieen tarĩ, ꞌcĩ aaĩ hĩ ꞌbuuhi cobbi ꞌcĩ marihi ꞌcĩ aꞌthĩlan Aꞌnyak ooti tũkĩramma, hĩ otto õmmõtõ nẽ aꞌnyak ooti ꞌcĩg ĩĩn tũkĩramma ho vẽlẽk tẽmẽdẽhĩta.

Terethiinit 12:7

Ma ho, uluba jõrẽẽĩ hẽẽtahujjieen. Baa aruhõõ habuui cĩ aajĩleetu ꞌcĩ haĩ Mikaĩlẽ hõdẽĩ hĩ aajĩlẽẽt cĩgĩnnĩg vẽlẽk, hĩ ꞌbuuk ꞌcĩ aꞌthĩlan aajĩlẽẽtĩĩ cĩgĩnnĩg noho.

Terethiinit 12:8

Ma ngaati, ikia ĩllõõan Mikaĩlẽ ꞌbuuk ꞌcĩ aꞌthĩlan ko hĩ aajĩlẽẽt cĩgĩnnĩg vẽlẽk, nĩngĩtĩ iiggiawaanĩ ĩhõõggõ battaala õlõõ cĩ Nyekuci hẽẽtahujjieen.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.

Terethiinit 16:14

Nẽ loriẽẽta ꞌcĩg abathĩ ĩĩn iyyio ho, aꞌnyak ꞌtirrian ꞌcĩ adticanĩ thooꞌthiok ꞌcĩg ĩnaat eeta. Ma ho, õõt uduktaak habuẽẽt cĩg lootu vẽlẽk, hulutti ngaatĩ doyyii, hátĩ hõõt joraa cĩ kõr cobbi, ꞌcĩ hatĩ ẽttẽẽdĩ Nyekuci ꞌTirriannioohiti ꞌcĩ ĩllõõan vẽlẽk, thooꞌthiok, kõr ꞌcĩ decciaanĩt cĩ lootu.

Terethiinit 18:2

Ma ho, ikia ẽggẽrẽny aajĩlõ tĩho gẽrrẽẽt ĩĩ, “Ĩꞌthaanĩ Babiloonnia ꞌtaaũnĩ cobbi hirribanĩ hĩĩ ꞌthĩĩ! Ikia ĩĩ õlõ cĩ loriẽẽt ꞌcĩg abathĩ, nẽ aautti loriẽẽta ꞌcĩg abathĩ hĩ hĩbaallĩ hĩ idiꞌngwa ꞌcĩg abathĩ vẽlẽk.

Terethiinit 18:23

Iittiõõ hatĩ ꞌloomo ꞌcĩ nga alanyĩt hĩ nganiit tarĩ tõõ. Iittiõõ hatĩ mõlõõhĩ cĩ nyattaraanõ, hõllõngaa athĩknĩ hĩ nganiit tarĩ. Baa ĩĩn tũjaarrioha cugunnig eet ꞌcĩg obbitig gẽrrẽẽt loota nĩnga. Nẽ ngarĩꞌthẽẽt cunni ho, ikia aaꞌnyĩk eet cĩg loonyin vẽlẽk harahanit.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.

Terethiinit 2:13

Haga naa nĩngĩtĩ aattiyyu niig ko, ĩĩn ꞌtaaũn ꞌcĩ aayyi habuẽẽꞌthĩt cĩ ꞌThĩttaanõ, nẽẽthĩ, nga aalla aꞌthuunnu niig thõõth caannĩ noho. Tananga baa aruhi Antipa, ẽẽtĩ baa ĩĩn hebereec caannĩ hõrggẽẽnaa cunuung, ꞌtaaũnaa cĩ ꞌThĩttaanõ hataa, aalla nga ẽlẽmmaangu niig nganĩĩt noho.

Terethiinit 2:24

Nẽ thĩ nẽẽꞌthẽk niig ũgẽẽgĩ ꞌtaaũnaa cĩ Thiatira ho, hõllõngaa anuyyu thõõth ꞌcĩ abathĩ ꞌcĩ allimaneekuung ngaa nicciee ho. Nẽ hõllõngaa agayyu thõõth ꞌcĩ anneek nuyyiooha cĩgĩnnĩg, ‘ꞌGii dĩdĩ ꞌcĩ ammiꞌthẽẽnĩ ꞌThĩttaanĩ.’ Nẽ hanneekuung, iittiõõ hatĩ hõllõngaa hatattadeekuung pĩĩrnanĩt umwa tarĩ.

Terethiinit 2:9

Haga naa pĩĩrnanĩt cunuung hĩ tamaati ꞌcĩ iiginnu hullaha nẽ abalinnu nẽẽꞌthẽk pee. Nẽ haga ngaatĩ odoommuung eeta ꞌcĩg aĩ hĩĩgĩnna ꞌJudeei ho nẽ hõllõngaa ĩĩn nẽẽg ꞌJudeei dĩdĩ. Ĩĩn nẽẽg lothippit cĩ ꞌThĩttaanõ.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.

Terethiinit 20:8

Õkõ hatĩ ĩggõõl nẽẽ eet cĩg loonyin cĩg ꞌGoogĩ hĩ cĩg Magõgĩ ꞌcĩg aattĩg dtuurnattaa cĩ lootu nẽ ũlũta ĩhõõggõ ũũhĩ jora. Mẽẽlĩg hatĩ eeta niccieeg gẽrrẽẽt, haauto hĩ hathaac cĩ dẽmẽt cĩ bũlũcõ.

Terethiinit 3:9

Ĩcĩnĩt nõõ, hattĩnganeehi hatĩ naa eet cĩg ꞌcieeth cĩ ꞌThĩttaanõ, hiita hakattieehuung ngagiit huruꞌnyia, ĩĩn nẽẽg oloꞌngiaak ꞌcĩg õthõõth aĩ, hĩĩgĩnna eet cĩg ꞌJudeei nẽ ĩko hõllõngaa ĩĩn eet cĩg ꞌJudeei dĩdĩ. Au hatĩ aga nẽẽg ngaatĩ iiginnu niig eet ꞌcĩg hammĩnannuung naana.

Terethiinit 9:1

Ma baa adtak aajĩlõ ꞌcĩ ĩĩn ꞌtur tũũrĩ cĩnnĩ, hadtuuha hinnia mũꞌnyaac ngaatĩ adhukiaanĩ hẽẽtahujjieen hikia loota. Nẽ baa aaꞌnyĩhoothĩk mũꞌnyaac nicci mũhũta cĩ ꞌgõõl ꞌcĩ aduhun ꞌloohatõõ ꞌcĩ uuthik hiꞌthihi dtuurnanĩt.

Terethiinit 9:20

Nẽ eeta ꞌcĩg baag nga arũgĩ nẽ hõllõngaa ũũnnĩk ꞌthẽccanẽẽt cĩggĩĩng ko buúk, aalla ala loriẽẽt ꞌcĩg abathĩ noho hĩ hẽlẽggĩ ꞌcĩg aar eeta hĩĩtõ nyekuꞌnya ꞌcĩg adĩmanniaa ꞌdaaba, hĩ maccĩrẽẽnĩ, hĩ biyyiẽẽnĩ, hĩ ꞌcĩg adamanniaa hẽẽnĩ. Nẽ cieeg vẽlẽk, ĩĩn hẽlẽggĩ ꞌcĩg aar eeta hĩĩtõ nyekuꞌnya ꞌcĩg hõllõngaa acĩnĩ hode athĩknĩ hode õvvõ.