Terethiinit 12:5 - ꞌBuuk cĩ Thõõth cĩ Nyekuci

⁵ Ma nĩngaata, ũtũhũa ngaa nicciee loholeec ꞌcĩ maacĩ ꞌcĩ occa aku aggam loonyin vẽlẽk hĩbahĩtaa ꞌcĩ ĩĩn ꞌthiihit makaaꞌthĩtaa cĩ habuuo. Ma ho, ikia uvvucan aajĩlõ loholeec nẽ ũũhĩ hĩ Nyekuc nẽ ũũk aarĩk dtaabawaa cĩnnĩ.

Terethiinit 12:5 Iomraidhean Croise

Maatteeo 1:25

Nẽẽthĩ, baa nga hatagguutho Yothebo hĩ Maria ĩꞌthõng hũtũhũa nẽẽ loholeec. Nĩngĩtĩ akannẽẽkĩ Yothebo loholeec ꞌthaar ꞌcĩg haĩ Yeesu.

Maarko 16:19

Ma urutaa ꞌcĩ õthõõthĩhĩ Makayyioohiti Yeesu nuyyiook ẽlẽk, ikia õdõngĩ nẽẽ ũũk hẽẽtahujjieen nẽ ũũk aau attiaa cobbi ĩĩcĩ Nyekuci.

2 Korinthia 12:2

Haga naa nuyyioohit umwa cĩ Krĩstõ baa õdõng honoothi ĩnõõnnõ nẽ ũũhĩ õlõõ cĩ Nyekuci hẽẽtkujjieen, irkiꞌnyiaannĩĩ baag allacattĩ ĩĩn õmmõtõ hĩ ꞌwec. Aitiõõ naa hõllõngaa haga ngaatĩ baa õkõõĩ nuyyioohiti tĩho ẽlla noho hode aitiõõ, Nyekuc dioo ꞌcĩ aga.

2 Korinthia 12:4

Nẽẽthĩ, baa õkõõĩ honoothi ĩnõõnnõ hẽẽtahujjieen ngaatĩ baa õkõ athĩknĩ hẽlẽggĩ ꞌcĩg ẽllẽẽmĩth gẽrrẽẽt, ꞌcĩg anyamanneet ngaatĩ hathithanĩ.

Terethiinit 11:12

Ma ho, ĩthĩhĩt põrõvẽtaaꞌnya ꞌcĩg ĩĩn hẽbẽrĩ baag ĩĩn ꞌramma ho, molook cobbi ꞌcĩ aku hẽẽtahujjieen ꞌcĩ aĩ, “Iita lokora ngaati.” Ma baa õdõng diith ĩhõõggõ õkõõĩ hẽẽtahujjieen ko, ẽbẽk hinnia mĩrõha cĩggĩĩng ko noho.

Terethiinit 12:13

Ma aku atinya ꞌbuuhi ꞌcĩ aꞌthĩlan ko, aĩ hitiggiaoothĩha loota ho, ikia ũnũõõthĩ ngaa baa ũũkca loholeec ꞌcĩ maacĩ.

Terethiinit 12:2

Baa attur ngaa nicci ꞌgoonnia nẽ urruuo gẽrrẽẽt, hĩnĩngĩtĩ huciith cĩ loholeeco.

Terethiinit 19:15

Baa adukna nyetuboot umwaa ꞌcĩ ꞌlẽhẽdĩ gẽrrẽẽt ũtũũgaa cĩnnĩ, ꞌcĩ ẽꞌngẽddĩ nẽẽ eet cĩg loonyinu. “Aggam hatĩ nẽẽ loonyin hĩbahĩtaa ꞌcĩ ĩĩn ꞌthiihit.” Adduuta hatĩ nẽẽ liilii cobbi cĩ Nyekuc ꞌTirriannioohit vẽlẽk, haau hĩ viino ꞌcĩ ariha ꞌloohaa ꞌcĩ ammacciini.