Terethiinit 12:4 - ꞌBuuk cĩ Thõõth cĩ Nyekuci

⁴ Ma ho, õrõrrõõcan ꞌbuuhi nicciee mũnyũny ĩĩcĩ odoyyii huulaa cĩnnĩ hẽẽtahujjieen, hudhuktaak looc. Nẽ ĩbĩleek ꞌbuuhi ngaa ꞌcĩ attur ꞌgoonnia ho, aĩ hátĩ hadak loholeec, hatĩ utuhuyyiaa.

Terethiinit 12:4 Iomraidhean Croise

Luugithõõ 1:16

“Ma eellu niig ngaaĩ ꞌcĩg ĩĩn Ebereei hatĩ ũũkca lõhõlĩ, ebehit ĩhõõggõ hatĩ nga ũũkca lõhõlĩ. Má ũũkca loholeec ꞌcĩ maacĩ, uruhit ĩnõõnnõ nẽ má ĩĩn ꞌcĩ ngayyi, ũtũngteek hũrũg.”

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

1 Pẽẽtũrũ 5:8

Uꞌthuutti eleeti nẽ aauttu dĩkĩĩm. Awanĩt mirohiti cunuung habuui cĩ loriẽẽt ꞌcĩg abathĩ looc hĩ ꞌmaa ꞌcĩ arruuk adiim eet ꞌcĩ aruhi.

Terethiinit 12:7

Ma ho, uluba jõrẽẽĩ hẽẽtahujjieen. Baa aruhõõ habuui cĩ aajĩleetu ꞌcĩ haĩ Mikaĩlẽ hõdẽĩ hĩ aajĩlẽẽt cĩgĩnnĩg vẽlẽk, hĩ ꞌbuuk ꞌcĩ aꞌthĩlan aajĩlẽẽtĩĩ cĩgĩnnĩg noho.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 13:2

Nẽ nyaharahaahĩ ꞌcĩ hacini naa ho, aꞌnyak ẽlẽ hĩ hẽẽlangĩ nẽ aattĩg ꞌthoona hĩcĩg nyemumuuak nẽ aꞌnyak ũtũg hĩ ꞌmaa. Ma ho, aaꞌnyĩk ꞌbuuhi dtaaba hĩ ꞌtirrian hĩ makaaꞌthĩt cĩnnĩ vẽlẽk, nyaharahaak nicci.

Terethiinit 13:4

Baa au ala eeta ꞌbuuk nicci, hĩnĩngĩtĩ aaꞌnyĩk nẽẽ nyaharahaak makaaꞌthĩt cĩnnĩ. Nĩngĩtĩ au alaĩ eeta nyaharahaak buúk aĩnnĩ, “Nganĩ ꞌcĩ aduhõõ hĩ nyaharahaak icci nẽ nganĩ ꞌcĩ occa aruhõõ hĩ ĩnõõnnõ ho?”

Terethiinit 16:13

Ma nĩngaata, hĩcĩna loriẽẽt iyyio ꞌcĩg abathĩ ꞌcĩg aattĩg hĩ lõkĩdõdõõknya. Adukna hõdẽĩ ũtũũgaa cĩ ꞌbuuk ꞌcĩ aꞌthĩlan ko nẽ uduhuna umwaa ũtũũgaa cĩ nyaharahaahõ nẽ tarĩ, uduhuna umwaa ũtũũgaa cĩ eet ꞌcĩ õõlõng aĩ, hĩĩnĩ põrõvẽtaac ko.

Terethiinit 17:18

“Nẽ ngaa ꞌcĩ adtuuha nii ho, ĩthakꞌthoothĩk ꞌtaaũn cobbi ꞌcĩ aggam habuẽẽt cĩg lootu vẽlẽk.”

Terethiinit 20:2

Ma nĩngaata, ikia aggam aajĩlõ tĩho ꞌbuuk ꞌcĩ aꞌthĩlan ko, nẽ ẽcẽb irkiꞌnyia aalib hõdẽĩ. Baa haĩ ꞌbuuk ꞌcĩ aꞌthĩlan ko baa ĩĩcĩ oou, hũkaat baa ꞌrẽẽnĩ, ꞌcĩ ĩĩn ꞌThĩttaan, nẽ ĩĩ habu cĩ loriẽẽt ꞌcĩg abathĩ.

Terethiinit 8:10

Ma baa adtahĩ aajĩlõ ꞌcĩ ĩĩn iyyio tũũrĩ cĩnnĩ ho, udhukia mũꞌnyaac umwaa cobbi ꞌrĩng ꞌcĩ alanyĩt aaĩ hĩ batarria nẽ udhuhoothĩk hidiowwẽẽn hĩ ũꞌngĩ cĩggĩĩng ĩĩcĩ odoyyii.

Terethiinit 8:11

Baa haĩ ꞌthaar cĩg mũꞌnyaac nicci Hahati nẽ utuhuyyi maama ĩĩcĩ odoyyii ahahatit dtum nẽ iita adaahito eeta ꞌcĩg mẽẽlĩg ꞌrĩng, hĩnĩngĩtĩ hahati cĩ maam niccig.

Terethiinit 8:12

Ma baa adtak aajĩlõ ꞌcĩ ĩĩn ꞌwec tũũrĩ cĩnnĩ ho, ikia ammanyanĩ lanyit cĩ korro ĩĩcĩ odoyyii nẽ ammanyanĩ lanyit cĩ nyĩlooho buúk ĩĩcĩ odoyyii nẽ iita ammanyattĩ mũnyũnya ũgẽẽgĩ buúk ĩĩcĩ odoyyii nẽ iita ĩĩtõ nẽẽg vẽlẽk muguur ĩĩcĩ odoyyii. Ma baa waath, aitiõõ kõrra hõllõngaa aara ꞌthaaꞌnya ꞌwec nẽ aitiõõ nyĩlõhĩ buúk hõllõngaa aara baal ꞌthaaꞌnya ꞌwec.

Terethiinit 8:7

Ma baa adtahĩ aajĩlõ ꞌcĩ oou tũũrĩ cĩnnĩ ho, adhukiaa hinnia tẽllẽẽna hĩ ꞌgwoo ꞌcĩ õꞌngõõtanni hĩ biyyi, hiita loota nĩnga nẽ ũtũũthĩ lõõcĩ ĩĩcĩ odoyyii hĩ hẽẽn hĩ arteenit vẽlẽk hĩĩ ꞌthĩĩ.

Terethiinit 8:8

Ma adtahĩ aajĩlõ ꞌcĩ ĩĩn ꞌramma tũũrĩ cĩnnĩ ho, ikia udhukia ꞌgwaa umwaa ꞌcĩ ĩĩkĩ muur nẽ udhuhoothĩk bũlũcatõõ nẽ ũtũhũĩ bũlũc ĩĩcĩ odoyyii ĩĩ biyyi,

Terethiinit 8:9

nĩngĩtĩ adaaknĩ hẽlẽggĩ ꞌcĩg gõõng arũgĩ bũlũcatõõ ĩĩcĩ odoyyii hĩ ꞌthĩĩ nẽ ilibti haahũlĩta ꞌcĩg aattĩg bũlũcatõõ ĩĩcĩ odoyyii buúk hĩ ꞌthĩĩ.

Terethiinit 9:10

Baa aꞌnyak nẽẽg vẽlẽk huulli ꞌcĩg aattĩg hĩ cĩg nyadokorrooꞌnyanu nẽ aꞌnyak ꞌtirriani ꞌcĩ ĩccaaĩ eet hippiirria nyĩlõhĩ ꞌtur.

Terethiinit 9:19

Nẽ uruhit nyangõõllẽẽꞌnya niccieeg eet ꞌgwoyyiaa hĩ bũrrẽẽtaa ꞌcĩ audaha nẽẽg utugeetinii cĩggĩĩng nẽ uukito eet hadaahito huullinii ꞌcĩg aꞌnyak ooti hĩ hũkaaꞌnya ꞌcĩg abathĩ.