Terethiinit 12:11 - ꞌBuuk cĩ Thõõth cĩ Nyekuci

¹¹ Baa ĩllõõan eeta ꞌThĩttaan biyyiẽẽtĩĩ cĩg Mĩꞌnyõõnak, nẽ ĩllõõanit ngaatĩ ĩĩnĩ nẽẽg hẽbẽrĩ cĩg lemiinit cĩnĩĩng hĩ Nyekuc. Baa hõllõngaa ammĩnan nẽẽg rũgẽt cĩnĩĩng gẽrrẽẽt, ĩnõõ ꞌcĩ hõllõngaa itieelini nẽẽg daahĩth ko.

Terethiinit 12:11 Iomraidhean Croise

ꞌLuuka 14:26

“Ẽẽtĩ ꞌcĩ aku hĩ nganĩĩt nẽ nga hataarõthĩ maaꞌnyĩ hĩ aatĩnnĩ hĩ ngaa cĩnnĩ hĩ lõhõlĩ cĩgĩnnĩg hĩ ꞌgõtõõnõgĩ hĩ ngõõnõgĩ, hode rũgẽt cĩnnĩ dẽẽdẽ, hõllõngaa occa ũũppan ngaatĩ ĩĩnnĩ nuyyioohit caannĩ.

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

Dtiicanĩ cĩg ꞌThooyyiahu 20:24

Nẽẽthĩ, hõllõngaa haallahi naa rũgẽt caannĩ hatĩ nẽẽ hẽdẽcaaha dtiic baa aaꞌnya Makayyioohiti Yeesu ho. Nẽ dtiici niccia, ĩĩn dtiic ꞌcĩ haduhaanĩ nyeemuut ꞌcĩ abũnnaa cĩ bũnnai cĩ Nyekuci.

Dtiicanĩ cĩg ꞌThooyyiahu 21:13

Anneekeet hinnia Paaulo nẽẽ, “Inni urruuyyio ĩꞌthõng uduullaangu ꞌthĩnĩt caannĩ ho? Helemi naa ngaatĩ hecebiini baabuutha nẽ hadaaha, hĩnĩngĩtĩ ꞌthaar cĩg Makayyioohit Yeesu. Hẽlẽma naa ngaatĩ hadaaknĩ, hĩnĩngĩtĩ Yeesu ꞌJeruꞌthalẽma!”

ꞌRooma 16:20

Ĩllõõan hatĩ Nyekuci ꞌcĩ aaꞌnyeet ganõn ꞌThĩttaan nẽ iittiõõ makaaꞌthĩt ꞌcĩ occa ĩllõõannuung ꞌThĩttaanĩ tõõ. Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiita.

1 Korinthia 15:57

Nẽẽthĩ, hĩĩttĩk Nyekuc ĩlaallẽ ngaatĩ aaꞌnyĩkĩ Makayyioohit cĩnaac Yeesu Krĩstõ haaꞌnyeet hĩllõõanit!

1 Yõaannẽ 4:4

Niig lohollia, ĩĩgĩnnu niig cĩg Nyekuci nẽ ĩllõõattu põrõvẽtaaꞌnya ꞌcĩg ĩĩn oloꞌngiaak ko. Hĩnĩngĩtĩ ĩllõõan Lorii ꞌcĩ aaĩ hĩ ngagiit ko, lori ꞌcĩ aaĩ loota nĩnga ho.

1 Yõaannẽ 5:5

Hõllõngaa occa ĩllõõan eet umwaa looc cĩ ꞌthẽccaanõ ho, hatĩ hõllõngaa ẽlẽmĩ aĩ, ĩĩn Yeesu Ngeertĩ Nyekuci.

Terethiinit 1:2

Nẽ ikia uduha Yõaannẽ thooꞌthiok vẽlẽk ꞌcĩg baag acĩn nẽẽ nyeemuutaa cĩ Nyekuci, hĩ thooꞌthiok vẽlẽk ꞌcĩg baag aduha Yeesu Krĩstõ, hĩ ꞌcĩg adĩmanĩ.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 11:7

Ma hatĩ edecciaak aajĩlẽẽta ꞌcĩg ĩĩn ꞌramma ꞌcĩg ĩĩn hẽbẽrĩ ho dtiic ꞌcĩ irrioonĩkĩ eet thõõth cĩ Nyekuci, adukna hatĩ nyaharahaahĩ ꞌcĩ aaĩ ꞌloohaa cĩ hiꞌthihi dtuurnanĩt ko nẽ ikia ĩllõõan jore, nĩngĩtĩ aruhi ĩhõõggõ.

Terethiinit 12:17

Ma ho, ikia ĩlĩĩlĩeek ꞌbuuhi nicciee ngaa nicci gẽrrẽẽt ũdũt, nĩngĩtĩ aahĩ jore nẽ õõt urukto hĩ lõhõlĩ cĩg ngaa nicci, ĩhõõggõ eeta ꞌcĩg athĩhĩ tilooinit cĩ Nyekuci nẽ elemit thooꞌthiok ꞌcĩg alliman Yeesu.

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”

Terethiinit 2:13

Haga naa nĩngĩtĩ aattiyyu niig ko, ĩĩn ꞌtaaũn ꞌcĩ aayyi habuẽẽꞌthĩt cĩ ꞌThĩttaanõ, nẽẽthĩ, nga aalla aꞌthuunnu niig thõõth caannĩ noho. Tananga baa aruhi Antipa, ẽẽtĩ baa ĩĩn hebereec caannĩ hõrggẽẽnaa cunuung, ꞌtaaũnaa cĩ ꞌThĩttaanõ hataa, aalla nga ẽlẽmmaangu niig nganĩĩt noho.

Terethiinit 2:17

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ haaꞌnyihi hatĩ naa eet ꞌcĩ aꞌnyaman ꞌgoolinit cĩ ꞌThĩttaanõ, ꞌgẽẽn ꞌcĩ haĩ manna ꞌcĩ haggunyuthi naa ngaamwaanĩ hẽẽtahujjieen. Nẽ tarĩ, haaꞌnyihi hatĩ eet hõdẽĩ hõdẽĩ, bẽẽ ꞌcĩ õõrĩ cĩ eheedini ꞌthaara ꞌcĩg ĩĩn ngeju, ꞌcĩg aitiõõ ẽẽtĩ ꞌcĩ aga ꞌthaar tĩko tõõ, aga hatĩ baattĩ ꞌthaaru diooni.”

Terethiinit 2:26

“Nẽ haaꞌnyihi hatĩ naa eet ꞌcĩ ũtũbũr thõõth cĩ ꞌThĩttaanõ nẽ ũꞌthũũtĩ lemiinit caannĩ ũdũt, makaaꞌthĩt ꞌcĩ aggamĩ loonyin vẽlẽk, ĩꞌthõng decciaanĩt cĩ lootu.

Terethiinit 2:7

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Haaꞌnyihi hatĩ naa eet ꞌcĩg abũrĩ thooꞌthiok ꞌcĩg abathĩ, huduhit hẽẽt cĩ rũgẽtõ ꞌcĩ aaĩ õlõõ cĩ Nyekuci.”

Terethiinit 20:4

Ma nĩngaata, hudtuuha dtaabĩt ꞌcĩg aattiyyi eeta ꞌcĩg aaꞌnyĩhoothĩk makaaꞌthĩt ꞌcĩ ẽttẽẽdĩ thooꞌthiok cĩg eet cĩg lootu. Nẽ tarĩ, hudtuuha eet baag aruhi, hĩnĩngĩtĩ irrioon thõõth cĩ Yeesu hĩ thõõth cĩ Nyekuci. Baa nga halaacõ nẽẽg nyaharahaak hode ꞌthooura cĩnnĩ nẽ abũrĩ ngaatĩ amacaaranĩ athĩn hĩ muumti cĩggĩĩng. Arũgna hatĩ nẽẽg hiita haggamit looc hõdẽĩ hĩ Yeesu Krĩstõ irkiꞌnyia aalib hõdẽĩ.

Terethiinit 3:12

Nẽ ẽẽtĩ ꞌcĩ ũtũbũr thõõth cĩ ꞌThĩttaanõ ũdũt, haaꞌnyihi hatĩ naa ĩnõõnnõ hĩĩ miirik cĩ ꞌCieeth cĩ Nyekuc caannĩ nẽ iittiõõ hõllõngaa aduhun battaala tarĩ ũdũt. Heheedihi hatĩ naa ꞌthaar cĩg Nyekuc caannĩ eleetinii cĩggĩĩng, ĩĩn hatĩ nẽẽg eet cĩg ꞌtaaũn cobbi cĩ Nyekuc caannĩ, ĩnõõ ꞌJeruꞌthalẽmĩ ꞌcĩ ĩĩn ngeju ꞌcĩ hatĩ ĩꞌthõõa Nyekuci caannĩ hẽẽtahujjieen hikia loota nẽ hatĩ heteheedĩha naa ꞌthaar cĩgannĩg buúk eleetinii cĩggĩĩng.

Terethiinit 3:21

“Ẽẽtĩ ꞌcĩ ĩllõõan thõõth cĩ ꞌThĩttaanõ, haattiyyia hatĩ hĩ nganĩĩt dtaabawaa caannĩ hõdẽĩ, hĩ baa hĩllõõani naa ꞌThĩttaan nẽ hõõt haautta hĩ Baaba dtaabawaa cĩnnĩ.

Terethiinit 3:5

Nẽ eeta ꞌcĩg ĩllõõan thõõth cĩ ꞌThĩttaanõ, ahimit hatĩ nẽẽg ceremwa ꞌcĩg õõrĩg, nẽ iitiõõ hatĩ ꞌthaara cĩggĩĩng hõllõngaa amummunyanniaa ꞌbuuhaa cĩ rũgẽtõõ. Haduhaahi hatĩ naa Baaba hĩ aajĩlẽẽt cĩgĩnnĩg hanneehi, ‘Nuyyiook cĩgannĩg cieegi.’

Terethiinit 6:9

Ma baa awaanyan Mĩꞌnyõõn doolliang ꞌcĩ ĩĩn ꞌtur ko, hadtuuha hinnia loriẽẽt ꞌcĩg aattĩg altaarĩa loota cĩg eet baag aruhi vẽlẽk, hĩnĩngĩtĩ baa ẽlẽmĩ nẽẽg nẽ othoothito thõõth cĩ Nyekuci.