Terethiinit 12:10 - ꞌBuuk cĩ Thõõth cĩ Nyekuci

¹⁰ Ma nĩngaata, hĩthĩha molook umwa ꞌcĩ aku hẽẽtahujjieen ꞌcĩ õthõõth aĩ, “Ikia kõr icci eliiniti hĩ makaaꞌthĩt hĩ habuccieet cĩ Nyekuc cĩnaac, hĩ makaaꞌthĩt cĩ Krĩstõ cĩnnĩ, hĩnĩngĩtĩ hoppocciaahit cĩ ꞌgotoonogeet cĩggaac, ꞌcĩ õhõppõõcan ĩhõõggõ muumaa cĩ Nyekuc cĩnaac baalin hĩ waathĩn, nĩngĩtĩ adhukiaakĩ looc noho hararac.

Terethiinit 12:10 Iomraidhean Croise

Maatteeo 26:64

Ẽdẽcĩ Yeesu aĩ, “Eei, aaĩ hĩcĩ aduha nii ho. Nẽẽthĩ, haduhaakuung ngagiit vẽlẽk, horumwa acinnu hatĩ niig Ngeertĩ Eeto iccioloongan attiaa cobbi ĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

Maatteeo 6:10

hikia habuccieet cunnẽẽnĩ, hĩdĩmanĩ tabiiniti cunni loota hĩcĩ adĩmanni hẽẽtahujjieen.

ꞌLuuka 11:2

Nĩngĩtĩ annẽẽkĩ ĩhõõggõ, “Hatĩ ma alaiinnu, alayyio hoti, “ ‘Baangeet, eleet ngagĩĩt hubuluꞌthia ꞌthaar cugunnig. Aꞌnyĩĩk habuccieet cunni hikia loota hĩcĩ aaĩ hẽẽtahujjieen.

ꞌLuuka 22:31

Ma nĩngaata, ĩĩ Yeesu, “ꞌThimõõnẽ, ꞌThimõõnẽ, adiim ꞌThĩttaanĩ egeelluung ngagiit hõdẽĩ hõdẽĩ hĩ aagõõng egeelĩk jannioohiti tahaha cĩg ꞌgẽẽmẽ tuu.

1 Korinthia 5:4

Ma alũteennu niig ꞌthaarĩĩ cĩg Makayyioohit cĩnaac Yeesu nẽ haau naa hĩ ngagiit loriia nẽ aau ꞌtirriani cĩ Makayyioohit cĩnaac Yeesu,

2 Korinthia 12:9

Nẽ ikia ẽdẽca nẽẽ nganĩĩt ĩnnĩhaa, “Bũnnai caannĩ dioo ꞌcĩ adiimi niina. Hĩnĩngĩtĩ maka ꞌtirriani caannĩ hatĩ appĩĩrna niina.” Nẽẽthĩ, hatali hatĩ naa gẽrrẽẽt hatĩ aaꞌnya Krĩstõ nganĩĩt ꞌtirrian cĩnnĩ, hĩnĩngĩtĩ appĩĩrna ẽlẽ caannẽẽnĩ.

Tiito 2:3

Nẽ ꞌgõõlaa nĩĩcĩ dioo, ꞌlimman morwak buúk, haauto ꞌgõõlaa ꞌcĩ accamana Nyekuci. Aꞌnyĩĩk hiittiõõ hõllõngaa addangaak eet umwa haaga nẽ ma hahuddu mẽrtĩ gẽrrẽẽt. Aꞌnyĩĩk hillimanit thõõth ꞌcĩ abũnnaa cĩ Nyekuci.

1 Pẽẽtũrũ 5:8

Uꞌthuutti eleeti nẽ aauttu dĩkĩĩm. Awanĩt mirohiti cunuung habuui cĩ loriẽẽt ꞌcĩg abathĩ looc hĩ ꞌmaa ꞌcĩ arruuk adiim eet ꞌcĩ aruhi.

Terethiinit 11:15

Ma baa adtahĩ aajĩlõ ꞌcĩ ĩĩn tũkĩramma tũũrĩ cĩnnĩ ho, iita awacahit molookwaana ũgẽẽgĩ ꞌcĩg mẽẽlĩg hẽẽtahujjieen ĩĩtõ, “Nẽ ꞌyioko, ikia ĩĩ habuccieet cĩ looc nicci, cĩ Makayyioohit Nyekuc cĩnaac hĩ Krĩstõ cĩnnĩ, aggam hatĩ nẽẽ habuccieet cĩnnĩ irkiꞌnyia hĩ irkiꞌnyia.”

Terethiinit 2:26

“Nẽ haaꞌnyihi hatĩ naa eet ꞌcĩ ũtũbũr thõõth cĩ ꞌThĩttaanõ nẽ ũꞌthũũtĩ lemiinit caannĩ ũdũt, makaaꞌthĩt ꞌcĩ aggamĩ loonyin vẽlẽk, ĩꞌthõng decciaanĩt cĩ lootu.

Terethiinit 7:10

Ẽggẽrẽny nẽẽg vẽlẽk aĩ, “Aku eliiniti vẽlẽk hĩ Nyekuc cĩnaac ꞌcĩ aaĩ dtaabawa ho nẽ aku hĩ Mĩꞌnyõõn.”