Terethiinit 12:1 - ꞌBuuk cĩ Thõõth cĩ Nyekuci

¹ Ma ho, hudtuuha ꞌgiimwa ꞌcĩ ĩnaat eeta ꞌcĩ edeeꞌnyia hẽẽtahujjieen. Ĩĩn ngaa umwa ꞌcĩ ahimit ceremwa ꞌcĩg ĩĩn kõr, abĩlĩ nyĩlõõha nẽ itihim temedek ꞌcĩ aꞌnyak mũnyũny õmmõtõ hĩ ꞌramma.

Terethiinit 12:1 Iomraidhean Croise

Maatteeo 12:38

Ma ho, iita ĩĩttĩk Variꞌtheei ũgẽẽgĩ hĩ ꞌlimmanniook cĩg nyattal cĩ Mũũꞌtha ĩnõõnnõ, “ꞌLimmannioohit, hadiimmi naag nganiit anyeet terethiinit ꞌcĩ aku hẽẽtahujjieen.”

Maatteeo 24:30

“Ma urutaa cĩnnĩ vẽlẽk, edeeꞌnyia hatĩ terethiiniti hẽẽtahujjieen, ꞌcĩ akuuni Ngeertĩ Eeto, hutullẽẽcõ loonyini vẽlẽk cĩg lootu. Edeenyothi hatĩ nẽẽg Ngeertĩ Eeto ngaatĩ alluuccianĩ diiꞌthiohĩĩ cĩg hẽẽtkujjieen, makaaꞌthĩta hĩ bulẽẽttaa cobbi.

Maarko 13:25

nẽ adhukiaa hatĩ mũnyũnya nẽ õtõmõõcõ hẽlẽggĩ vẽlẽk ꞌcĩg aattĩg hẽẽtahujjieen.’

ꞌLuuka 21:11

Au hatĩ hirihidtikꞌnya ꞌcĩg attiran hĩ nyarõn hĩ mooriꞌthiook ꞌcĩg abathĩ dtẽc nẽ ẽdẽẽnyta hatĩ hẽlẽggĩ ũgẽẽgĩ hẽẽtahujjieen ꞌcĩg itieelli eeta gẽrrẽẽt.

ꞌLuuka 21:25

“Edeeꞌnyia hatĩ hẽlẽggĩ ꞌcĩg nga hẽdẽẽnyta kõrra hĩ nyĩlõõha hĩ mũnyũnyĩ. Nẽ loonyini loota nĩnga, itieelli hatĩ eeta ꞌgerenyi hĩ ꞌrohi ꞌcĩ ĩꞌngaanna bũlũccwaanĩtõõ, ĩꞌthõng hanyaman ꞌgii ꞌcĩ occa adĩmanĩ.

Yõaannẽ 3:29

“Hatĩ aꞌthũwanni loholeec ꞌcĩ ngayyi nyahũũtaawa, atalĩ ꞌgoonnia ngaatĩ aayyi nĩngaata, hátĩ hĩthĩk molook cĩ nyattaraanõ. Ĩnõõ ꞌcĩ haccamanõõthĩkĩĩ naa gẽrrẽẽt ko.

Dtiicanĩ cĩg ꞌThooyyiahu 2:19

Hadĩmani hatĩ hẽlẽggĩ ꞌcĩg ĩnaat eeta lokora hẽẽtahujjieen hĩ loota nẽ aattĩg hatĩ biyyieeta hĩ ꞌgwoo hĩccĩnĩt bũrrẽt.

ꞌRooma 13:14

Aꞌnyĩĩk Makayyioohit Yeesu Krĩstõ hõbõhĩ hĩ ngagiit, haau hĩ ceremwaana ꞌcĩg ahimittu niiga, hátĩ ũtũngĩt thooꞌthiok ꞌcĩg abũraneek eleeti cugguung.

ꞌRooma 3:22

Nẽẽthĩ hoti ho, aku bũnnai hĩ Nyekuc, hĩnĩngĩtĩ athĩhĩ Yeesu Krĩstõ ĩnõõnnõ. Nẽ ꞌyioko, iita umuddia eeta vẽlẽk ꞌcĩg ẽlẽmĩ Yeesu bũnnai. Aitiõõ Nyekuci hõllõngaa ahal eeta,

2 Korinthia 11:2

Harrĩcanaannuung naa ngagiit hĩ Nyekuci, hĩnĩngĩtĩ baa aattiyyu niig hĩ bũhẽẽcĩ ꞌcĩ nga hũꞌthũwanĩ ꞌcĩ hẽbẽraahi naa Krĩstõ diooni.

ꞌGalaaꞌthia 3:27

nẽ niig vẽlẽk ꞌcĩg aggamtu baattithimo ꞌthaarĩĩ cĩg Yeesu Krĩstõ ho, iita ũrũmteeu niig buúk hĩ ĩnõõnnõ.

ꞌGalaaꞌthia 4:26

Nẽ ĩthakꞌthoothĩk ꞌThaara ngaa cĩ olu ho, ꞌJeruꞌthalẽm cĩ hẽẽtkujjieen nẽ ĩĩn nẽẽ morwahit cĩnaac.

ꞌGalaaꞌthia 6:14

Occa hirriani, hĩnĩngĩtĩ hurucce cĩ Makayyioohit cĩnaac Yeesu Krĩstõ diooni, hĩnĩngĩtĩ hurucce cĩnnĩ, ikia adaak lõõcĩ hĩ thooꞌthiok ꞌcĩg abathĩ vẽlẽk hĩ nganĩĩta nẽ hadaaha naa buúk hĩnĩngĩtĩ thooꞌthiok ꞌcĩg abathĩ cĩg looc nicci.

Eevvetho 5:32

Ĩĩn ciee thõõth ꞌcĩ ĩllõõan ꞌgẽẽnyĩth cĩ eetu, nẽẽthĩ, hothoothi naa Krĩstõ hĩ lothippit cĩ lemmioohu.

Terethiinit 1:20

Haduhaakii ꞌyioko thõõth cĩ mũnyũny ꞌcĩg ĩĩn tũkĩramma, ꞌcĩg acini nii aattĩg ĩĩcĩ aꞌthiit caannĩ cobbi ho, hĩ ꞌthĩĩk tũkĩramma ꞌcĩg ĩĩn ꞌdaab, ꞌcĩg aꞌnyak ꞌlõõmẽẽt ko buúk. Abĩllĩ mũnyũnya ꞌcĩg ĩĩn tũkĩramma ho nĩngĩtĩ aajĩlẽẽt cĩg lothippiꞌnya cĩg lemmioohu, ꞌcĩg ĩĩn tũkĩramma ho nẽ ibilli ꞌthĩĩha ꞌcĩg ĩĩn tũkĩramma ꞌcĩg aꞌnyak ꞌlõõmẽẽt ko, nĩngĩtĩ lothippiꞌnya cĩg lemmioohu.”

Terethiinit 11:19

Ma nĩngaata, ikia ubbuuhi hattũũg cĩ ꞌCieeth cĩ Nyekuci hẽẽtahujjieen nẽ edeeꞌnyia cadduk ꞌcĩ iyyangꞌthĩ nẽẽ lõhõt cĩnnĩ ꞌCieetõõ cĩnnĩ. Ma ho, ammad lõõcĩ nẽ ĩccaaõ bõrõhẽẽcĩ habath dtẽc huluba hirihidtihi cobbi gẽrrẽẽt hĩccĩnĩt tẽllẽẽn ꞌcĩg adhukiaak looc.

Terethiinit 12:3

Ma hĩdĩĩkoothong, ikia edeeꞌnyia ꞌgiimwaa hẽẽtahujjieen tarĩ, ꞌcĩ aaĩ hĩ ꞌbuuhi cobbi ꞌcĩ marihi ꞌcĩ aꞌthĩlan Aꞌnyak ooti tũkĩramma, hĩ otto õmmõtõ nẽ aꞌnyak ooti ꞌcĩg ĩĩn tũkĩramma ho vẽlẽk tẽmẽdẽhĩta.

Terethiinit 15:1

Ma uruta, hudtuuha ꞌgiimwa hẽẽtahujjieen ꞌcĩ abulan eet nẽ ĩĩ tiir gẽrrẽẽt. Ma ho, iita aajĩlẽẽta tũkĩramma ꞌcĩg aꞌnyaha ꞌthereeni tũkĩramma ꞌcĩg adtuurna nẽ ma edeccia ꞌthereeni cieegi, ũttũbanoothĩk thĩ liilii cĩ Nyekuci.

Terethiinit 21:14

Baa ẽhẽnytĩ dilat cĩ araanõ biyyiẽẽnĩĩ ꞌcĩg ĩĩn õmmõtõ hĩ ꞌramma. Nẽ baa eheedothoothĩk ꞌthaara cĩg ꞌthooyyiak cĩg Mĩꞌnyõõnak biyyiẽẽnĩĩ cĩg hõdẽĩ hõdẽĩ.

Terethiinit 21:23

Nẽ aara ꞌtaaũnĩ vẽlẽk thõng. Aitiõõ eeta hõllõngaa atab kõr hode nyĩlõk, hĩnĩngĩtĩ aara bulẽẽnĩtĩ cĩ Nyekuci ꞌtaaũn vẽlẽk nẽ Mĩꞌnyõõn ꞌcĩ ĩĩn lanyit.