Terethiinit 11:9 - ꞌBuuk cĩ Thõõth cĩ Nyekuci

⁹ Waathinnioohĩĩ ꞌcĩg ĩĩn iyyio hĩ ꞌnuth, acĩn hatĩ eeta cĩg loonyin vẽlẽk hĩ habuccieeꞌnya hĩ hattũũgẽt, eleeti cĩggĩĩng nẽ hõllõngaa ẽlẽmaanĩ hadayyi.

Terethiinit 11:9 Iomraidhean Croise

Maatteeo 7:2

Hĩnĩngĩtĩ etteedikuung hatĩ Nyekuci ngagiit buúk thõõth, ꞌgõõlaa ꞌcĩ gõõng etteediku niig ꞌgoonogu! Adĩmaneekuung hatĩ nẽẽ thõõth ꞌcĩ gõõng adĩmaneeku niig ꞌgoonogu.

Terethiinit 10:11

Nĩngĩtĩ anneeka mõlõõhĩ nicciee, “Tẽrẽth eet thooꞌthiok ꞌcĩg hatĩ au. Duhaak ꞌthẽk ĩhõõggõ vẽlẽk tarĩ, loonyinii cĩggĩĩng hĩ eet ꞌcĩg õthõõth thooꞌthiohĩ cũũmõ cũũmõ, hõdẽĩ hĩ habuẽẽt cĩggĩĩng vẽlẽk.”

Terethiinit 11:11

Ma urutaa cĩ waathinniook iyyio hĩ ꞌnuth, aku hatĩ Nyekuci aaꞌnyĩk ĩhõõggõ hũrũgĩt tarĩ, nĩngĩtĩ ĩꞌngaannĩ ꞌjieena. Abulan hatĩ thõõth ciee eet baag acĩn ĩhõõggõ nẽ itingolli gẽrrẽẽt.

Terethiinit 13:7

Ma ho, ikia ẽlẽmaahĩ Nyekuci nyaharahaak nicci hurukto hĩ eet cĩgĩnnĩg, hátĩ hĩllõõan nẽẽ ĩhõõggõ. Nẽ baa aaꞌnyĩk Nyekuci nyaharahaak nicci buúk, makaaꞌthĩt ꞌcĩ aggamĩ looc eetini noho hĩ habuccieeꞌnya hĩ hattũũgẽt vẽlẽk.

Terethiinit 17:15

Nẽ ĩnnĩhaa aajĩlõ nẽẽ, “Bũlũccwaana ꞌcĩg acini nii iccioloonganĩ ngaa ꞌcĩ ĩĩn ꞌwaaꞌngiahit ko, ĩthakꞌthoothĩk lothippit cĩ habuccieeꞌnyanu hĩ hattũũgẽt cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ.

Terethiinit 5:8

Ma baa aggama nẽẽ ꞌbuuk nicci ho, uruhit hẽlẽggĩ ꞌcĩg arũgĩ ĩĩn ꞌwec hĩ makayyiook ꞌcĩg ĩĩn hẽẽn ꞌramma hĩ ꞌwec ko, looc nẽ akattieek Mĩꞌnyõõn huruꞌnyia. Baa aꞌnyak nẽẽg vẽlẽk addungẽẽt hĩ lohilihilit ꞌcĩg ĩĩn ꞌdaab, ꞌcĩg abbĩꞌthĩĩ mõhõõkacĩ ꞌcĩ ĩĩn laiinit cĩ eet cĩg Nyekuci.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.