Terethiinit 11:3 - ꞌBuuk cĩ Thõõth cĩ Nyekuci

³ Haaꞌnyihi hatĩ naa makaaꞌthĩt caannĩ põrõvẽtaaꞌnya ꞌramma ꞌcĩg ĩĩn hẽbẽrĩ cĩgannĩg ꞌcĩg aattĩg hatiꞌtheeta ho, hõõt hirrioottĩk eet waathinnioohĩĩ ꞌcĩg ĩĩn aalib hõdẽĩ hĩ ꞌmiiaꞌnya ꞌramma hĩ hẽẽn tõrkõnõn (1,260).”

Terethiinit 11:3 Iomraidhean Croise

ꞌThianaattõ 37:34

Nĩngĩtĩ ẽrrẽẽcĩ Yakobo ceremwa ẽllaa cĩnnĩ nẽ urruuo gẽrrẽẽt, nĩngĩtĩ aayyi hatiꞌtheeta waathinniook ꞌcĩg mẽẽlĩg.

Yõõna 3:5

Ma ho, iita elemit eeta cĩg Nineve nyeemuut cĩ Nyekuci, nĩngĩtĩ aarĩkĩ nẽẽg kõr ꞌcĩ ẽdẽtaanĩ eleeti ꞌgẽẽna nẽ itihimit ceremwa ꞌcĩg põkõrĩk, hetereꞌthia mothiinit cĩnĩĩng. Baa iꞌthianaanĩ thõõth ciee eetinii ꞌcĩg obbitig, ĩꞌthõng hõdõlan ꞌcĩg kidicig.

Yõõna 3:8

Nẽẽthĩ, aꞌnyĩĩk eet hitihimit ceremwa ꞌcĩg põkõrĩk nẽ ubungit hẽlẽggĩ buúk ceremwaanĩĩ ꞌcĩg põkõrĩk. Aꞌnyĩĩk eet vẽlẽk halaacõ Nyekuc hĩdĩĩkoothong. Aꞌnyĩĩk eet vẽlẽk hũtũngteek thooꞌthiok ꞌcĩg abathĩ hĩ jõrẽẽna.

Maatteeo 11:21

“Pĩĩrnanĩt hĩ ngagiit eet cĩg Korathini hĩ cĩg Beꞌthaida. Má baa hĩĩ ꞌcĩ hadticanĩĩ naa thooꞌthiok baag ĩnaat eeta ꞌtaaũnnioohĩĩ cugguung, hĩĩ ꞌcĩ baa hadticanĩĩ ꞌtaaũnnioohĩĩ ꞌcĩg abathĩ ĩĩcĩg ꞌTire hĩ ꞌThidõõnẽ, occa ꞌyioko baa ũtũngteek nẽẽg ꞌthẽccanẽẽt cĩggĩĩng baa hũnũũk nẽ itihimit ceremwa cĩg ulwaanak nẽ ujuhanit hatiꞌtheet ootinii cĩggĩĩng, hĩĩ terethiinit ꞌcĩ edeethini nẽẽg ꞌthẽccanẽẽtĩĩ cĩggĩĩng.

Maatteeo 18:16

Nẽ má abũrĩ ngaatĩ athĩkniina, ꞌnyaak eet ꞌramma hode iyyio hĩĩtõ hẽbẽrĩ, ĩnõõ ꞌcĩ hátĩ ‘ma othooꞌthi thõõth umwaa tarĩ, athĩhĩ hatĩ eeta ꞌcĩg ĩĩn ꞌramma hode iyyio ho, hatĩ ĩĩn dĩdĩ.’

ꞌLuuka 10:13

Ma ho, õthõõth Yeesu ĩĩ, “Pĩĩrnanĩt hĩ ngagiit eet cĩg Korathini hĩ cĩg Beꞌthaida! Hĩnĩngĩtĩ ꞌyioko baa hĩĩ ꞌcĩ adĩmaniini thooꞌthioha ꞌcĩg ĩnaat eeta looccaa cunuung ko, hĩĩ ꞌcĩ baa adĩmaniini ꞌtaaũnnioohĩĩ cĩg ꞌTire hĩ ꞌThidõõnẽ, occa baa ũtũngteek eeta cĩg ꞌTire hĩ ꞌThidõõnẽ ꞌthẽccanẽẽt cĩggĩĩng baa hũnũũk ꞌrĩng. Occa ꞌyioko baa ahimit ceremwa cĩg ulwaanak nẽ aauto hatiꞌtheeta.

ꞌLuuka 24:48

Iiginnu niig hẽbẽrĩ ꞌcĩg agayyu thooꞌthiok iccig vẽlẽk.

Yõaannẽ 15:27

Adiim aduhaaku niig buúk eet thõõth caannĩ, hĩnĩngĩtĩ baa hũrũmtĩ naag hĩ ngagiit baa ĩĩcĩ oou.

Yõaannẽ 3:27

Ẽdẽcĩ Yõaannẽ ĩhõõggõ anneek, “Aitiõõ ẽẽtĩ ꞌcĩ occa ammũda ꞌgiimwa, hatĩ nga hẽlẽmaahĩ Nyekuci ĩnõõnnõ hũũk hẽẽtahujjieen.

Dtiicanĩ cĩg ꞌThooyyiahu 1:8

Nẽẽthĩ, ammũdaannu hatĩ ꞌtirriani, hatĩ ikia Lorii ꞌcĩ Ẽllẽẽmĩth hĩ ngagiita. Nẽ hatĩ iittu niig hẽbẽrĩ cĩgannĩg ꞌJeruꞌthalẽma hĩ looccaa cĩ ꞌJudeea hĩ looccaa cĩ Thamaria hĩ looc vẽlẽk.”

Dtiicanĩ cĩg ꞌThooyyiahu 13:31

baa adtuuha eeta ꞌcĩg baag õõkõr hĩ ĩnõõnnõ ꞌGalileea õõ ꞌJeruꞌthalẽma ĩnõõnnõ, tabattĩ mẽẽlĩg. Ĩĩn ꞌyioko eeta tĩko hẽbẽrĩ cĩgĩnnĩg huduktaak eet cĩggaac thõõth cĩnnĩ.

Dtiicanĩ cĩg ꞌThooyyiahu 2:32

“Ũrũgũtha Nyekuci Yeesu icci daahĩtha nẽ ꞌyioko, hĩĩgĩn naag vẽlẽk hẽbẽrĩ cĩg thõõth ꞌcĩ ĩĩn dĩdĩ.

Dtiicanĩ cĩg ꞌThooyyiahu 3:15

Uruktu eet ꞌcĩ aaꞌnyeet rũgẽt, nẽẽthĩ, baa ũrũgũtha Nyekuci ĩnõõnnõ daahĩtha. Hĩĩgĩnna ꞌyioko naag hẽbẽrĩ cĩg thõõth ꞌcĩ adtican nẽẽ ho.

1 Korinthia 12:28

Hõrggẽẽnaa cĩ lothippit cĩ lemmioohu, baa ẽbẽra Nyekuci ĩĩcĩ oou ꞌthooyyiak nẽ ꞌramma cĩnnĩ, ẽbẽra põrõvẽtaaꞌnya nẽ ĩĩcĩ ĩĩn iyyio, ẽbẽra ꞌlimmanniook nẽ ẽbẽra dticcianniook cĩg thooꞌthiok ꞌcĩg ĩnaat eeta nẽ ẽbẽra eet ꞌcĩg aꞌnyak ꞌbaaninit ꞌcĩ aaꞌnyĩkĩ eet hũbũttaathõ nẽ ẽbẽra eet ꞌcĩg ũũlũ ngaatĩ ẽẽlĩ ꞌgõõnõgĩ nẽ ẽbẽra eet ꞌcĩg aꞌnyak ꞌbaaninit ꞌcĩ aggamĩ ꞌgõõnõgĩ nẽ ẽbẽra eet ꞌcĩg õthõõth thooꞌthiohĩ cũũmõ cũũmõ.

2 Korinthia 13:1

Ĩĩn hatĩ ciee heeroni caannĩ ꞌcĩ ĩĩn iyyio, ꞌcĩ hẽhẽẽrõnaakuung ngagiita. “Ma othooꞌthi thõõth umwaa tarĩ, athĩhĩ hatĩ eeta ꞌcĩg ĩĩn ꞌramma hode iyyio hatĩ ĩĩn dĩdĩ.”

Eevvetho 4:11

Baa ĩnõõnnõ ꞌcĩ ẽbẽra eet ũgĩ hĩĩtõ ꞌthooyyiak nẽ ẽbẽra ũgĩ hĩĩtõ põrõvẽtaaꞌnya nẽ ẽbẽra ũgĩ hĩĩtõ eet ꞌcĩg allimaneek eet thõõth cĩ Nyekuci nẽ ẽbẽra ũgĩ hĩĩtõ paadĩrꞌnya hĩ ꞌlimmanniook,

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.

Terethiinit 11:2

Nẽẽthĩ, ma hattĩmani looc battaala ꞌCieethaa cĩ Nyekuci. Tũngeek haau noho, hĩnĩngĩtĩ baa aaꞌnyĩhoothĩk eet ꞌcĩg nga hagaacõ Nyekuc nẽ au hatĩ aggam nẽẽg ꞌtaaũn ꞌcĩ ẽllẽẽmĩth cĩ Nyekuci ho, nyĩlõhĩ hẽẽn ꞌwec hĩ ꞌramma.

Terethiinit 11:6

Baa aꞌnyak eeta ꞌcĩg ĩĩn ꞌramma ho ꞌtirriani ꞌcĩ abĩllĩ tammu, hátĩ hiittiõõ hõllõngaa atĩĩlĩ waathinnioohĩĩ cĩg nga irrioonĩkĩ nẽẽg eet thõõth cĩ Nyekuci. Nẽ má idiimito nẽẽgĩ, occa aga ngaatĩ ũũhũĩ maam hĩĩ biyyi nẽ aꞌnyaktaak eet pĩĩrnanĩt cobbi gẽrrẽẽt loota nĩnga.

Terethiinit 12:6

Nĩngĩtĩ avviri ngaa nicciee õkõõĩ horrwatõõ umwaanĩ ĩcĩ õdõhõhĩĩ kak, ngaatĩ baa akũmaneek Nyekuci aĩ ꞌcĩ hatĩ õkõ aꞌthũũnnĩ ĩnõõnnõ waathinniook aalib hõdẽĩ hĩ ꞌmiiaꞌnya ꞌramma hĩ hẽẽn tõrkõnõn (1,260).

Terethiinit 13:5

Ma ho, ẽlẽmaahĩ Nyekuci nyaharahaak nicci hõdõõm ĩnõõnnõ nẽ aaꞌnyĩk hidticanõõĩ makaaꞌthĩt cĩnnĩ ho nyĩlõhĩ hẽẽn ꞌwec hĩ ꞌramma.

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”

Terethiinit 20:4

Ma nĩngaata, hudtuuha dtaabĩt ꞌcĩg aattiyyi eeta ꞌcĩg aaꞌnyĩhoothĩk makaaꞌthĩt ꞌcĩ ẽttẽẽdĩ thooꞌthiok cĩg eet cĩg lootu. Nẽ tarĩ, hudtuuha eet baag aruhi, hĩnĩngĩtĩ irrioon thõõth cĩ Yeesu hĩ thõõth cĩ Nyekuci. Baa nga halaacõ nẽẽg nyaharahaak hode ꞌthooura cĩnnĩ nẽ abũrĩ ngaatĩ amacaaranĩ athĩn hĩ muumti cĩggĩĩng. Arũgna hatĩ nẽẽg hiita haggamit looc hõdẽĩ hĩ Yeesu Krĩstõ irkiꞌnyia aalib hõdẽĩ.