Terethiinit 10:5 - ꞌBuuk cĩ Thõõth cĩ Nyekuci

⁵ Ma ho, hudtuuha aajĩlõ aa aarĩk ꞌthooc hõdẽẽthõng bũlũcatõõ nẽ aarĩk umwa ꞌthẽẽmĩ lokora, õdõng aꞌthiit cĩnnĩ cobbi ꞌjieena.

Terethiinit 10:5 Iomraidhean Croise

ꞌThianaattõ 14:22

Ẽdẽcĩ hinnia Abũraamõ habu cĩ ꞌThõõdõmĩ ho anneek, “Hõllõngaa occa hahumeehi naa hẽlẽggĩ cugunnig ko aꞌthiit caannĩ ũdũt. Habũtani muumaa cĩ Makayyioohit Nyekuc ꞌcĩ ĩllõõan vẽlẽk, Teheꞌnyioohit cĩ hẽẽtkujjieen hĩ cĩ lootu,

Luugithõõ 20:11

Hĩnĩngĩtĩ waathinniooha ꞌcĩg ĩĩn tõrkõnõn ko, ĩĩn waathinniook baag ẽhẽnytaanĩ Makayyioohiti hẽẽtkujjieen hĩ looc hĩ bũlũccwa hĩ hẽlẽggĩ vẽlẽk ꞌcĩg aattiyyi ĩhõõggõ, nẽẽthĩ, baa iyyioman nẽẽ kõrraa ꞌcĩ ĩĩn tũrkĩramma. Nẽẽthĩ hoti ho, aggatan Makayyioohiti Kõr cĩ ꞌYiommaanõ nẽ aaꞌnyĩk hiꞌngiranĩ.

Luugithõõ 6:8

Haꞌnyahaannuung hatĩ naa ngagiit looccaa baa habũtaneehi Abũrahaamõ hĩ Iꞌthaako hĩ Yakobo, nẽ haaꞌnyuung hĩĩ looc cunuung. Hĩĩnĩ naa Makayyioohit.’ ”

Dtiicanĩ cĩg ꞌThooyyiahu 14:15

“Hõlõ, ne ꞌcĩ adĩmannu niig hoti ho? Hĩĩgĩnna naag eet haaga hĩ niiga. Haꞌnyahaakuung naag ngagiit nyeemuut ꞌcĩ abũnnaa, hanneekuung ũtũngteek thooꞌthiok iccig abathĩ ho, elemit Nyekuc ꞌcĩ arũgĩ, ꞌcĩ ẽhẽnyta hẽẽtkujjieen hĩ looc hĩ bũlũc hĩ hẽlẽggĩ vẽlẽk ꞌcĩg aattiyyi ĩhõõggõ.

Dtiicanĩ cĩg ꞌThooyyiahu 17:23

Ma hõvvõõĩ naa ꞌtaaũn cunuung nẽ hudtuuha hẽlẽggĩ ꞌcĩg alayyu niiga, hammũda hinnia nĩngĩtĩ ĩbboorini ꞌgaarrieeniti ꞌcĩ eheedothoothĩk thooꞌthioha ꞌcĩg aĩ, ‘Cĩ Nyekuc ꞌcĩ hõllõngaa agayyi.’ Alayyu niig nyekuc icci, nẽẽthĩ hinnia, hõllõngaa agayyu ĩnõõnnõ. Nẽ hadiimi ꞌyioko haduhaakuung naa ngagiit thõõth cĩnnĩ.

ꞌRooma 1:20

Nganĩngĩtĩ teheꞌnyiaanĩt cĩ lootu, iita ẽdẽẽnyta thooꞌthioha cĩg Nyekuci jurrung aag gõõng hõllõngaa edeeꞌnyia, ꞌtirrianaa cĩnnĩ ĩcĩ aalla ũdũt, hĩ makaaꞌthĩt cĩnnĩ nẽ iita agayyi hẽlẽggẽẽnnĩĩ baag ẽhẽnytaa, hátĩ hiittiõõ eeta hõllõngaa ẽppẽhanĩ.

Ebereei 6:13

Baa aaĩ thõõth ꞌcĩ aduhaak Nyekuci Abũrahaamõ. Hĩnĩngĩtĩ baa aitiõõ ẽẽtĩ ꞌcĩ maka ꞌcĩ baa occa adukiaak thõõth tĩho tõõ, ũbũtan Nyekuci ꞌthaarĩĩ cĩgĩnnĩg ẽmmẽn,

Terethiinit 1:18

Nganĩĩt ꞌcĩ harugi, baa hadaaha, nẽ ꞌyioko, hũrũga ũdũt nẽ haꞌnyahi mũhũtẽẽt ꞌcĩg daahĩthaak hĩ cĩg looc cĩ daakiahu.

Terethiinit 10:2

Baa aꞌnyak nẽẽ ꞌbuuk ꞌcĩ hidici ꞌcĩ ubbuuhi ẽlẽk attiaa cĩnnĩ. Baa abĩlĩ nẽẽ aarĩk ꞌthooc cĩ aꞌthiit cobbi bũlũcatõõ nẽ ataadĩk ꞌthooc ꞌcĩ hidici ꞌthẽẽmĩ lokora.

Terethiinit 14:7

Baa ẽggẽrẽny aajĩlõ ciee gẽrrẽẽt aĩ, “Itingolli Nyekuc nẽ alaac ĩnõõnnõ! Õbõhĩ kõrra ꞌcĩ aku ẽttẽẽdĩ nẽẽ thooꞌthiok cĩg eetuk. Alaac ĩnõõnnõ, hĩnĩngĩtĩ baa ẽhẽnyta nẽẽ hẽẽtkujjieen hĩ looc, hĩ bũlũccwa hĩ hidiowwẽẽn vẽlẽk.”

Terethiinit 16:17

Ma ho, udduutik aajĩlõ ꞌcĩ ĩĩn tũkĩramma lohilihili cĩnnĩ ngõõta. Ma nĩngaata, ẽggẽrẽnya Nyekuci moloohaa cobbi dtaabawa ꞌCieethaa cĩnnĩ ĩĩ, “Hũttũbaneeha thõõth vẽlẽk!”

Terethiinit 4:11

“Makayyioohit hĩ Nyekuc cĩnaang, iini nii eet ꞌcĩ occa aaꞌnyĩhoothikii dĩhĩthẽẽnĩtĩ hĩ bulẽẽnĩt hĩ ꞌtirrian vẽlẽk, hĩnĩngĩtĩ baa ẽhẽnyta nii hẽlẽggĩ vẽlẽk, baa ẽtẽhẽnytaa nẽẽg tabiittaa cunni, nẽ aaꞌnyĩhuu ĩhõõggõ rũgẽt.”

Terethiinit 4:9

Baa aalla ebeneek hẽlẽggĩ niccieeg arũgĩ ho, eet ꞌcĩ aaĩ dtaabawa ho, tegellwa ꞌcĩg adĩkꞌthĩ ĩnõõnnõ hĩ ꞌcĩg abulꞌthĩ eet ꞌcĩ aalla arũgĩ ooo ho nẽ ĩĩttĩk ĩnõõnnõ ĩlaallẽ.