Terethiinit 10:11 - ꞌBuuk cĩ Thõõth cĩ Nyekuci

¹¹ Nĩngĩtĩ anneeka mõlõõhĩ nicciee, “Tẽrẽth eet thooꞌthiok ꞌcĩg hatĩ au. Duhaak ꞌthẽk ĩhõõggõ vẽlẽk tarĩ, loonyinii cĩggĩĩng hĩ eet ꞌcĩg õthõõth thooꞌthiohĩ cũũmõ cũũmõ, hõdẽĩ hĩ habuẽẽt cĩggĩĩng vẽlẽk.”

Terethiinit 10:11 Iomraidhean Croise

Terethiinit 10:10

Ma ho, haggama aajĩlõ nicci ꞌbuuk nẽ ma hadahi ho, ẽmmẽdĩ hinnia ũtũũgatõõ aĩ ꞌlĩĩ ꞌlĩĩ aaĩ hĩ lõtẽẽcĩ, ma haku ho, ũũkcĩ hinnia hũmmũccar hẽẽngatõõ.

Terethiinit 11:1

Ma ho, aaꞌnya aajĩlõ nicciee hẽẽt ꞌcĩ aaĩ hĩgõõng hattĩmanĩ looc nẽ ĩnnĩhaa, “Bĩĩt ꞌtĩmman ꞌCieeth cĩ Nyekuci, hĩ altaarĩ nẽ itigiilu eet vẽlẽk ꞌcĩg alayyi nĩngaata.

Terethiinit 11:9

Waathinnioohĩĩ ꞌcĩg ĩĩn iyyio hĩ ꞌnuth, acĩn hatĩ eeta cĩg loonyin vẽlẽk hĩ habuccieeꞌnya hĩ hattũũgẽt, eleeti cĩggĩĩng nẽ hõllõngaa ẽlẽmaanĩ hadayyi.

Terethiinit 14:6

Ma ho, hudtuuha aajĩlõ umwa ꞌcĩ alilliaan hẽẽtahujjieen, aꞌnyaha nyeemuut ꞌcĩ abũnnaa ꞌcĩ aalla ũdũt cĩ Nyekuci, ꞌcĩ aku aduhaak loonyin hĩ habuccieeꞌnya hĩ hattũũgẽt vẽlẽk ꞌcĩg õthõõth thooꞌthiohĩ cũũmõ cũũmõ loota nĩnga.

Terethiinit 17:10

Adaahito habuẽẽta ꞌcĩg ĩĩn ꞌtur ẽlẽk nẽ nga aaĩ hõdẽĩ, ꞌcĩ nga aggam looc ꞌyioko nẽ nga hatĩ aku umwaanĩ. Nẽ má ikia tĩho, aku hatĩ aggam looc hĩdĩhĩdĩĩc haaga nẽ iꞌnginõõthĩ.

Terethiinit 17:12

“Nẽ otto ꞌcĩg ĩĩn õmmõtõ ho, ĩĩn habuẽẽt õmmõtõ ũgĩ tarĩ, ꞌcĩg hatĩ au aggam habuẽẽꞌthĩt cĩnĩĩng hĩ nyaharahaak hõdẽĩ kõr hõdẽẽthõng haaga.

Terethiinit 17:15

Nẽ ĩnnĩhaa aajĩlõ nẽẽ, “Bũlũccwaana ꞌcĩg acini nii iccioloonganĩ ngaa ꞌcĩ ĩĩn ꞌwaaꞌngiahit ko, ĩthakꞌthoothĩk lothippit cĩ habuccieeꞌnyanu hĩ hattũũgẽt cĩg loonyin vẽlẽk ꞌcĩg õthõõth thooꞌthiohĩ cũũmõ cũũmõ.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.