Terethiinit 10:1 - ꞌBuuk cĩ Thõõth cĩ Nyekuci

¹ Nẽ hudtuuha aajĩlõ umwa ꞌcĩ attiran gẽrrẽẽt ꞌcĩ alluuccia hẽẽtahujjieen aku loota. Baa ammũta ĩnõõnnõ diith nẽ ohoorranoothĩk tõõlõngẽẽcĩ õõ cĩnnĩ. Baa aara muum cĩnnĩ haau hĩ kõrra nẽ aꞌnyak ꞌthoo ꞌcĩg aattĩg hĩ lanyit cĩ ꞌgwoyyio.

Terethiinit 10:1 Iomraidhean Croise

Luugithõõ 16:10

Ma baa nga othoothĩk Arõõnẽ lothippit cĩ eet cĩg Ĩꞌthĩraẽlĩ, ẽbẽktõõthĩ eeta looc ĩĩcĩ horu ꞌcĩ õdõhõhĩĩ kak ko, nĩngĩtĩ adtuuhanĩ bulẽẽnĩt cĩ Makayyiookto ngaatĩ uppwaannanĩ loduruatõõ.

Maatteeo 17:2

Ma muuraa tĩho, ikia ũtũhũĩ ẽlẽ cĩ Yeesu hẽbẽrẽẽnnĩĩ cĩggĩĩng hattaal hĩĩ õõppẽr. Baa attaalĩth muum cĩnnĩ haau hĩ kõrra nẽ attaalito ceremwaana cĩgĩnnĩg buúk, haauto hĩ lanyit cĩ korro.

ꞌLuuka 21:27

Ma kõr tĩho, edeenyothi hatĩ eeta Ngeertĩ Eeto ngaatĩ alluuccianĩ diiꞌthiohĩĩ cĩg hẽẽtkujjieen, makaaꞌthĩta hĩ bulẽẽttaa cobbi.

Dtiicanĩ cĩg ꞌThooyyiahu 26:13

Ma baa aau kõrra lokora, baa nga hõvvõ ꞌgõõla habuu, hadtuuha hinnia lanyit ꞌcĩ aku hẽẽtahujjieen ꞌcĩ attaalĩth hĩllõõan kõr, attũhũllaa nganĩĩt hĩ eet ꞌcĩg baag hõõkõrra vẽlẽk.

Terethiinit 1:7

Ĩcĩnĩt da ꞌyioko! Õõkõra nẽẽ hĩ diith hẽẽtahujjieen, acĩn hatĩ eeta vẽlẽk ĩnõõnnõ, nẽ ꞌthẽk adtuuha hatĩ eeta baag acuhan ĩnõõnnõ buúk. Alu hatĩ eeta vẽlẽk loota nĩnga ĩnõõnnõ. Dĩdĩ, aaĩ hatĩ thõõth cieeni! Aamẽn.

Terethiinit 18:1

Ma urutaa cĩ thooꞌthiok iccig vẽlẽk, hudtuuha aajĩlõ umwa ꞌcĩ alluuccia hẽẽtahujjieen ꞌcĩ aꞌnyak ꞌtirriani cobbi gẽrrẽẽt nẽ aara ẽlẽ cĩnnĩ hũttũhũl looc vẽlẽk, hĩnĩngĩtĩ bulẽẽnĩt.

Terethiinit 18:21

Ma nĩngaata, õdõnga aajĩlõ umwaa ꞌcĩ attiran gẽrrẽẽt bẽẽ cobbi nẽ udhuheek ꞌtirriaana bũlũcatõõ, nẽ õthõõth ĩĩ, “ꞌGõõl ꞌcĩ hatĩ ĩꞌthaanini ꞌtaaũnĩ cĩ Babiloonnia ciee hiittiõõ hõllõngaa edeeꞌnyia tarĩ.

Terethiinit 20:1

Ma ho, hudtuuha aajĩlõ umwaa ꞌcĩ alluuccia hẽẽtahujjieen, ꞌcĩ aꞌnyaha mũhũta cĩ ꞌlook ꞌcĩ uuthik hiꞌthihi dtuurnanĩt, hĩ nyerikooc ꞌcĩ adĩddĩngĩĩ gẽrrẽẽt.

Terethiinit 4:3

Nẽ aaĩ ẽlẽ cĩ eet ꞌcĩ aayyi dtaaba ho, hĩ biyyiẽẽna ꞌcĩg attalĩth ꞌcĩg haĩ ꞌJatheper hĩ karnelia nẽ irriamaneek lanyit dtaaba ꞌcĩ aayyi nẽẽ ho, haau hĩ tõõlõngẽẽcĩ ꞌcĩ aaĩ hĩ bẽẽ ꞌcĩ haĩ ẽmẽral.

Terethiinit 5:2

Nẽ tarĩ hĩcĩna aajĩlõ cobbi ꞌcĩ attiran gẽrrẽẽt ꞌcĩ ẽggẽrẽny aĩ, “Nganĩ ꞌcĩ ũũlũ ngaatĩ avvahanĩ ꞌbuuk icci adili ho nẽ ubbuuha?”

Terethiinit 8:13

Ma ho, hĩcĩna ꞌthuuti umwa ꞌcĩ alilliaan hẽẽtahujjieen ẽggẽrẽny gẽrrẽẽt aĩ, “Pĩĩrnanĩt, pĩĩrnanĩt, pĩĩrnanĩt cobbi gẽrrẽẽt hĩ eet cĩg looc nicci, hatĩ adtahit aajĩlẽẽta ꞌcĩg ĩĩn iyyio ꞌcĩg adtuurna tũũrẽn cĩggĩĩng.”