Terethiinit 1:3 - ꞌBuuk cĩ Thõõth cĩ Nyekuci

³ Aggatan hatĩ Nyekuci eet vẽlẽk ꞌcĩg agiilik ꞌgõõnõgĩ thõõth ꞌcĩ aduha Nyekuci ꞌbuuhaa cĩ ho nẽ aggatan hatĩ Nyekuci eet ꞌcĩg athĩhĩ nẽ elemit thõõth ꞌcĩ adukiaa ꞌbuuhaa cĩ. Õbõhĩ kõrra ꞌcĩ hatĩ au edeeꞌnyianĩ thooꞌthioha cieeg vẽlẽk.

Terethiinit 1:3 Iomraidhean Croise

Maatteeo 24:15

Nẽ õthõõth Yeesu tarĩ ĩĩ, “Aaĩ hatĩ kõrra ꞌcĩ acinnu niig ‘ꞌgii ꞌcĩ abathĩ gẽrrẽẽt ꞌcĩ aꞌnyaha ꞌribban,’ abĩlĩ Ngaatĩ Ẽllẽẽmĩth ꞌCieethaa cĩ Nyekuci, hĩ baa aduha põrõvẽtaacĩ Danieele aĩ, anneek eet ꞌcĩ agiili thõõth icci, thĩĩk jurrung!

ꞌLuuka 11:28

Ẽdẽcĩ hinnia Yeesu anneek, “Aꞌnyĩĩk haggatattĩ eeta ꞌcĩg athĩhĩ thõõth cĩ Nyekuci nẽ elemita.”

ꞌRooma 13:11

Agayyu niig korriook iigia ꞌcĩg haattiyyi naag ko, nẽẽthĩ hoti ho, adiim occa aattiyyu jurrung. Ma hattumaniinnu, hĩnĩngĩtĩ agayyu niig õbõhĩ kõrra ꞌcĩ hatĩ heellianĩ naaga, hĩllõõan korriook baag hẽlẽmmĩ naag Makayyioohit.

ꞌRooma 13:12

Õbõhĩ edeccia baalini nẽ uppwaanna hatĩ kõrra. Occa hõllõngaa haattĩg naag hĩ eeta ꞌcĩg aattĩg muguuratõõ, hũkũmattoothĩk haaut lanyita.

1 Pẽẽtũrũ 4:7

Õbõhĩ decciaanĩtĩ cĩ lootu. Nẽẽthĩ hoti ho, uꞌthuutti eleeti nẽ ĩrrĩcattaau laiinit jurrung.

2 Pẽẽtũrũ 3:8

Nẽẽthĩ, ꞌgotoonoga hĩ ngoonoga, ma hataarroꞌthu thõõth icci. Hĩ Makayyioohit, aduhõõ kõrra hõdẽẽthõng hĩ irkiꞌnyia aalib hõdẽĩ thõng nẽ irkiꞌnyia aalib hõdẽĩ, aduhõõ hĩ kõr hõdẽẽthõng thõng.

Terethiinit 22:10

Nẽ uduhaaha tarĩ ĩnnĩhaa, “Ma hammiꞌthẽẽnĩ thooꞌthiok ꞌcĩg aduha ꞌbuuhi cieeni, hĩnĩngĩtĩ edeeꞌnyia hatĩ hẽlẽggĩ cieeg vẽlẽk hĩdĩĩkoothong.

Terethiinit 22:12

“Cĩĩn nõõnĩ, hakuu naa hĩdĩĩkoothong! Hakuu hatĩ hadũmani eet vẽlẽk hĩ baa adtican nẽẽg thooꞌthiok ꞌcĩg abũnnaa.

Terethiinit 22:20

Nẽ ẽẽtĩ ꞌcĩ ĩĩn hebereec cĩ thooꞌthiok iccig vẽlẽk aĩ, “Eei, hakuu naa hĩdĩĩkoothong!” Aamẽn! Ijjia Makayyioohit Yeesu!

Terethiinit 3:11

“Hakuu hatĩ naa hĩdĩĩkoothong, uꞌthuutti thõõth caannĩ baa allimanoothikuunga, hátĩ hiittiõõ ẽẽtĩ ꞌcĩ hatĩ aggamaannuung ꞌbaaninit ꞌcĩ haaꞌnyuung naa ho tõõ.