Terethiinit 1:2 - ꞌBuuk cĩ Thõõth cĩ Nyekuci

² Nẽ ikia uduha Yõaannẽ thooꞌthiok vẽlẽk ꞌcĩg baag acĩn nẽẽ nyeemuutaa cĩ Nyekuci, hĩ thooꞌthiok vẽlẽk ꞌcĩg baag aduha Yeesu Krĩstõ, hĩ ꞌcĩg adĩmanĩ.

Terethiinit 1:2 Iomraidhean Croise

Yõaannẽ 1:32

Nĩngĩtĩ aduhaanĩ Yõaannẽ thõõth umwa aĩnnĩ, “Baa hacini Lori ꞌcĩ Ẽllẽẽmĩth, ngaatĩ alluuccianĩ hẽẽtahujjieen, ꞌcĩ aaĩ hĩ bõllõõĩ nẽ ikia ĩbĩl ẽllaa cĩnnĩ.

Yõaannẽ 12:17

Ikia ĩꞌthaanĩk lothippiti baa arũmĩ hĩ Yeesu kõr baa arũgthaanĩ nẽẽ Laaꞌtharõ daahĩtha, eet nyeemuut.

Yõaannẽ 19:35

Aduha nyeemuut icci ẽẽtĩ ꞌcĩ baa acĩn thõõth icci nẽ ĩĩn thõõth ꞌcĩ aduha nẽẽ ho dĩdĩ. Aga nẽẽ ngaatĩ aduhaanĩ thõõth ꞌcĩ ĩĩn dĩdĩ, hátĩ iita elemit niig buúk.

Yõaannẽ 21:24

Nuyyioohit ꞌcĩ aduha thooꞌthiok iccig vẽlẽk ko cieeni nẽ eteheedĩk loota. Haga naag ĩĩn thõõth ꞌcĩ aduha nẽẽ ho dĩdĩ.

Yõaannẽ 3:11

Haduhaakii thõõth dĩdĩ, haduhaanna naag thõõth ꞌcĩ hagayyia, hĩnĩngĩtĩ hĩcĩtta hẽbẽrẽẽnnĩĩ cĩggaang. Nẽẽthĩ hinnia, hõllõngaa elemmu thõõth ꞌcĩ haduhaanna naag ko ũdũt.

Dtiicanĩ cĩg ꞌThooyyiahu 22:15

Ĩĩnĩ hatĩ nii hebereec cĩ eet vẽlẽk, hĩ cĩ thõõth ꞌcĩ baa acini nẽ ithihu ho.

Dtiicanĩ cĩg ꞌThooyyiahu 26:16

Tĩnga ꞌyioko bĩĩl ꞌjieena. Huppwanakii naa nganiit nẽ hẽbẽraaii ĩĩ dticciannioohit nẽ iinu hebereec cĩ thõõth caannĩ ꞌcĩ acini nii ho, hĩ ꞌgii ꞌcĩ hatĩ heterꞌtheekii naa nganiita.

Dtiicanĩ cĩg ꞌThooyyiahu 4:20

Hĩnĩngĩtĩ hõllõngaa occa hĩjjaahinnia thõõth baa hĩthĩkta nẽ hĩcĩtta.”

1 Korinthia 1:6

Nẽẽthĩ ꞌyioko, iita agayyu niig ngaatĩ ĩĩnnĩ thõõth baa haduhaakuung naag ngagiit vẽlẽk dĩdĩ, hĩnĩngĩtĩ Makayyioohit cĩnaac Yeesu Krĩstõ.

1 Korinthia 2:1

ꞌGotoonoga hĩ ngoonoga, kõr baa hakuuni naa hĩ ngagiita, baa hõllõngaa hakuu hĩ ẽẽtĩ ꞌcĩ haganeehi thõõth, hode hĩ ẽẽtĩ ꞌcĩ heggeenyi thõng, baa hakuu haduhaakuung thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu.

1 Yõaannẽ 1:1

Haduhaakuung naa ngagiit eet ꞌcĩ baa aaĩ baa ꞌthianaattaa cĩ lootu, baa hathĩkna nẽ hĩcĩtta ĩnõõnnõ hẽbẽrẽẽnnĩĩ cĩggaang nẽ huhumta athĩnĩĩ cĩggaang dẽẽdẽ. Ĩĩn nẽẽ Thõõth cĩ rũgẽt ꞌcĩ hirrioonna naag ko.

1 Yõaannẽ 4:14

Baa ĩꞌthõõa Nyekuci Ngeerĩnĩ hikia hĩĩ Ellioohit cĩ eet cĩg looc nicci. Baa hĩcĩtta naag Ngeerĩnĩ nẽ ꞌyioko huduktaaha naag eet thõõth cĩnnĩ.

3 Yõaannẽ 1:12

Athithan eeta vẽlẽk bũnnai cĩ Demetirio nẽ aduha thõõth ꞌcĩ ĩĩn dĩdĩ ho buúk. Hothoothi naa buúk ĩnõõnnõ jurrung nẽ agayyu niig ngaatĩ ĩĩnnĩ thõõth ꞌcĩ haduhaanna naag ko dĩdĩ.

Terethiinit 1:11

Othoothĩkaa mõlõõhĩ tĩho anneeka, “Teheedĩk ꞌbuuhatõõ thooꞌthiok ꞌcĩg acini nii vẽlẽk nẽ ĩꞌthooihuu lothippiꞌnya cĩg lemmiook ꞌcĩg ĩĩn tũkĩramma ho. ꞌThooĩk Eevvetho hĩ Thĩmĩrna hĩ Pẽrgamo hĩ Thiatira hĩ Thaardith hĩ Viladelvia hĩ Laodicea.”

Terethiinit 1:19

“Tẽhẽẽd thooꞌthiok vẽlẽk ꞌcĩg acĩnĩ nii ho loota, hĩ hẽlẽggĩ ꞌcĩg aattĩg ꞌyioko, hĩ hẽlẽggĩ ꞌcĩg hatĩ au urutaa ꞌcĩ thooꞌthiok iccig.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 12:11

Baa ĩllõõan eeta ꞌThĩttaan biyyiẽẽtĩĩ cĩg Mĩꞌnyõõnak, nẽ ĩllõõanit ngaatĩ ĩĩnĩ nẽẽg hẽbẽrĩ cĩg lemiinit cĩnĩĩng hĩ Nyekuc. Baa hõllõngaa ammĩnan nẽẽg rũgẽt cĩnĩĩng gẽrrẽẽt, ĩnõõ ꞌcĩ hõllõngaa itieelini nẽẽg daahĩth ko.

Terethiinit 12:17

Ma ho, ikia ĩlĩĩlĩeek ꞌbuuhi nicciee ngaa nicci gẽrrẽẽt ũdũt, nĩngĩtĩ aahĩ jore nẽ õõt urukto hĩ lõhõlĩ cĩg ngaa nicci, ĩhõõggõ eeta ꞌcĩg athĩhĩ tilooinit cĩ Nyekuci nẽ elemit thooꞌthiok ꞌcĩg alliman Yeesu.

Terethiinit 20:4

Ma nĩngaata, hudtuuha dtaabĩt ꞌcĩg aattiyyi eeta ꞌcĩg aaꞌnyĩhoothĩk makaaꞌthĩt ꞌcĩ ẽttẽẽdĩ thooꞌthiok cĩg eet cĩg lootu. Nẽ tarĩ, hudtuuha eet baag aruhi, hĩnĩngĩtĩ irrioon thõõth cĩ Yeesu hĩ thõõth cĩ Nyekuci. Baa nga halaacõ nẽẽg nyaharahaak hode ꞌthooura cĩnnĩ nẽ abũrĩ ngaatĩ amacaaranĩ athĩn hĩ muumti cĩggĩĩng. Arũgna hatĩ nẽẽg hiita haggamit looc hõdẽĩ hĩ Yeesu Krĩstõ irkiꞌnyia aalib hõdẽĩ.

Terethiinit 22:21

Aꞌnyĩĩk bũnnai cĩ Makayyioohit Yeesu haau hĩ eet ꞌcĩg ẽllẽẽmĩth cĩg Nyekuci.

Terethiinit 6:9

Ma baa awaanyan Mĩꞌnyõõn doolliang ꞌcĩ ĩĩn ꞌtur ko, hadtuuha hinnia loriẽẽt ꞌcĩg aattĩg altaarĩa loota cĩg eet baag aruhi vẽlẽk, hĩnĩngĩtĩ baa ẽlẽmĩ nẽẽg nẽ othoothito thõõth cĩ Nyekuci.