Terethiinit 1:17 - ꞌBuuk cĩ Thõõth cĩ Nyekuci

¹⁷ Ma baa hadtuuha ĩnõõnnõ ho, hẽttẽẽda looc ꞌthõõnĩĩ cĩgĩnnĩg haau hĩ ẽẽtĩ ꞌcĩ hadaaha ẽlẽk. Nĩngĩtĩ ataadĩka aꞌthiit cĩnnĩ cobbi nẽ ĩnnĩhaa, “Ma hiꞌngolli! Nganĩĩt ꞌcĩ hiꞌthianẽẽkĩ hẽlẽggĩ vẽlẽk nẽ nganĩĩt ꞌcĩ hadtuurna.

Terethiinit 1:17 Iomraidhean Croise

ꞌThianaattõ 15:1

Ma baa urutaa cĩ thooꞌthiok iccig vẽlẽk, ikia aaꞌnyĩk Makayyioohiti Abũraamõ hõhõnõõthĩ nẽ ĩĩnnĩk, “Abũraamõ, ma hiteelli, hĩĩnĩ hatĩ naa hilib ꞌcĩ heteiinni nganiit thooꞌthiohĩĩ ꞌcĩg abathĩ. Haggatannii hatĩ naa nganiit gẽrrẽẽt.”

Luugithõõ 14:13

Ẽdẽcĩ hinnia Mũũꞌtha eet anneek, “Ma hiteelinnu. Aanytĩk ꞌthinneeti hokomit nẽ hatĩ icittu ꞌgõõl ꞌcĩ ẽẽlannuung Makayyioohiti kõr nicci. Eeta cĩg Ijjibi ꞌcĩg acinnu niig ko, hõllõngaa hatĩ acinnu tarĩ.

Luugithõõ 20:20

Ẽdẽcĩ Mũũꞌtha ĩhõõggõ anneek, “Hõlõ, ma hiteelinnu. Aku attĩmannuung ngagiit Nyekuci thõng, haau tẽẽlꞌthĩtĩ cĩ Nyekuci hĩ ngagiit, hátĩ ũtũngteek niig ꞌthẽccan.”

Luugithõõ 3:6

Nĩngĩtĩ aĩnnĩ Nyekuci, “Hĩĩnĩ naa Nyekuc cĩ maaconu, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.” Ma ngaati, ũmmũt Mũũꞌtha muum cĩnnĩ, hĩnĩngĩtĩ baa iꞌngolli nẽẽ ngaatĩ acĩnĩ Nyekuc.

Maatteeo 14:27

Ma hĩdĩĩkoothong, ikia othoothĩk Yeesu ĩhõõggõ ĩĩnnĩk, “Aanytĩk ꞌthinneeti hokomit! Nganĩĩt Yeesu. Ma hiteelinnu.”

Maatteeo 28:4

Baa iꞌngolli bekiooha ĩnõõnnõ gẽrrẽẽt nẽ abarritit haauto hĩ eeta ꞌcĩg adaahito ẽlẽk.

Maatteeo 28:5

Nẽ uduhaak aajĩlõ nicciee ngaaĩ niccig ĩĩnnĩk, “Ma hiteelinnu, haga naa adiimmu niig Yeesu baa odooddothoothĩk hurucceea.

Yõaannẽ 13:23

Baa aaĩ nuyyioohiti umwaa ꞌcĩ baa gõõng ammĩnan Yeesu, baa õbõhõõ nẽẽ hĩ Yeesu ꞌthaa ꞌcĩ aduhẽẽnĩ nẽẽgĩ.

Yõaannẽ 21:20

Ma baa ho, ubbuudi Pẽẽtũrũ nẽ udtuuha nuyyioohit baa ammĩnan Yeesu ngaatĩ anũĩ ĩhõõggõ. Baa eejehoothĩk nuyyioohiti ciee Yeesu baa aduhi nẽẽg ꞌjiaat nẽ ijin ĩnõõnnõ ĩĩnnĩk, “Makayyioohit, nganĩ hõrggẽẽnaa cĩnaang ꞌcĩ hatĩ õhõppõõcannii nganiit ko?”

Terethiinit 1:11

Othoothĩkaa mõlõõhĩ tĩho anneeka, “Teheedĩk ꞌbuuhatõõ thooꞌthiok ꞌcĩg acini nii vẽlẽk nẽ ĩꞌthooihuu lothippiꞌnya cĩg lemmiook ꞌcĩg ĩĩn tũkĩramma ho. ꞌThooĩk Eevvetho hĩ Thĩmĩrna hĩ Pẽrgamo hĩ Thiatira hĩ Thaardith hĩ Viladelvia hĩ Laodicea.”

Terethiinit 1:4

Halaiinnuung naa Yõaannẽ ngagiit lothippiꞌnya cĩg lemmioohu ꞌcieethinii cĩg laiittak, ꞌcĩg iiginnu tũkĩramma looccaa cĩ Aaꞌthia. Aggatanuung Nyekuci ꞌcĩ aaĩ ꞌyioko, ꞌcĩ baa aalla baarkit hĩ ꞌcĩ hatĩ aku horumwa, ĩĩtõ tarbalĩg nẽ aauttu lõꞌngõõc hĩ loriẽẽt ꞌcĩg ĩĩn tũkĩramma, ꞌcĩg aattĩg muumaa cĩ Nyekuci nẽ irriamatteek dtaaba cĩnnĩ.

Terethiinit 1:8

Õthõõth Makayyioohiti Nyekuci aĩ, “Nganĩĩt ꞌcĩ hiꞌthianaanĩ nẽ hudtuura. Baa haalla haaĩ baangaani nẽ nga haalla noho nẽ hakuu hatĩ tarĩ. Nganĩĩt ꞌTirriannioohit ꞌcĩ hĩllõõani vẽlẽk.”

Terethiinit 2:8

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thĩmĩrna. “Duhaak anneek, nyeemuut nicciaa ꞌcĩ aku hĩ eet ꞌcĩ baa iꞌthianaanĩ hẽlẽggĩ vẽlẽk nẽ udtuura. Baa adaaha nẽ ꞌyioko kõr icci ũrũga.

Terethiinit 22:13

Nganĩĩt ꞌcĩ huwwatta nẽ Nganĩĩt cĩ hadtuurna, Nganĩĩt ꞌcĩ hiꞌthianaanĩ hẽlẽggĩ vẽlẽk nẽ Nganĩĩt ꞌcĩ hẽdẽcaahi hẽlẽggĩ vẽlẽk.”