Terethiinit 1:10 - ꞌBuuk cĩ Thõõth cĩ Nyekuci

¹⁰ Ma baa kõr ꞌcĩ halaiinna naag lemmiooha, ikia aggama Lorii ꞌcĩ Ẽllẽẽmĩth nganĩĩt nẽ hĩthĩha molook cobbi ꞌcĩ ẽggẽrẽny ĩĩcĩ bahuc caannĩ haau hĩ mõlõõhĩ cĩ tũũrĩõ.

Terethiinit 1:10 Iomraidhean Croise

Maatteeo 22:43

Ẽdẽcĩ Yeesu ĩhõõggõ anneek, “Nẽ baa aaꞌnyĩk Lorii ꞌcĩ Ẽllẽẽmĩth Daavide hũtũvvũ ĩnõõnnõ hĩĩnnĩk ‘Makayyioohit’ hutuno? Hĩnĩngĩtĩ baa aĩ nẽẽ,

Yõaannẽ 20:19

Ma baa lomidikaawa nĩĩca ꞌjiaat, baa alũtĩ nuyyiooha ngaatĩ hõdẽẽthõng, aꞌnyũũg hattũũgẽt, hĩnĩngĩtĩ baa iꞌngolli nẽẽg eet cĩg ꞌJudeei. Ma ho, uppwaanna Yeesu hikia hĩbĩl hõrggẽẽnaa cĩnĩĩng nẽ ĩĩ, “Aꞌnyĩĩk ganõn haau hĩ ngagiita!”

Yõaannẽ 20:26

Ma urutaa cĩ lomidika hõdẽĩ, baa iita aauto nuyyiooha ꞌcieetõõ hõdẽĩ tarĩ, baa aattĩ aaĩ Tomaaꞌthio buúk kõr niccia. Tananga baa aꞌnyũũgĩ hattũũgẽta, ikia ĩbĩl Yeesu hõrggẽẽnaa cĩnĩĩng nẽ ĩĩ, “Aꞌnyĩĩk ganõn haau hĩ ngagiita!”

Dtiicanĩ cĩg ꞌThooyyiahu 20:7

Ma lomidikaawa, hiita homottiooa naag vẽlẽk hĩ lemmiook ngaatĩ hõdẽẽthõng nẽ hiita hudukta ꞌgẽẽn cĩ Makayyiookto ꞌcĩ adtuurna. Baa irrioonĩk Paaulo eet ĩꞌthõng hẽttẽẽdĩ baalini, hĩnĩngĩtĩ ĩꞌngaathĩ hatĩ nẽẽ loohoth cĩnnĩ.

1 Korinthia 12:3

Nẽẽthĩ ꞌyioko, hadiimmuung naa ngagiit agaac ĩĩtõ, aitiõõ ẽẽtĩ ꞌcĩ occa õthõõth loriia cĩ Nyekuci hõllõngaa occa accĩĩn Yeesu nẽ aitiõõ ẽẽtĩ ꞌcĩ occa õthõõth aĩ, ĩĩn Yeesu Makayyioohit, hatĩ aitiõõ Lorii ꞌcĩ Ẽllẽẽmĩth hĩ ĩnõõnnõ tõõ.

1 Korinthia 16:2

Lomidikaaꞌnyanĩ vẽlẽk, aꞌnyĩĩk eet hõdẽĩ hõdẽĩ hõrggẽẽnaa cunuung hitiangithit ꞌrabbẽẽt ũgĩ ngadiiha, ꞌrabbẽẽtĩĩ ꞌcĩg aggam ẽẽtĩ dtiicaa cĩnnĩ. Hátĩ ma hikia naana, iittiõõ hatĩ lũtẽẽnĩtĩ umwaa tõõ.

Terethiinit 17:3

Nĩngĩtĩ õkõõyya aajĩlõ Loriia horrwatõõ ꞌcĩ õdõhõhĩĩ kak. Ma ĩĩca, hũũk hĩcĩna ngaa umwa ꞌcĩ iccioloonganĩ nyaharahaak ꞌcĩ marihi ꞌcĩ aꞌnyak ooti tũkĩramma hĩ otto õmmõtõ nẽ baa eheedothoothĩk doominiti ꞌcĩ õdõõmĩ Nyekuc ẽlẽ cĩnnĩ hũtũrũũr.

Terethiinit 21:10

Ma ho, ũũka aajĩlõ nicciee Loriiaa ꞌcĩ Ẽllẽẽmĩth, ĩꞌthõng muur umwa ꞌcĩ uuni gẽrrẽẽt nẽ ũũk eteretheeha ꞌtaaũn cobbi ꞌcĩ ẽllẽẽmĩth cĩ ꞌJeruꞌthalẽmĩ, ꞌcĩ alluuccia õlõõ cĩ Nyekuci hẽẽtahujjieen aku loota.