Luugithõõ 8:8 - ꞌBuuk cĩ Thõõth cĩ Nyekuci

⁸ Ma ho, ũtũvvũ habuui cĩ Ijjibi Mũũꞌtha hĩ Arõõnẽ nẽ ĩĩnnĩk, “Alaac Makayyioohit haaꞌnyĩk lõkĩdõdõõknya hammanyattĩ ngaatĩ haattiyyia naag hĩ eet cĩgannĩg vẽlẽk, nẽẽthĩ hatĩ halahaneeha eet cugguung hõõt halaacõ Makayyioohit.”

Luugithõõ 8:8 Iomraidhean Croise

Luugithõõ 10:16

Nĩngĩtĩ avvaanĩ habuui cĩ Ijjibi Mũũꞌtha hĩ Arõõnẽ hĩdĩĩkoothong nẽ ĩĩnnĩk, “Hõlõ hẽꞌthẽcana naa muumaa cĩ Makayyioohit Nyekuc cunuung hĩ muumaa cunuung.

Luugithõõ 10:17

Nẽẽthĩ ꞌyioko, atamaattihaangu tarĩ nẽ alayyiooyyiaangu hĩ Makayyioohit Nyekuc cunuung, hittik ꞌthẽrẽt icci abathĩ ho battaala hĩ nganĩĩta.”

Luugithõõ 10:18

Nĩngĩtĩ ũũnnĩkĩ Mũũꞌtha habu cĩ Ijjibi nẽ ũũk ala Makayyioohit.

Luugithõõ 14:5

Ma baa udukiaak habu cĩ Ijjibi aĩ ukulit eeta, iita ũtũkẽẽcõ habuui cĩ Ijjibi hĩ makayyiook cĩgĩnnĩg muhẽẽnĩt cĩnĩĩng, hĩnĩngĩtĩ eet cĩg Ĩꞌthĩraẽlĩ nẽ ĩĩtõ, “Ne hatĩ ꞌcĩ hĩdĩmanit naag ko? Halahatteek bẽrẽ naag eet cĩg Ĩꞌthĩraẽlĩ hõõt nẽ iittiõõ appahacaaꞌnya ꞌcĩg nga adticanoothĩkeet tõõ!”

Luugithõõ 5:2

Ẽdẽcĩ hinnia habuui cĩ Ijjibi aĩ, “Makayyioohit iina ꞌcĩ occa hathihi naa nẽ halahaneeha eet cĩg Ĩꞌthĩraẽlĩ hõõt ko? Ẽrẽka nganĩĩt Makayyioohiti tĩho nẽ hõllõngaa hẽlẽmaakĩ eet cĩg Ĩꞌthĩraẽlĩ hõõt.”

Luugithõõ 8:15

Ma baa acĩn habuui cĩ Ijjibi ngaatĩ aku abũnnayyĩ lõõcĩ ho, ikia ĩllõõr tarĩ nẽ ũtũbũr ngaatĩ athĩknĩ thõõth cĩ Mũũꞌtha hĩ cĩ Arõõnẽ, haau hĩ baa ꞌthẽk aduha Makayyioohiti.

Luugithõõ 8:29

Ẽdẽcĩ Mũũꞌtha habu anneek, “Ma hutungeehii naa nganiit nẽ hũũha, hõkõ hatĩ halaiinni naa nganiit hĩ Makayyioohit nẽ lohotha, aꞌnginoothi hatĩ hĩrõnga õlõõ cunni hĩ olooyyiohĩĩ cĩg makayyiook cugunnig, hĩ cĩg eet cugunnig vẽlẽk. Nẽẽthĩ, haduhaakii dĩdĩ habu cĩ Ijjibi, ma nga hĩggoolleet ngagĩĩt tarĩ nẽ ẽtẽdẽyẽẽhĩ eet ngaatĩ õõ ĩbbõõrĩkĩ ꞌgaarrieenit Makayyioohit.”

Luugithõõ 8:32

Nẽẽthĩ kõr icci buúk, aalla nga aku ĩllõõrĩth habuui cĩ Ijjibi noho nẽ ẽtẽdẽyẽẽhĩ eet ꞌgõõl ngaatĩ õõĩ.

Luugithõõ 8:9

Nĩngĩtĩ annẽẽkĩ Mũũꞌtha habu cĩ Ijjibi, “Arĩĩk thĩ nẽẽ nii kõr ꞌcĩ hatĩ halaiinni naa nganiit hĩ makayyiook cugunnig hĩ eet cugunnig. Ũũnnĩk hatĩ lõkĩdõdõõknya ꞌcieethi cugunnig. Nẽẽthĩ, aalla hatĩ cĩg hidioo cĩ Naaĩlĩ diooni.”

Luugithõõ 9:27

Ma ho, ũtũvvũ habuui cĩ Ijjibi Mũũꞌtha hĩ Arõõnẽ nẽ ĩĩnnĩk ĩhõõggõ, “Hõlõ, hẽꞌthẽcana aattĩ naa kõr icci. Aũlan thõõth cĩ Makayyiookto nẽ hẽꞌthẽcatta naag hĩ eet cĩgannĩg.

Luugithõõ 9:28

Alaac Makayyioohit, hĩnĩngĩtĩ ĩtĩĩl tammu cĩ telleenu ho ĩĩ maka gẽrrẽẽt, hĩccaaõ habath lõõcĩ dtẽc. Hẽlẽmaakuung hatĩ naa ngagiit õõtõ, iittiõõ aattĩ hatĩ hõllõngaa aattiyyu ngaati tarĩ.”

Luugithõõ 9:33

Nĩngĩtĩ ũũnnĩkĩ Mũũꞌtha habu cĩ Ijjibi nẽ ũũk battaalaa cĩ ꞌtaaũnõõ nẽ odongeek athĩn cĩgĩnnĩg Makayyioohit, nĩngĩtĩ ahulꞌthi tammu cĩ telleenu ho nẽ iittiõõ hõllõngaa ĩccaayyi.

Dtiicanĩ cĩg ꞌThooyyiahu 8:24

Nĩngĩtĩ aĩnnĩ ꞌThimõõnẽ, “Ẽlẽ, laooyya baaĩ nuun hĩ Makayyioohit, hátĩ hiittiõõ thõõth ꞌcĩ aduha nii ho hõllõngaa adaka nganĩĩt ꞌgiimwa.”