Luugithõõ 8:7 - ꞌBuuk cĩ Thõõth cĩ Nyekuci

⁷ Au hinnia adĩman ngarĩta buúk, hẽlẽggĩ ꞌcĩg aduhõõ ꞌgõõlaa cĩnĩĩng ẽmmẽn, aaꞌnyĩk nẽẽg buúk lõkĩdõdõõknya hĩbbĩtĩt looc cĩ Ijjibi.

Luugithõõ 8:7 Iomraidhean Croise

Luugithõõ 7:11

Ma ho, ũtũvvũ habuui cĩ Ijjibi eet cĩg Ijjibi, ꞌcĩg ĩĩn ꞌgeeꞌnyiak hĩ ngarĩt hĩ eet ꞌcĩg aꞌnyak ẽgẽrnẽẽn, hiita hĩdĩmanit thooꞌthiok ꞌcĩg aduhõõ hĩ thõõth ꞌcĩ adĩman Arõõnẽ ho, ꞌtirriaanaa cĩnĩĩng ĩcĩ ammiꞌthi.

Luugithõõ 7:22

Nẽẽthĩ hinnianĩ, baa adtican ngarĩta buúk, thooꞌthiok ꞌcĩg aduhõõ hĩ ꞌcĩg adtican Arõõnẽ ho thõng, ꞌgõõlaa cĩnĩĩng ĩcĩ ammiꞌthi, nĩngĩtĩ aku õkõmmĩ habu cĩ Ijjibi õõ hiittiõõ hõllõngaa athĩhĩ thõõth cĩ Mũũꞌtha hĩ cĩ Arõõnẽ, hĩ baa aduha Makayyioohiti.

Luugithõõ 8:18

Ma baa ma aĩ hĩttĩmatta ngarĩta ngaatĩ occa aꞌnyahaanĩ nẽẽg buúk wĩĩny ꞌgõõlaa cĩnĩĩng ẽmmẽn ko, aꞌnyaman hinnia ĩhõõggõ thõng. Nĩngĩtĩ ammũlũũnyanĩ wĩĩnya eet hĩ idiꞌngwa vẽlẽk.

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

2 Timotteeo 3:8

Hĩ baa ẽppẽhan eeta baag haĩ hĩ ꞌJaannẽthĩ hĩ ꞌJambere thõõth cĩ Mũũꞌtha, abũrĩ eeta cieeg thõõth ꞌcĩ ĩĩn dĩdĩ, ĩĩn nẽẽg eet ꞌcĩg ẽꞌngẽjĩ ooti nẽ hõllõngaa ĩĩn lemiiniti cĩnĩĩng dĩdĩ.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.