Luugithõõ 7:11 - ꞌBuuk cĩ Thõõth cĩ Nyekuci

¹¹ Ma ho, ũtũvvũ habuui cĩ Ijjibi eet cĩg Ijjibi, ꞌcĩg ĩĩn ꞌgeeꞌnyiak hĩ ngarĩt hĩ eet ꞌcĩg aꞌnyak ẽgẽrnẽẽn, hiita hĩdĩmanit thooꞌthiok ꞌcĩg aduhõõ hĩ thõõth ꞌcĩ adĩman Arõõnẽ ho, ꞌtirriaanaa cĩnĩĩng ĩcĩ ammiꞌthi.

Luugithõõ 7:11 Iomraidhean Croise

ꞌThianaattõ 41:8

Ma loohoth cĩnnĩ, ĩĩ habu ꞌthĩnĩt cadũũng cadũũng, nĩngĩtĩ ĩꞌthõõĩ dticcianniook cĩgĩnnĩg hõõt huluttia ngarĩt hĩ ꞌgeeꞌnyiak vẽlẽk cĩg looc cĩ Ijjibi, hiita õlõõ cĩnnĩ. Ma nĩngaata, ẽdtẽbanaak habuui ĩhõõggõ honoothi cĩnnĩ ho. Ammũdeek hinnia hiꞌthihi eet umwa ꞌcĩ occa ẽbẽanaak ĩnõõnnõ thõõth cĩ honoothi cĩnnĩ ho ũdũt.

Luugithõõ 7:12

Baa adhuheek nẽẽg hõdẽĩ hõdẽĩ hĩbahĩꞌnya cĩggĩĩng looc, nĩngĩtĩ ũũkcẽnĩ ĩĩnnĩ hũkaaꞌnya. Nẽẽthĩ, baa hinnia aku hĩbahĩtĩ cĩ Arõõnẽ hĩbahĩꞌnya cĩggĩĩng ko vẽlẽk.

Luugithõõ 7:22

Nẽẽthĩ hinnianĩ, baa adtican ngarĩta buúk, thooꞌthiok ꞌcĩg aduhõõ hĩ ꞌcĩg adtican Arõõnẽ ho thõng, ꞌgõõlaa cĩnĩĩng ĩcĩ ammiꞌthi, nĩngĩtĩ aku õkõmmĩ habu cĩ Ijjibi õõ hiittiõõ hõllõngaa athĩhĩ thõõth cĩ Mũũꞌtha hĩ cĩ Arõõnẽ, hĩ baa aduha Makayyioohiti.

Luugithõõ 8:18

Ma baa ma aĩ hĩttĩmatta ngarĩta ngaatĩ occa aꞌnyahaanĩ nẽẽg buúk wĩĩny ꞌgõõlaa cĩnĩĩng ẽmmẽn ko, aꞌnyaman hinnia ĩhõõggõ thõng. Nĩngĩtĩ ammũlũũnyanĩ wĩĩnya eet hĩ idiꞌngwa vẽlẽk.

Luugithõõ 8:3

Abbĩꞌthĩĩ hatĩ lõkĩdõdõõknya hidioo cĩ Naaĩlĩ. Aduknaaki hatĩ lõkĩdõdõõknya halaangatõõ hĩ ꞌcieethaa cunni, ĩꞌngõthaak hatĩ nĩngĩtĩ oongiyyii nẽ uduhunit ꞌcieethi cĩg makayyiook cugunnig hĩ cĩg eet cugunnig, aduhun hatĩ hithinga hĩ nĩngĩtĩ ũũnyẽnĩ hẽddẽmĩ vẽlẽk.

Luugithõõ 8:7

Au hinnia adĩman ngarĩta buúk, hẽlẽggĩ ꞌcĩg aduhõõ ꞌgõõlaa cĩnĩĩng ẽmmẽn, aaꞌnyĩk nẽẽg buúk lõkĩdõdõõknya hĩbbĩtĩt looc cĩ Ijjibi.

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

ꞌGalaaꞌthia 3:1

Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk.

Eevvetho 4:14

Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.

2 Tẽꞌthaloonika 2:9

Ma ikia ẽẽtĩ ꞌcĩ abũrĩ thõõth cĩ Nyekuci ho, aku hatĩ adtican dtiic cĩ ꞌThĩttaanõ nẽ ĩdĩman thooꞌthiok ꞌcĩg ĩnaat eeta hĩ terethiinit ꞌcĩ ĩĩn õlõng.

2 Timotteeo 3:8

Hĩ baa ẽppẽhan eeta baag haĩ hĩ ꞌJaannẽthĩ hĩ ꞌJambere thõõth cĩ Mũũꞌtha, abũrĩ eeta cieeg thõõth ꞌcĩ ĩĩn dĩdĩ, ĩĩn nẽẽg eet ꞌcĩg ẽꞌngẽjĩ ooti nẽ hõllõngaa ĩĩn lemiiniti cĩnĩĩng dĩdĩ.

2 Timotteeo 3:9

Aitiõõ hatĩ nẽẽg hõllõngaa õõ nĩngĩmwa, hĩnĩngĩtĩ aga hatĩ eeta ngaatĩ ĩĩnnĩ thõõth cĩnĩĩng ko vẽlẽk ꞌgiithẽnĩt, haau hĩ baa ammuddiaa ꞌJaannẽthĩ hĩ ꞌJambere.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.