Luugithõõ 7:10 - ꞌBuuk cĩ Thõõth cĩ Nyekuci

¹⁰ Nĩngĩtĩ õõ ammũdõõthĩkĩ Mũũꞌtha hĩ Arõõnẽ habu cĩ Ijjibi nẽ idticatteek thooꞌthiok baag aduhaak Makayyioohiti ĩhõõggõ hĩdĩmanit. Ma nĩngaata, udhuheek Arõõnẽ hĩbahĩt cĩnnĩ loota muumaa cĩ habu cĩ Ijjibi hĩ makayyiook cĩgĩnnĩg, nĩngĩtĩ ũũkcẽnĩ hĩbahĩtĩ hĩĩ hũkaat.

Luugithõõ 7:10 Iomraidhean Croise

Luugithõõ 12:28

Ma ho, iita ĩdĩmanit eeta cĩg Ĩꞌthĩraẽlĩ hĩ baa aduhaak Makayyioohiti Mũũꞌtha hĩ Arõõnẽ.

Luugithõõ 4:3

Ma ho, ĩĩ Makayyioohiti, “Dhuheek da loota.” Udhuheek Mũũꞌtha hĩbahĩt nicci loota, ma nĩngaata, ũũkĩ hinnia hĩbahĩtĩ nicciee hĩĩ hũkaat. Ma ho, avvireek hinnia Mũũꞌtha hũkaat nicci thõng.

Luugithõõ 7:15

Mũdoothĩk habu cĩ Ijjibi ngaalloohoth, hĩcĩ õkõ nẽẽ ĩĩcĩ hidiowwo. ꞌRẽẽõ dẽmẽtaa cĩ Naaĩlĩ, hátĩ ommottio hĩ ĩnõõnnõ, ꞌnyaak hĩbahĩt baa ũũkcĩ hĩĩ hũkaat buúk.

Luugithõõ 7:20

Nĩngĩtĩ adĩmanĩ Mũũꞌtha hĩ Arõõnẽ hĩ baa aduhaak Makayyioohiti ĩhõõggõ. Ma nĩngaata, õdõng Arõõnẽ hĩbahĩt cĩnnĩ muumaa cĩ habu cĩ Ijjibi hĩ makayyiook cĩgĩnnĩg nẽ uuk maam cĩg Naaĩlaak, nĩngĩtĩ ũũkcẽnĩ maama vẽlẽk hĩĩtõ biyyi.

Luugithõõ 7:6

Nĩngĩtĩ adĩmanĩ Mũũꞌtha hĩ Arõõnẽ hĩ baa aduhaak Makayyioohiti ĩhõõggõ.

Luugithõõ 7:9

“Ma anneekuung habuui cĩ Ijjibi, ‘Idticatteehaangu da thõõth ꞌcĩ ĩnaatti,’ duhaak Arõõnẽ anneek, ‘Dhuheek hĩbahĩt cunni looc muumaa cĩ habu cĩ Ijjibi,’ nẽ aku hatĩ ũũkcĩ hĩbahĩtĩ hĩĩ hũkaat.”

Maarko 16:18

Aggam hatĩ nuyyiooha cieeg hũkaaꞌnya athĩnĩĩ cĩggĩĩng nẽ aitõõ hatĩ hũkaaꞌnya hõllõngaa occa adak ĩhõõggõ. Nẽ ma adak nuyyiooha ꞌgẽẽn ꞌcĩ aarĩk eeta ẽgẽrnẽẽn ꞌcĩg occa aruk nuyyiook, aitiõõ hatĩ hõllõngaa adaahĩ ũdũt. Nẽ ataadĩk hatĩ nẽẽg athĩn cĩggĩĩng eetinii ꞌcĩg õmmõõrĩ nẽ hatĩ ũbũttaathõ eeta tĩko.”

ꞌLuuka 10:19

Haaꞌnyuung naa ngagiit ꞌtirriani ꞌcĩ õõ õrõrrõõcannu hũkaaꞌnya hĩ nyadokorrooꞌnya ẽlẽk, hĩ ꞌtirrian ꞌcĩ ĩllõõannu mĩrõk nẽ aitiõõ ꞌthẽk hatĩ ꞌgii ꞌcĩ adakuung tõõ.