Luugithõõ 6:2 - ꞌBuuk cĩ Thõõth cĩ Nyekuci

² Nẽ tarĩ ĩĩnnĩk Nyekuci Mũũꞌtha, “Ẽlẽ, hĩĩnĩ naa Makayyioohit.

Luugithõõ 6:2 Iomraidhean Croise

ꞌThianaattõ 15:7

Ma nĩngaata, uduhaak Makayyioohiti Abũraamõ ĩĩnnĩk, “Hĩĩnĩ naa Makayyioohit baa haꞌnyahaannii nganiit ꞌtaaũnaa cĩ Uri looccaa cĩ Kaldea hikia haaꞌnyii looc icci ho.”

Luugithõõ 12:12

“Baalin niccia noho, hõvvõ hatĩ naa Ijjiba nẽ huruha lõhõlĩ ꞌcĩg maacĩg ꞌcĩg arrittiaa ĩĩcĩ oou, hĩ idiꞌngwa ꞌcĩg arrittiaa ĩĩcĩ oou vẽlẽk nẽ hatĩ huuka hẽlẽggĩ ꞌcĩg aar eeta hĩĩ nyekuꞌnya Ijjiba vẽlẽk. Hĩĩnĩ naa Makayyioohit.

Luugithõõ 14:18

Au hatĩ aga eeta cĩg Ijjibi vẽlẽk ngaatĩ hĩĩnnĩ naa Makayyioohit, hatĩ edeeꞌnyia bulẽẽnĩtĩ caannĩ hĩ habu, acĩn hatĩ eeta cĩg Ijjibi vẽlẽk bulẽẽnĩt caannĩ nẽ agaacõ ĩĩtõ, hĩĩnĩ naa Makayyioohit dĩdĩ!”

Luugithõõ 15:3

Ĩĩn Makayyioohiti toromeec; haĩ ꞌthaar cĩgĩnnĩg Makayyioohit.

Luugithõõ 17:1

Baa ikia ũtũngeek lothippiti cĩ eet cĩg Ĩꞌthĩraẽlĩ horu ꞌcĩ ꞌThĩnĩ nẽ õtõõcõ lõkõrẽẽt vẽlẽk hĩ baa aduha Makayyioohiti. Baa ẽttẽẽd nẽẽg tuggẽẽt cĩggĩĩng ngaatĩ haĩ ꞌRevidim, nẽẽthĩ hinnia, baa hiꞌthihi maam ꞌcĩg occa ahũd eeta.

Luugithõõ 20:2

“Hĩĩnĩ naa Makayyioohit Nyekuc cunuung, baa haluugannuung Ijjiba looccaa ĩbaa iiginnu appahacaaꞌnya.

Luugithõõ 3:14

Anneek Nyekuci Mũũꞌtha, “NGANĨĨT ꞌCĨ HĨĨNĨ NGANĨĨTA. Thõõth ꞌcĩ hatĩ õkõ aduhaahi nii eet cĩg Ĩꞌthĩraẽlĩ ho cieeni, ‘NGANĨĨT ꞌcĩ ĩꞌthõõannaa nganĩĩt hikia hĩ ngagiit ko.’ ”

Luugithõõ 3:15

Baa aduhaak Nyekuci Mũũꞌtha anneek, “Duhaak eet cĩg Ĩꞌthĩraẽlĩ anneek, ‘Ĩꞌthõõannaa Makayyioohiti Nyekuci cĩ maajihu cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo, hikia hĩ ngagiita. Haĩ ꞌthaar cĩgannĩg, Makayyioohit, ꞌthaar cĩgannĩg cieeg ooo. ꞌThaar ꞌcĩg hatĩ ammuhaanna nganĩĩt eeta hĩ lõhõlĩ cĩg lõhõlĩ ꞌcĩg nga au horumwa.’

Luugithõõ 6:29

ikia ĩĩnnĩk ĩnõõnnõ, “Hĩĩnĩ naa Makayyioohit. Duhaak habu cĩ Ijjibi thõõth vẽlẽk ꞌcĩ haduhaakii naa nganiita.”

Luugithõõ 6:6

“Nẽẽthĩ hoti ho, duhaak eet cĩg Ĩꞌthĩraẽlĩ anneek, ‘Hĩĩnĩ naa Makayyioohit nẽ hõõgannuung hatĩ naa ngagiit pĩĩrnattaa ꞌcĩ accanannuung eeta cĩg Ijjibi ho. Hõõgannuung hatĩ naa ngagiit ngaatĩ iiginnu appahacaaꞌnya cĩggĩĩng nẽ hẽẽlauung ꞌtirriaanaa caannĩ ĩcobbi ĩcĩ huuki eet cĩg Ijjibi.

Luugithõõ 6:8

Haꞌnyahaannuung hatĩ naa ngagiit looccaa baa habũtaneehi Abũrahaamõ hĩ Iꞌthaako hĩ Yakobo, nẽ haaꞌnyuung hĩĩ looc cunuung. Hĩĩnĩ naa Makayyioohit.’ ”