Luugithõõ 5:1 - ꞌBuuk cĩ Thõõth cĩ Nyekuci

¹ Ma baa uruta, iita õõt ummuddioothĩk Mũũꞌtha hĩ Arõõnẽ habu cĩ Ijjibi nẽ ĩĩttĩk, “Thõõth ꞌcĩ aduha Makayyioohiti Nyekuci cĩ Ĩꞌthĩraẽlĩ cieeni, ‘Aꞌnyĩĩk eet cĩgannĩg hõõt hadahit karrama ꞌcĩ adĩhĩꞌtha nganĩĩt horrwaa ꞌcĩ õdõhõhĩĩ kak.’ ”

Luugithõõ 5:1 Iomraidhean Croise

Luugithõõ 10:3

Nĩngĩtĩ õõ ammũdõõthĩkĩ Mũũꞌtha hĩ Arõõnẽ habu cĩ Ijjibi nẽ ĩĩttĩk, “Thõõth ꞌcĩ aduha Makayyioohiti Nyekuci cĩ Ebereei cieeni, ‘Aburi hatĩ nii ngaatĩ athĩkna nganĩĩt ĩꞌthõng ningina? Lahaneeka eet cĩgannĩg hõõt halayyia nganĩĩta.

Luugithõõ 10:4

Má aburi ngaatĩ alahanẽẽekĩ ĩhõõggõ hõõt, hĩꞌthõõahi hatĩ looc cunni ꞌgirooc lohotha.

Luugithõõ 10:9

Ẽdẽcĩ Mũũꞌtha anneek, “Hooyyia ꞌthẽk naag vẽlẽk hĩ nyakangaaꞌnya hĩ morwak lõhõlẽẽnĩĩ cĩggaang noho nẽ hiꞌngiddia hẽlẽggĩ cĩggaang vẽlẽk, hĩnĩngĩtĩ haĩ ꞌthẽk hoottia hadakta karrama cĩ Makayyiookto.”

Luugithõõ 3:18

“Athikni hatĩ makayyiooha cĩg Ĩꞌthĩraẽlĩ nganiita. Nẽ niina, õõt ookorit hĩ ĩhõõggõ, õõt hĩ habu cĩ Ijjibi nẽ iittihu ĩnõõnnõ, ‘Baa hommottiooa naag hĩ Makayyioohit Nyekuc cĩ Ebereei. Aaꞌnyeet waathinniook iyyio ꞌcĩg hõõ hĩbboorĩka ĩnõõnnõ ꞌgaarriẽẽn horrwaa ꞌcĩ õdõhõhĩĩ kak.’

Luugithõõ 4:23

nẽ baa huduhaahii naa nganiit hiinnihii, “Aꞌnyĩĩk loholeec caannĩ hũũk, hátĩ hũũk halawa nganĩĩta.” Nẽẽthĩ, ẽdẽnẽẽkĩ hinnia ngaatĩ õkõõĩ, nẽẽthĩ hoti ho, haruhi hatĩ naa ngeeruni ꞌcĩ oou hadaak.’ ”

Luugithõõ 6:11

“Bĩĩt duhaak habu cĩ Ijjibi anneek lahaneek eet cĩg Ĩꞌthĩraẽlĩ huluugito Ijjiba.”

Luugithõõ 6:27

Nẽ baa ĩhõõggõ Arõõnẽ hĩ Mũũꞌtha dioo noho, ꞌcĩg aduhaak habu cĩ Ijjibi, halahaneek eet cĩg Ĩꞌthĩraẽlĩ huluugito looccaa cĩ Ijjibi.

Luugithõõ 7:16

Nẽ ĩĩnnĩhuu ĩnõõnnõ, ‘Ĩꞌthõõannaa nganĩĩt Makayyioohiti Nyekuci cĩ Ebereei, hikia hiinnihii nganiit, lahaneek eet cĩgannĩg hõõt, hátĩ hõõt halayyia nganĩĩt horrwaa ꞌcĩ õdõhõhĩĩ kak. Nẽẽthĩ hĩĩ noho, nga aburi nii thõõth caannĩ.

Luugithõõ 7:2

Duhaak Arõõnẽ thõõth vẽlẽk ꞌcĩ haduhaakii naana nẽ aꞌnyĩĩk ĩnõõnnõ huduhaak habu cĩ Ijjibi halahaneek eet cĩg Ĩꞌthĩraẽlĩ, huluugito looccaa cĩnnĩ.

Luugithõõ 8:1

Ma ho, ĩĩnnĩk Makayyioohiti Mũũꞌtha, “Bĩĩt duhaak habu cĩ Ijjibi anneek, ‘Thõõth ꞌcĩ aduha Makayyioohiti cieeni. Lahaneek eet cĩgannĩg, hátĩ hõõt halayyia nganĩĩta.

Luugithõõ 8:16

Ma ho, ĩĩnnĩk Makayyioohiti Mũũꞌtha, “Duhaak Arõõnẽ anneek, ‘Dõõng hĩbahĩt cunni nẽ uuku looc,’ hikia hũtũhũĩ tuduhaacĩ hĩĩ wĩĩny looccaa cĩ Ijjibi hũtũrũũr.”

Luugithõõ 8:17

Nĩngĩtĩ adĩmanĩ nẽẽg noho, ma baa õdõng Arõõnẽ aꞌthiit cĩnnĩ nẽ uuk looc hĩbahĩta ho, itigirriaak wĩĩnya eet hĩ idiꞌngwa vẽlẽk. Ikia ũtũhũĩ tuduhaacĩ Ijjib hũtũrũũr ĩĩ wĩĩny.

Luugithõõ 8:20

Ma ho, ĩĩnnĩk Makayyioohiti Mũũꞌtha, “Lõõk da lohotha ngerrenita, õõt ommottio hĩ habu cĩ Ijjibi ꞌgõõlaa ꞌcĩ õkõõĩ hidiaa nẽ uduhaahu ĩnõõnnõ ĩĩnnĩhuu, ‘Thõõth ꞌcĩ aduha Makayyioohiti ciee aĩ, lahaneek eet cĩgannĩg hõõt halayyia nganĩĩta.

Luugithõõ 8:27

Adiim ꞌthẽk hooyyia naag waathinniook iyyio horrwaa ꞌcĩ õdõhõhĩĩ kak, hoottia hibboorriha ꞌgaarriẽẽn Makayyioohit Nyekuc cĩnaang, hĩ baa ꞌthẽk aduhakeet nẽẽnĩ.”

Luugithõõ 9:1

Ma ho, uduhaak Makayyioohiti Mũũꞌtha ĩĩnnĩk, “Mũdoothĩk habu cĩ Ijjibi bĩĩt duhaak anneek, ‘Thõõth ꞌcĩ aduha Makayyioohiti Nyekuci cĩ Ebereei cieeni, “Aꞌnyĩĩk eet cĩgannĩg hõõt halayyia nganĩĩta.”

Luugithõõ 9:2

Má ẽdẽnẽẽkĩ ĩhõõggõ ꞌgõõl nẽ aggameehu looc noho,

Maatteeo 10:18

Aꞌnyakiaannu hatĩ lokihooa hĩ ꞌgaala ꞌcĩg obbitig hĩ habuẽẽta, hĩnĩngĩtĩ iiginnu nuyyiook cĩgannĩg. Ĩĩn hatĩ ciee kõr ꞌcĩ aduhaaku makayyiook hĩ eet ꞌcĩg hõllõngaa ĩĩn ꞌJudeei nyeemuut caannĩ.

Maatteeo 10:28

Ma hiꞌngolinnu eet ꞌcĩg aruk ẽlẽ diooni nẽ hõllõngaa occa aruk lori buúk. Itingolli Nyekuc diooni ꞌcĩ occa aruk ẽlẽ hĩ lori cunuung ꞌgwoyyiaa ꞌcĩ aalla ũdũt.

Dtiicanĩ cĩg ꞌThooyyiahu 4:29

Makayyioohit, cĩĩn thõõth ꞌcĩ adĩmanneet ngagĩĩt eeta ꞌbuth ko. Hĩĩgĩnna naag dticcianniook cugunnig. ꞌBaaneet ngagĩĩt ꞌtirrian hĩrrĩcattaawa nyeemuut cunni.

1 Korinthia 5:8

Nẽẽthĩ hoti ho, huꞌthuutti karrama, hõllõngaa abũũlanĩĩ ꞌcĩg ũnũũhĩtõ ĩcĩg thõõth ꞌcĩ abathĩ, hode ĩcĩ ꞌthẽccaanõ, adahit karrama ũbũnẽẽtĩĩ ꞌcĩg aitiõõ abũũlana tõõ, ũbũnẽẽt cĩg thõõth ꞌcĩ ĩĩn dĩdĩ.