Luugithõõ 4:5 - ꞌBuuk cĩ Thõõth cĩ Nyekuci

⁵ Ma nĩngaata, ĩĩ Makayyioohiti, “Dĩman terethiinit icci, hátĩ helemti eeta nganiit hĩĩtõ, ĩko baa uppwaannahii nganiit Makayyioohiti Nyekuci cĩ maajihi cĩggĩĩng dĩdĩ, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.”

Luugithõõ 4:5 Iomraidhean Croise

ꞌThianaattõ 12:7

Ma nĩngaata, uppwaannak Makayyioohiti Nyekuci Abũraamõ tarĩ nẽ ĩĩnnĩk ĩnõõnnõ, “Ĩĩn lõõcĩ ciee looc ꞌcĩ hatĩ haaꞌnyihi naa ngeeruni.” Ma nĩngaata, etehenyeek Abũraamõ Makayyioohit ꞌcĩ uppwaannak ĩnõõnnõ ho, nĩngĩtĩ ĩbbõõrĩkĩ Nyekuc ꞌgaarrieenit.

ꞌThianaattõ 17:1

Ma baa õdõlanit Abũraamõ irkiꞌnyia ĩĩtõ hẽẽn tũrkũwwec hĩ tũrkũwwec (99), ikia uppwaannak Makayyioohiti ĩnõõnnõ nẽ ĩĩnnĩk, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. Má athihi thõõth caannĩ hõdõõkõthĩ, dĩman thõõth ꞌcĩ aũlanĩ.

ꞌThianaattõ 18:1

Baa uppwaannak Makayyioohiti Nyekuci Abũrahaamõ õlõõ cĩnnĩ hẽẽnĩĩ cĩg eet ꞌcĩ haĩ Mamre baa aaĩ kõrra lokora. Baa iccioloongan Abũrahamĩ ngaatĩ õbõhõõ hĩ hattũũg cĩ ꞌcieethu, hĩnĩngĩtĩ baa ammũdeek aaburii kõrra kõr tĩho gẽrrẽẽt.

ꞌThianaattõ 26:2

Ma ho, uppwaannak Makayyioohiti Nyekuci Iꞌthaako nẽẽ ĩĩnnĩk, “Ma hõkõ Ijjiba, au looccaa ꞌcĩ hanneekii naa avvi ho.

ꞌThianaattõ 28:13

Baa abĩllaa Makayyioohiti hẽẽtahujjieen nẽ õthõõthak ĩnõõnnõ ĩĩnnĩk, “Nganĩĩt Makayyioohit Nyekuc cĩ maaconu Abũrahaamõ hĩcĩ Iꞌthaako. Haaꞌnyii hatĩ naa nganiit hĩ lõhõlĩ cugunnig, looc ꞌcĩ ꞌyioko oongiyyii nii ho.

ꞌThianaattõ 48:15

Nĩngĩtĩ aggatanĩ nẽẽ Yothebo annẽẽkĩ, “Aꞌnyĩĩk Nyekuc baa adticanoothĩk Abũrahamĩ hĩ Iꞌthaako, nẽ ĩĩ tũhayyioohit caannĩ rũgẽtaa caannĩ vẽlẽk,

ꞌThianaattõ 48:3

Ma nĩngaata, uduhaak Yakobo Yothebo ĩĩnnĩk, “Yothebo, baa uppwannakaa nganĩĩt Nyekuci ꞌTirriannioohiti ꞌcĩ ĩllõõan vẽlẽk ꞌLuutha looccaa cĩ Kanaanĩ, nĩngĩtĩ aggatanna

Luugithõõ 19:9

Ma ho, uduhaak Makayyioohiti Mũũꞌtha tarĩ ĩĩnnĩk, “Hõkõ hatĩ hakuu naa hĩ nganiit loduruatõõ cobbi gẽrrẽẽt, hátĩ hĩthĩhĩt eeta ngaatĩ hõthõõthõnĩ naag hĩ nganiit nẽ hatĩ gõõng aarrik nẽẽg lemiinit cĩnĩĩng hĩ nganiita.” Nĩngĩtĩ aduhaakĩ Mũũꞌtha Makayyioohit thõõth ꞌcĩ baa aduha eeta.

Luugithõõ 3:15

Baa aduhaak Nyekuci Mũũꞌtha anneek, “Duhaak eet cĩg Ĩꞌthĩraẽlĩ anneek, ‘Ĩꞌthõõannaa Makayyioohiti Nyekuci cĩ maajihu cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo, hikia hĩ ngagiita. Haĩ ꞌthaar cĩgannĩg, Makayyioohit, ꞌthaar cĩgannĩg cieeg ooo. ꞌThaar ꞌcĩg hatĩ ammuhaanna nganĩĩt eeta hĩ lõhõlĩ cĩg lõhõlĩ ꞌcĩg nga au horumwa.’

Luugithõõ 3:16

“Bĩĩt lũũt makayyiook cĩg eet cĩg Ĩꞌthĩraẽlĩ nẽ ĩĩnnĩhuu ĩhõõggõ, ‘Baa uppwaannakaa nganĩĩt Makayyioohiti Nyekuci cĩ nyakangaaꞌnya cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo nẽ ĩĩnnĩhaa, hĩcĩnaauung naa ngagiit nẽ hudtuuha ꞌgii ꞌcĩ adĩmanoothĩkuung Ijjiba.

Luugithõõ 3:18

“Athikni hatĩ makayyiooha cĩg Ĩꞌthĩraẽlĩ nganiita. Nẽ niina, õõt ookorit hĩ ĩhõõggõ, õõt hĩ habu cĩ Ijjibi nẽ iittihu ĩnõõnnõ, ‘Baa hommottiooa naag hĩ Makayyioohit Nyekuc cĩ Ebereei. Aaꞌnyeet waathinniook iyyio ꞌcĩg hõõ hĩbboorĩka ĩnõõnnõ ꞌgaarriẽẽn horrwaa ꞌcĩ õdõhõhĩĩ kak.’

Luugithõõ 3:4

Ma baa acĩn Makayyioohiti Nyekuci ngaatĩ õkõ acĩnĩ Mũũꞌtha tumuth ko, õthõõthak ĩnõõnnõ tumuthatõõ ꞌcĩ atũũthĩ ho ĩĩnnĩk, “Mũũꞌtha! Mũũꞌtha!” Nĩngĩtĩ ẽdẽcĩ Mũũꞌtha Nyekuc annẽẽkĩ, “Nganĩĩt cieeni!”

Luugithõõ 3:6

Nĩngĩtĩ aĩnnĩ Nyekuci, “Hĩĩnĩ naa Nyekuc cĩ maaconu, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.” Ma ngaati, ũmmũt Mũũꞌtha muum cĩnnĩ, hĩnĩngĩtĩ baa iꞌngolli nẽẽ ngaatĩ acĩnĩ Nyekuc.

Luugithõõ 4:1

Baa ẽdẽcĩ Mũũꞌtha Nyekuc anneek, “Ma hatĩ ma hõllõngaa ẽlẽmma eeta cĩg Ĩꞌthĩraẽlĩ nganĩĩt hode hõllõngaa athĩkna nẽẽg nganĩĩt nẽ ĩĩttĩhaa, ‘Baa nga huppwaannahii Makayyioohiti nganiita’?”

Luugithõõ 4:31

nĩngĩtĩ au elemiini eeta. Ma baa athĩhĩ nẽẽg ngaatĩ ammuhi Makayyioohiti ĩhõõggõ nẽ ĩcĩn pĩĩrnanĩt cĩnĩĩng ko, iita akatit huruꞌnyia nẽ alayyio.

Luugithõõ 4:4

Baa nẽẽ ĩĩnnĩk Makayyioohiti ĩnõõnnõ, “Urana hũkaat nicci ĩĩcĩ huulo.” Nĩngĩtĩ auranaanĩ Mũũꞌtha hũkaat nicci nẽ ũtũhũĩ ĩĩ hĩbahĩt tarĩ attiaa cĩnnĩ.

Yõaannẽ 11:15

Nẽ hĩnĩngĩtĩ ngagiita, hatali naa ngaatĩ haitõõnnĩ ĩĩca tõõ, hátĩ iita aꞌnyahit niig lemiinit. Nẽẽthĩ ꞌyioko, hõõt hĩcĩnĩt ĩnõõnnõ.”

Yõaannẽ 11:42

Haga naa gõõng athĩknaa nii nganĩĩt hõdõõkõthĩ, nẽẽthĩ, haduha thõõth icci, hĩnĩngĩtĩ eet ꞌcĩg harũmeenna ngaati ho, hátĩ helemit nẽẽg ngaatĩ ĩꞌthõõanna nii nganĩĩta.”

Yõaannẽ 20:27

Ma nĩngaata, ĩĩnnĩk nẽẽ Tomaaꞌthio, “Arĩĩk aꞌthiit cunni ngaati nẽ icinu athĩn cĩgannĩg. Arĩĩk aꞌthiit cunni ngatubeettaa caannĩ. Ma nga hĩccaadi tarĩ, lẽmõ!”

Yõaannẽ 20:31

Nẽẽthĩ, baa eheeddi thooꞌthioha cieeg, hátĩ elemit niig ngaatĩ ĩĩnnĩ Yeesu Krĩstõ Ngeertĩ Nyekuci. Nẽ má elemtu, aꞌnyaku hatĩ rũgẽt ꞌcĩ aalla ũdũt ꞌthaarĩĩ cĩgĩnnĩg.

Yõaannẽ 5:36

“Haꞌnyahi naa thooꞌthiok ũgĩ ꞌcĩg aaddi ĩllõõan baag Yõaannẽ. Nẽ dtiici baa aaꞌnya nganĩĩt Baaba hẽdẽcaak hĩcĩ hadĩmani ꞌyioko ho, ẽtẽrꞌtha aĩ, ĩꞌthõõannaa nẽẽ nganĩĩta.

Dtiicanĩ cĩg ꞌThooyyiahu 7:2

Ma ho, ẽdẽc Tẽẽvẽnõ ĩĩnnĩk, “ꞌGotoonoga hĩ nyakangaaꞌnya, ĩthĩktaangu! Baa uppwaannak Nyekuci cĩnaac cĩ bulẽẽttõ baangeet cĩnaac Abũrahaamõ, baa nga aaĩ nẽẽ looccaa cĩ Methopotamia baa nga huluug hũũk ꞌtaaũnaa cĩ Haraanĩ.

Ebereei 11:16

Nẽẽthĩ, baa adiim nẽẽg looc ꞌcĩ abũnnaa ꞌcĩ aaĩ hĩĩ hẽẽtkujjieen. Ĩnõõ ꞌcĩ hõllõngaa aꞌngaaõnĩ Nyekuci hatĩ avvĩ nẽẽg ĩnõõnnõ annẽẽkĩ Nyekuc cĩnĩĩng, hĩnĩngĩtĩ baa etehenyeek Nyekuci ĩhõõggõ ꞌtaaũn cobbi.