Luugithõõ 4:18 - ꞌBuuk cĩ Thõõth cĩ Nyekuci

¹⁸ Ma ho, ikia õbõdõõthĩ Mũũꞌtha hĩ homoneec cĩnnĩ ꞌJeꞌthoro nẽ ĩĩnnĩk, “Ĩꞌnya da nõõ hũũk hĩcĩn eet cĩgannĩg Ijjiba, hatĩ nga aattĩg ꞌcĩg arũgĩ.” Ẽdẽcĩ ꞌJeꞌthoro ĩnõõnnõ anneek, “Bĩtõ, bĩĩt lõꞌngõõc.”

Luugithõõ 4:18 Iomraidhean Croise

ꞌThianaattõ 45:3

Ma ꞌthẽk nĩngaata, uppulanaak Yothebo ꞌgõtõõnõgĩ ẽlẽ ĩĩ, “Hõlõ, nganĩĩt Yothebo cieeni! Nga ꞌthẽk arũgĩ nganĩĩt nyakangaan dĩdĩ?” Adhiriaaꞌngi hinnia ꞌgotoonoggia niccieeg noho, hĩnĩngĩtĩ baa aggam ĩhõõggõ barriti cobbi gẽrrẽẽt.

Luugithõõ 2:21

Ma ho, ẽlẽm Mũũꞌtha ngaatĩ arũmẽẽnĩ hĩ ꞌReuel, nĩngĩtĩ attihaanĩ ꞌReuelĩ bũhaanyĩnĩ ꞌcĩ haĩ ꞌThippõra nẽ aaꞌnyĩk Mũũꞌtha hũꞌthũwan.

Luugithõõ 3:1

Ma kõr umwa, baa ũũha Mũũꞌtha ẽẽtha hĩ aꞌtha cĩg homoneec cĩnnĩ ꞌJeꞌthoro, paadĩr cĩ Midianĩ. Baa aꞌngĩd nẽẽ hẽlẽggĩ õkõõĩ ꞌrẽẽna horrwaa ꞌcĩ õdõhõhĩĩ kak, ĩꞌthõng hikia hõdõlan Horeb muur cĩ Nyekuci.

ꞌLuuka 7:50

Nẽ uduhaak Yeesu ngaa nicci ĩĩnnĩk, “Ẽẽlaii nganiit lemiiniti cunnẽẽnĩ. Bĩĩt lõꞌngõõc.”

Dtiicanĩ cĩg ꞌThooyyiahu 15:36

Ma urutaa cĩ waathinniook ũgĩ hĩdĩĩc, ĩĩnnĩk Paaulo Baarnaba, “Hoboddiooth daho nõõ hõõt hĩcĩnĩt nuyyiook ꞌtaaũnnioohĩ vẽlẽk ĩĩ baag hallimani thõõth cĩ Makayyiookto. Hõõt da hĩcĩnĩt adĩman occa nẽẽg hutuno.”

Dtiicanĩ cĩg ꞌThooyyiahu 16:36

Nĩngĩtĩ aduhaakĩ ꞌgaalacĩ Paaulo annẽẽkĩ, “Uduktaaha nganĩĩt makayyiooha hõgauung ngagiita. Nẽẽthĩ ꞌyioko, õõt nuun lõꞌngõõc.”

1 Timotteeo 6:1

Má aaĩ appahaca ꞌcĩ ĩĩn lemmioohit cĩ Nyekuci, occa itieelli nẽẽ makayyioohit cĩnnĩ gẽrrẽẽt ũdũt, hátĩ hiittiõõ hõllõngaa aaꞌnyĩk ꞌthaar cĩg Nyekuci hĩ ꞌlimman cĩnnĩ ngaaoni.