Luugithõõ 4:13 - ꞌBuuk cĩ Thõõth cĩ Nyekuci

¹³ Ẽdẽcĩ hinnia Mũũꞌtha ĩnõõnnõ anneek, “Makayyioohit, ꞌthõõ baaĩ nuun eet umwa ꞌcĩ ꞌrĩĩng hũũk hidtican thõõth icci.”

Luugithõõ 4:13 Iomraidhean Croise

ꞌThianaattõ 24:7

Baa Makayyioohit Nyekuc cĩ hẽẽtkujjieen ꞌcĩ aaꞌnya nganĩĩt hũtũngeek looc cĩ baaba hĩ ittioonniok cĩgannĩg ko. Ĩꞌthõõakii hatĩ nẽẽ aajĩlõ cĩnnĩ hikia heteretheehi ngaa cĩ loholeec caannĩ ĩĩca. Hĩnĩngĩtĩ baa abũtaneeka nẽẽ aĩ, ‘Haaꞌnyihi hatĩ looc icci lõhõlĩ cugunnig.’

ꞌThianaattõ 41:35

Nẽ aꞌnyĩĩk ꞌthẽk makayyiook tĩko makaaꞌthĩt cĩ habuuo ꞌcĩ alũtaanĩ haal irkiꞌnyiaannĩĩ ꞌcĩg nga abbiirri lõõcĩ ho nẽ athaddieek ĩragẽẽt ꞌtaaũnnioohĩ.

ꞌThianaattõ 48:16

hĩ Aajĩlõ baa ẽẽlannaa nganĩĩt thooꞌthiohĩ ĩĩcĩg abathĩ vẽlẽk, haggatan buul iccig. Aꞌnyĩĩk ꞌthaar cĩgannĩg hĩ cĩg hĩbaangĩ cĩgannĩg Abũrahaamõ hĩ Iꞌthaako haallattia hĩ ĩhõõggõ. Aꞌnyĩĩk Nyekuc hĩbbaan ĩhõõggõ lõhõlĩ ꞌcĩg mẽẽlĩg loota nĩnga.”

Luugithõõ 23:20

“Ĩcĩnĩt, hĩꞌthõõakuung naa aajĩlõ hutuaneekuung ngagiit nẽ hũꞌthũũttuung ngagiit ꞌgõõla, hátĩ haꞌnyahaauung looccaa ĩbaa hakũmaneekuung naa ngagiita.

Luugithõõ 4:1

Baa ẽdẽcĩ Mũũꞌtha Nyekuc anneek, “Ma hatĩ ma hõllõngaa ẽlẽmma eeta cĩg Ĩꞌthĩraẽlĩ nganĩĩt hode hõllõngaa athĩkna nẽẽg nganĩĩt nẽ ĩĩttĩhaa, ‘Baa nga huppwaannahii Makayyioohiti nganiita’?”

Luugithõõ 4:12

Nẽẽthĩ ꞌyioko bĩtõ, heellii hatĩ naa thõõth jurrung nẽ hillimaneehii thõõth ꞌcĩ hatĩ õkõ othoothi.”

Luugithõõ 4:14

Nĩngĩtĩ alĩĩllĩkĩ Makayyioohiti Mũũꞌtha nẽ ĩĩ, “Ma ꞌgotonu Arõõnẽ cĩ hattũũg cĩ ꞌLeevi? Haga naa occa õthõõth nẽẽ jurrung. Otooyyia nẽẽ ꞌgõõla iita õõt ommottio hĩ nganiita nẽ accamanoothĩk hatĩ ꞌthĩnĩt cĩnnĩ gẽrrẽẽt hatĩ icini nganiita.

Yõõna 1:3

Ĩꞌngaathĩ hinnia Yõõna nẽ ẽdẽc ꞌgõõl ꞌcĩ ꞌrĩĩng, aireek Makayyioohit. Baa allũũcĩ hinnia nẽẽ õkõ ĩĩcĩ ꞌtaaũn ꞌcĩ haĩ ꞌJõppa, nĩngĩtĩ abĩllĩ haahũlĩta nẽ ũmmũda haahũl ꞌcĩ õkõ ĩcĩ ꞌtaaũn cĩ Tarthithi. Ma ho, ũũk ũtũũwa waraga ꞌcĩ weeto nẽ õtõd haahũl cobbi, aĩ hivvireek Makayyioohit ngaatĩ õkõõĩ ꞌtaaũnaa cĩ Tarthithi.

Yõõna 1:6

Ma nĩngaata, ĩtĩnga makayyioohiti ꞌcĩ aꞌthuhan haahũl nẽ ũũk ijin ĩnõõnnõ ĩĩnnĩk, “Oongiyyi gõõng nii ne pĩĩrnattaa ꞌcĩ aaĩ hoti ho? Tĩnga nẽ alau nyekuꞌnya cugunnig. Horoong hatĩ ammaannĩkeet nẽ eelliaeet hiittiõõ hõllõngaa hadũddĩ.”

Maatteeo 13:41

Ĩꞌthõ hatĩ Ngeertĩ Eeto aajĩlẽẽt cĩgĩnnĩg hõõt huluttia eet vẽlẽk habuccieetaa cĩnnĩ ꞌcĩg adĩman thooꞌthiok ꞌcĩg abathĩ, hĩ ꞌcĩg aaꞌnyĩk ꞌgõõnõgĩ hẽꞌthẽcattõõ.

Yõaannẽ 6:29

Ẽdẽcĩ Yeesu ĩhõõggõ anneek, “Adiimmuung Nyekuci ngagiit aꞌnyahit lemiinit hĩ eet baa ĩꞌthõõa nẽẽnĩ.”