Luugithõõ 3:9 - ꞌBuuk cĩ Thõõth cĩ Nyekuci

⁹ Nẽẽthĩ hoti ho, õdõlanaa nganĩĩt ulwaanĩ cĩ eet cĩg Ĩꞌthĩraẽlĩ nẽ hĩcĩna ꞌgõõl ꞌcĩ ẽhẽcĩ eeta cĩg Ijjibi ĩhõõggõ.

Luugithõõ 3:9 Iomraidhean Croise

ꞌThianaattõ 16:11

Ma ho, uduhaak aajĩlõ cĩ Makayyiookto ĩnõõnnõ tarĩ ĩĩnnĩk, “Adiddingi ꞌyioko niina, ũũkca hatĩ loholeec ꞌcĩ maacĩ. Kateek hatĩ ĩnõõnnõ ꞌthaar ꞌcĩg haĩ Ĩthĩmaĩl, hĩnĩngĩtĩ ĩthĩk Makayyioohiti ꞌcannani cunni.

ꞌThianaattõ 31:12

Nẽ ẽdẽc ĩnnĩhaa, ‘Cĩĩn nõõ hõõnyĩt ꞌcĩg irrooki ho, buꞌthattĩg ũgẽẽgĩ nẽ lõbaacĩg ũgẽẽgĩ, hĩnĩngĩtĩ hĩcĩna naa dtiic vẽlẽk ꞌcĩ adĩmaneeki nganiit Labanĩ ho.

Luugithõõ 1:11

Nĩngĩtĩ aarĩkĩ eeta cĩg Ijjibi makayyiook cĩg appahacaaꞌnyanu, hommokteek eet cĩg Ĩꞌthĩraẽlĩ dtiic nẽ aanytĩk hetehenyit ꞌtaaũn ꞌcĩ haĩ Pithom hĩ ꞌtaaũn ꞌcĩ haĩ Rametheth, hĩĩtõ ꞌtaaũnniook cĩg habu cĩ Ijjibi ꞌcĩg alũtõõthĩkĩ ꞌgẽẽna.

Luugithõõ 1:22

Ma ho, ikia uduhaak habuui cĩ Ijjibi eet cĩgĩnnĩg thõõth icci ĩĩnnĩk, “Má arrittiaa loholeec ꞌcĩ maacĩ ꞌcĩ ĩĩn Ebereeinit, udhukteek hidiaatõõ cĩ Naaĩlĩ nẽ aanytĩhu ꞌcĩg ngayyig dioo hũrũgĩt.”

Luugithõõ 1:8

Ma ho, ikia aggam habuui umwaa ꞌcĩ baa hõllõngaa aga Yothebo Ijjib.

Luugithõõ 2:23

Ma waathinnioohĩĩ nĩĩcag, ikia adaak habuui cĩ Ijjibi. Iita accanattĩ eeta cĩg Ĩꞌthĩraẽlĩ, hĩnĩngĩtĩ apahacaaꞌthĩt cĩnĩĩng nẽ urruuyyio, nĩngĩtĩ õdõlanĩ ulwaanĩ cĩnĩĩng ꞌcĩ adiimi eliinit ko Nyekuc hẽẽtahujjieen.

Luugithõõ 2:25

Nĩngĩtĩ ẽdẽẽnyanĩ Nyekuci eet cĩg Ĩꞌthĩraẽlĩ nẽ atamaatĩk ĩhõõggõ.

Luugithõõ 3:7

Ma ho, uduhaak Makayyioohiti Mũũꞌtha ĩĩnnĩk, “Hĩcĩna naa pĩĩrnanĩt cĩ eet cĩgannĩg Ijjiba. Hĩthĩha ngaatĩ arruuẽnĩ nẽẽg, hĩnĩngĩtĩ makayyiook ꞌcĩg ommogeek ĩhõõggõ dtiic nẽ haallahi naa pĩĩrnanĩt cĩnĩĩng ko gẽrrẽẽt.