Luugithõõ 3:8 - ꞌBuuk cĩ Thõõth cĩ Nyekuci

⁸ Nẽẽthĩ hoti ho, hulluuccia naa loota hikia hẽẽla ĩhõõggõ eetinii cĩg Ijjibi nẽ hatĩ huluugi ĩhõõggõ hũũhĩ looccaa ꞌcĩ abũnnaa ĩcĩ maka, looc ꞌcĩ abatanĩ irana hĩ loteec, õlõ cĩ eet cĩg Kanaanĩ hĩ cĩg Hiiti hĩ cĩg Amoorĩ hĩ cĩg Peri hĩ cĩg Hiivvi hĩ cĩg ꞌJeebu.

Luugithõõ 3:8 Iomraidhean Croise

ꞌThianaattõ 11:5

Ma ho, ulluuccia Makayyioohiti Nyekuci loota hikia hĩcĩn ꞌtaaũn hĩ ꞌcieeth ꞌcĩ uuni ꞌcĩ ẽhẽnyĩt eeta niccieeg ko,

ꞌThianaattõ 11:7

Hõõt hatalmanyanit ĩhõõggõ hothoothito thooꞌthiok cũũmõ cũũmõ, hátĩ hiittiõõ hõllõngaa athĩknõõ tarĩ.”

ꞌThianaattõ 15:13

Nĩngĩtĩ annẽẽkĩ Makayyioohiti ĩnõõnnõ, “Gaooth thĩ ngaatĩ au hatĩ õlõmanĩ lohollia cugunnig looccaa ꞌcĩ ꞌrĩĩng pir. Adĩman hatĩ eeta cĩg looc tĩho ĩhõõggõ ꞌbuth nẽ aarito hĩĩtõ appahacaaꞌnya irkiꞌnyia ꞌmiiaꞌnya ꞌwec (400).

ꞌThianaattõ 15:14

Nẽẽthĩ, hõkõ hatĩ huuki naa eet cĩg looc ꞌcĩ aaꞌnyĩk ĩhõõggõ hĩĩtõ appahacaaꞌnya ho. Nẽ urutaa cĩnnĩ, aluuga hatĩ nẽẽg looccaa ꞌcĩ ꞌrĩĩng hata. Õthõkta hatĩ nẽẽg baliinit cobbi gẽrrẽẽt.

ꞌThianaattõ 18:21

Hadiimi ꞌyioko naa hõkõ hacini nyeemuut ꞌcĩ hathĩkna ho hatĩ ĩĩn dĩdĩ.”

ꞌThianaattõ 43:11

Ma nĩngaata, ẽdẽc maaꞌnyia ĩhõõggõ ĩĩnnĩk, “Má aaĩ noho, aꞌnyaktoothĩk thĩ makayyioohit tĩho ꞌbaaninit buúk. Eberria ꞌgeenniok cĩg looc cĩnaac ꞌcĩg ẽmmẽdĩ gẽrrẽẽt. Loteec hĩ ꞌrũkanĩ hĩ ngõõrrõ hĩ ꞌmũũnĩ nẽ ũrũmteehu hẽlẽggĩ aag õꞌngõlĩ ẽmmẽdĩ nĩnga buúk.

ꞌThianaattõ 46:4

Hõõkõr hatĩ naag hĩ nganiit ĩꞌthõng looc cĩ Ijjibi nẽ nganĩĩt hatĩ dioo ꞌcĩ hõkõ hõbõdaanĩ lõhõlĩ cĩg lõhõlĩ cugunnig ĩꞌthõng looc icci tarĩ. Õkõ hatĩ adayyi nganiit ngeeruni Yothebo dẽẽdẽ.”

ꞌThianaattõ 50:24

Ma baa ĩcĩnõõthĩ Yothebo õbõhĩ daahĩthĩ, ũtũvva ꞌgõtõõnõgĩ nẽ ĩĩnnĩk, “Hõlõ lõggõõ cieegi, nganĩĩt mĩĩ ciee ĩcĩttaangu hõbõhĩ hadaaha ho. Nẽ ma hammuku ainnu eelluung occa hatĩ nganĩ. Aꞌthuunnuung hatĩ Nyekuci ĩꞌthõng hobodduung looccaa ĩbaa ippotaneek nẽẽ Abũrahaamõ hĩ Iꞌthaako hĩ Yakobo.”

Luugithõõ 12:41

Ma irkit ꞌcĩ ũttũbattõõthĩhĩ irkiꞌnyia ꞌcĩg ĩĩn ꞌmiiaꞌnya ꞌwec hĩ hẽẽn iyyio (430) ho dẽẽdẽ, ũtũngteek lothippiꞌnya cĩg eet cĩg Makayyiooktak looc cĩ Ijjibi hĩĩ noho.

Luugithõõ 12:51

Ma baa kõr niccia noho, ikia uluugi Makayyioohiti eet cĩg Ĩꞌthĩraẽlĩ looccaa cĩ Ijjibi.

Luugithõõ 13:5

Adiim adaku karrama icci nyĩlõõhaa cĩ irkiꞌnyiaannĩ vẽlẽk, hatĩ uukuung Makayyioohiti looccaa cĩ eet cĩg Kanaanĩ hĩ looccaa cĩ eet cĩg Hiiti hĩ looccaa cĩ eet cĩg Amoorĩ hĩ looccaa cĩ eet cĩg Hiivvi hĩ looccaa cĩ eet cĩg ꞌJeebu, baa ĩĩn ciee looc baa aduha Nyekuci aĩ hippotaneehi hatĩ hĩbaangĩ cugguung hĩ ngagiita, looc ꞌcĩ abatanĩ irana hĩ loteec. Occa adaku karrama cĩ kõr icci nyĩlõhaa cĩ.

Luugithõõ 3:17

Nẽ baa huduha naa hĩĩna, hõõgannuung hatĩ naa ngagiit pĩĩrnattaa ꞌcĩ aꞌnyaku Ijjiba ho nẽ huukuung looccaa cĩ eet cĩg Kanaanĩ hĩ ĩĩcĩg Hiiti hĩ ĩĩcĩg Amoorĩ hĩ ĩĩcĩg Peri hĩ ĩĩcĩg Hiivvi hĩ ĩĩcĩg ꞌJeebu, looc ꞌcĩ abatanĩ irana hĩ loteec.’

Luugithõõ 5:23

Nganĩngĩtĩ hõkõõĩ naa hĩ habu cĩ Ijjibi nẽ hõthõõtha ꞌthaarĩĩ cugunnig, ikia aꞌnyahaak nẽẽ eet iccig pĩĩrnanĩt nẽ tarĩ hõllõngaa ẽẽla nii eet cugunnig ũdũt.”

Yõaannẽ 3:13

Nga hõdõlan ẽẽtĩ umwaa õlõ cĩ Nyekuci hẽẽtahujjieen, nganĩĩt dioo Ngeertĩ Eeto, ꞌcĩ baa halluuccia hakuu loota nĩnga, ꞌcĩ hõdõlana õlõ cĩ Nyekuci.

Yõaannẽ 6:38

Hĩnĩngĩtĩ baa hõllõngaa halluuccia naa hẽẽtahujjieen hikia hĩdĩman tabiinit caannĩ, nẽẽthĩ, baa hakuu naa hikia hĩdĩman tabiinit cĩ eet baa ĩꞌthõõannaa nganĩĩta.