Luugithõõ 3:7 - ꞌBuuk cĩ Thõõth cĩ Nyekuci

⁷ Ma ho, uduhaak Makayyioohiti Mũũꞌtha ĩĩnnĩk, “Hĩcĩna naa pĩĩrnanĩt cĩ eet cĩgannĩg Ijjiba. Hĩthĩha ngaatĩ arruuẽnĩ nẽẽg, hĩnĩngĩtĩ makayyiook ꞌcĩg ommogeek ĩhõõggõ dtiic nẽ haallahi naa pĩĩrnanĩt cĩnĩĩng ko gẽrrẽẽt.

Luugithõõ 3:7 Iomraidhean Croise

ꞌThianaattõ 16:11

Ma ho, uduhaak aajĩlõ cĩ Makayyiookto ĩnõõnnõ tarĩ ĩĩnnĩk, “Adiddingi ꞌyioko niina, ũũkca hatĩ loholeec ꞌcĩ maacĩ. Kateek hatĩ ĩnõõnnõ ꞌthaar ꞌcĩg haĩ Ĩthĩmaĩl, hĩnĩngĩtĩ ĩthĩk Makayyioohiti ꞌcannani cunni.

ꞌThianaattõ 18:21

Hadiimi ꞌyioko naa hõkõ hacini nyeemuut ꞌcĩ hathĩkna ho hatĩ ĩĩn dĩdĩ.”

ꞌThianaattõ 21:17

Ma ho, ĩthĩha Nyekuci buulenit ngaatĩ arruuẽnĩ nẽ õthõõtha aajĩlõ cĩ Nyekuci hẽẽtahujjieen ĩĩ, “Hagaar, ne ꞌcĩ abathĩ? Ma homoꞌthi, ĩthĩha Nyekuci buulenit ngaatĩ arruuẽnĩ tumuthatõõ.

ꞌThianaattõ 29:32

Nĩngĩtĩ aku aꞌnyahiini Lẽẽa nẽ ũtũhũa loholeec ꞌcĩ maacĩ. Ma ho, akateek Lẽẽa loholeec ꞌthaar ꞌcĩg haĩ ꞌRuuben, hĩnĩngĩtĩ aĩ nẽẽ, “Ĩcĩna Makayyioohiti pĩĩrnanĩt caannĩ nẽ kõr icci, ĩmmĩnanaa thĩ hatĩ gõõng maac caannĩ nganĩĩta.” Nĩngĩtĩ akannẽẽkĩ loholeec ꞌthaar ꞌcĩg haĩ ꞌRuuben.

ꞌThianaattõ 31:12

Nẽ ẽdẽc ĩnnĩhaa, ‘Cĩĩn nõõ hõõnyĩt ꞌcĩg irrooki ho, buꞌthattĩg ũgẽẽgĩ nẽ lõbaacĩg ũgẽẽgĩ, hĩnĩngĩtĩ hĩcĩna naa dtiic vẽlẽk ꞌcĩ adĩmaneeki nganiit Labanĩ ho.

ꞌThianaattõ 31:42

Má hiittiõõ Nyekuci cĩ baaba Abũrahaamõ hĩ Iꞌthaako ngaatĩ ẽbẽka nganĩĩt tõõ, occa baa itiggiawaa haaga hiꞌthihi ꞌgii ꞌcĩ hõkõõĩ buúk. Nẽ ꞌyioko, ĩcĩn Nyekuci pĩĩrnanĩt caannĩ, hĩ dtiic baa hadĩmaneekii naa nganiita, ĩnõõ ꞌcĩ eggerꞌnyeeki nẽẽ nganiit aabaal ko.”

Luugithõõ 1:11

Nĩngĩtĩ aarĩkĩ eeta cĩg Ijjibi makayyiook cĩg appahacaaꞌnyanu, hommokteek eet cĩg Ĩꞌthĩraẽlĩ dtiic nẽ aanytĩk hetehenyit ꞌtaaũn ꞌcĩ haĩ Pithom hĩ ꞌtaaũn ꞌcĩ haĩ Rametheth, hĩĩtõ ꞌtaaũnniook cĩg habu cĩ Ijjibi ꞌcĩg alũtõõthĩkĩ ꞌgẽẽna.

Luugithõõ 1:8

Ma ho, ikia aggam habuui umwaa ꞌcĩ baa hõllõngaa aga Yothebo Ijjib.

Luugithõõ 22:23

Má arratannu niig ĩhõõggõ ꞌgõõlaa umwaanĩ nẽ urruuyyioyyia nganĩĩta, hathihi ꞌthẽk hatĩ naa ulwa cĩnĩĩng.

Luugithõõ 5:10

Ma nĩngaata, õõt uduktaak makayyiooha ꞌcĩg uukik appahacaaꞌnya dtiic, hĩ eet ꞌcĩg ĩĩn makayyiook ꞌcĩg aggam eet dtiica ĩĩttĩk, “Aduha habuui cĩ Ijjibi aĩ, ‘Iittiõõ naa hõllõngaa haaꞌnyuung ngagiit tabarra tarĩ.

Luugithõõ 5:6

Ma kõr niccia noho, uduhaak habuui cĩ Ijjibi makayyiook ꞌcĩg attĩnganeek appahacaaꞌnya dtiic hĩ makayyiook ꞌcĩg aggam eet ĩĩnnĩk,

Dtiicanĩ cĩg ꞌThooyyiahu 7:34

Hĩcĩna naa pĩĩrnanĩt ꞌcĩ accananiini eeta cĩgannĩg Ijjiba. Hĩthĩha ulwa cĩnĩĩng nẽ ꞌyioko hikia loota hikia hõõga ĩhõõggõ. Nẽẽthĩ ꞌyioko, ijjia hĩꞌthooii bodooth Ijjiba.’

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!