Luugithõõ 3:2 - ꞌBuuk cĩ Thõõth cĩ Nyekuci

² Ma nĩngaata, uppwaannak aajĩlõ cĩ Makayyiookto Mũũꞌtha ꞌgwoyyiaa ꞌcĩ atũũth tumuth umwa. Baa adtuuha nẽẽ ꞌgwoo ngaatĩ aggamĩ tumuth nẽ hinnia hõllõngaa atũũthĩ buúk.

Luugithõõ 3:2 Iomraidhean Croise

ꞌThianaattõ 21:17

Ma ho, ĩthĩha Nyekuci buulenit ngaatĩ arruuẽnĩ nẽ õthõõtha aajĩlõ cĩ Nyekuci hẽẽtahujjieen ĩĩ, “Hagaar, ne ꞌcĩ abathĩ? Ma homoꞌthi, ĩthĩha Nyekuci buulenit ngaatĩ arruuẽnĩ tumuthatõõ.

ꞌThianaattõ 22:11

Ma hĩdĩĩkoothong, õthõõthak aajĩlõ cĩ Makayyiookto ĩnõõnnõ hẽẽtahujjieen ĩĩnnĩk, “Abũrahaamõ! Abũrahaamõ!” Ẽdẽcĩ Abũrahamĩ ĩnõõnnõ anneek, “Ee! Nganĩĩt cieeni!”

ꞌThianaattõ 48:16

hĩ Aajĩlõ baa ẽẽlannaa nganĩĩt thooꞌthiohĩ ĩĩcĩg abathĩ vẽlẽk, haggatan buul iccig. Aꞌnyĩĩk ꞌthaar cĩgannĩg hĩ cĩg hĩbaangĩ cĩgannĩg Abũrahaamõ hĩ Iꞌthaako haallattia hĩ ĩhõõggõ. Aꞌnyĩĩk Nyekuc hĩbbaan ĩhõõggõ lõhõlĩ ꞌcĩg mẽẽlĩg loota nĩnga.”

Luugithõõ 19:18

Baa ammũt Muur cĩ ꞌThĩnaĩ ho bũrrẽtĩ, hĩnĩngĩtĩ baa alluuccia Makayyioohiti haau hĩ ꞌgwaa. Baa aburrut bũrrẽtĩ haau hĩ gõõng akannĩ eeta looc ꞌgwoo nẽ õtõmõ muur ꞌbuth,

Luugithõõ 23:20

“Ĩcĩnĩt, hĩꞌthõõakuung naa aajĩlõ hutuaneekuung ngagiit nẽ hũꞌthũũttuung ngagiit ꞌgõõla, hátĩ haꞌnyahaauung looccaa ĩbaa hakũmaneekuung naa ngagiita.

Luugithõõ 24:17

Nẽ hĩ eet cĩg Ĩꞌthĩraẽlĩ, baa edeeꞌnyia bulẽẽnĩtĩ cĩ Makayyiookto muura lokora aaĩ hĩ ꞌgwaa ꞌcĩ atũũthĩ thõng.

Luugithõõ 3:16

“Bĩĩt lũũt makayyiook cĩg eet cĩg Ĩꞌthĩraẽlĩ nẽ ĩĩnnĩhuu ĩhõõggõ, ‘Baa uppwaannakaa nganĩĩt Makayyioohiti Nyekuci cĩ nyakangaaꞌnya cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo nẽ ĩĩnnĩhaa, hĩcĩnaauung naa ngagiit nẽ hudtuuha ꞌgii ꞌcĩ adĩmanoothĩkuung Ijjiba.

Maarko 12:26

Agayyu niig thõõth ꞌcĩ arũgthaanĩ Nyekuci eet daahĩtha nẽ agayyu dtẽẽllẽn cĩg Mũũꞌtha hĩ thõõth baa atũũthẽnĩ tumuth nẽ ĩĩnnĩk Nyekuci ĩnõõnnõ, ‘Hĩĩnĩ naa Nyekuc cĩ Abũrahamĩ hĩ cĩ Iꞌthaako nẽ hĩĩna Nyekuc cĩ Yakobo.’

ꞌLuuka 20:37

Nẽẽthĩ, dtẽẽllẽnĩĩ baag atũũthẽnĩ tumutha, baa ẽtẽrꞌtha Mũũꞌtha ngaatĩ arũgnaanĩ eeta daahĩtha, hĩnĩngĩtĩ baa avvĩ nẽẽ Makayyioohit anneek, ‘Nyekuc cĩ Abũrahamĩ hĩ Nyekuc cĩ Iꞌthaako hĩ Nyekuc cĩ Yakobo.’

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

2 Tẽꞌthaloonika 1:7

nẽẽthĩ, õõgannuung hatĩ nẽẽ ngagiit ꞌcannaanaa cunuung. Nẽ õõganneet hatĩ ngagĩĩt buúk, hatĩ õbõda Makayyioohiti Yeesu hẽẽtahujjieen, ookorria hĩ aajĩlẽẽt cĩgĩnnĩg ꞌcĩg attiranĩ,