Luugithõõ 3:12 - ꞌBuuk cĩ Thõõth cĩ Nyekuci

¹² Nẽ ĩĩnnĩk Nyekuci ĩnõõnnõ, “Haaĩ hatĩ naa hĩ nganiita. Nẽ ĩĩn hatĩ ciee terethiinit hĩ nganiit ꞌcĩ ẽtẽrꞌtha aĩ, nganĩĩt ꞌcĩ hĩꞌthooyyii nganiita. Ma ũũk uluugaĩĩ nii eet looccaa cĩ Ijjibi, auunnu hatĩ alayyu Nyekuc muuraa cĩ.”

Luugithõõ 3:12 Iomraidhean Croise

ꞌThianaattõ 15:1

Ma baa urutaa cĩ thooꞌthiok iccig vẽlẽk, ikia aaꞌnyĩk Makayyioohiti Abũraamõ hõhõnõõthĩ nẽ ĩĩnnĩk, “Abũraamõ, ma hiteelli, hĩĩnĩ hatĩ naa hilib ꞌcĩ heteiinni nganiit thooꞌthiohĩĩ ꞌcĩg abathĩ. Haggatannii hatĩ naa nganiit gẽrrẽẽt.”

ꞌThianaattõ 15:8

Ma tarĩ ho, ijin Abũraamõ Makayyioohit ĩĩnnĩk, “Makayyioohit, haga hatĩ naa ngaatĩ ĩĩnnĩ lõõcĩ ciee caannĩ hutuno?”

ꞌThianaattõ 26:3

Au nõõ looccaa cĩ hĩdĩhĩdĩĩc. Haꞌthuunni hatĩ naa nganiit nẽ haggataniina. Haaꞌnyii hatĩ naa nganiit hĩ lõhõlĩ cugunnig vẽlẽk looc icci nẽ hũꞌthũũtĩ thõõth baa habũtaneehi naa maaꞌnyu Abũrahaamõ.

ꞌThianaattõ 31:3

Nĩngĩtĩ annẽẽkĩ Nyekuci Makayyioohiti ĩnõõnnõ, “Bodooth looccaa cĩ maajihu cugunnig hĩcĩ ittioonniok cugunnig. Haꞌthũũnnĩ hatĩ naa nganiita.”

Luugithõõ 18:5

Ma ho, ookorria ꞌJeꞌthoro hõmõnẽẽcĩ cĩ Mũũꞌtha hĩ ngaa cĩ Mũũꞌtha lõhõlẽẽnĩ noho, hiita hĩcĩnĩt Mũũꞌtha horrwaa ꞌcĩ õdõhõhĩĩ kak, ngaatĩ baa ẽttẽẽdĩ Mũũꞌtha tuggẽẽt ngaatĩ õbõhõõ hĩ muur cĩ Nyekuci.

Luugithõõ 3:1

Ma kõr umwa, baa ũũha Mũũꞌtha ẽẽtha hĩ aꞌtha cĩg homoneec cĩnnĩ ꞌJeꞌthoro, paadĩr cĩ Midianĩ. Baa aꞌngĩd nẽẽ hẽlẽggĩ õkõõĩ ꞌrẽẽna horrwaa ꞌcĩ õdõhõhĩĩ kak, ĩꞌthõng hikia hõdõlan Horeb muur cĩ Nyekuci.

Luugithõõ 3:13

Ma ho, ĩĩnnĩk Mũũꞌtha Nyekuc, “Má ꞌyioko hũũk naa hĩ eet cĩg Ĩꞌthĩraẽlĩ nẽ hũũk hĩĩnnĩha ĩhõõggõ, ‘Ĩꞌthõõannaa nganĩĩt Nyekuci cĩ maajihu cugguung hikia hĩ ngagiit,’ nẽ ijitta nganĩĩt ĩĩttĩhaa, ‘Haĩ ꞌthaar cĩgĩnnĩg nganĩ?’ Haduhaahi occa hatĩ naa ĩhõõggõ hanneehi ne?”

Luugithõõ 4:12

Nẽẽthĩ ꞌyioko bĩtõ, heellii hatĩ naa thõõth jurrung nẽ hillimaneehii thõõth ꞌcĩ hatĩ õkõ othoothi.”

Luugithõõ 4:15

Thoothĩk ĩnõõnnõ nẽ uduhaahu thõõth ꞌcĩ haduhaakii naana. Heelluung hatĩ naa ngagiit ꞌrammaattĩg hatĩ othooꞌthu nẽ hillimaneehuung ꞌgii ꞌcĩ õõ adĩmannu.

Luugithõõ 8:27

Adiim ꞌthẽk hooyyia naag waathinniook iyyio horrwaa ꞌcĩ õdõhõhĩĩ kak, hoottia hibboorriha ꞌgaarriẽẽn Makayyioohit Nyekuc cĩnaang, hĩ baa ꞌthẽk aduhakeet nẽẽnĩ.”

Maatteeo 28:20

õõt illimanit ĩhõõggõ jurrung hĩthĩhĩt thõõth vẽlẽk baa hallimaneekuung naa ngagiita. Nẽ dĩdĩ, harũmĩ hatĩ gõõng naag hĩ ngagiit hõdõõkõthĩ ĩꞌthõng kõr cĩ decciaanĩt cĩ lootu.”

Maarko 16:20

Nĩngĩtĩ õõĩ nuyyiooha cĩgĩnnĩg allimanĩ thõõth cĩ Nyekuci loonyini vẽlẽk nẽ baa adticanni Makayyioohiti hõdẽĩ hĩ ĩhõõggõ nẽ aaꞌnyĩk ꞌlimman cĩnnĩ ho, hĩĩ dĩdĩ thooꞌthiohĩĩ ꞌcĩg ĩnaat eeta ĩcĩg baag adtican nuyyiooha.

Dtiicanĩ cĩg ꞌThooyyiahu 11:21

Baa aaĩ ꞌtirriani cĩ Makayyiookto hĩ ĩhõõggõ nẽ iita elemit eeta ꞌcĩg mẽẽlĩg ꞌrĩng Makayyioohit Yeesu.

Dtiicanĩ cĩg ꞌThooyyiahu 7:7

Nẽẽthĩ, hõkõ hatĩ huuki naa eet cĩg looc ꞌcĩ aaꞌnyĩk ĩhõõggõ hĩĩtõ appahacaaꞌnya ho. Ma urutaa cĩnnĩ, aluuga hatĩ nẽẽg looccaa ꞌcĩ ꞌrĩĩng hata hiita halayyia nganĩĩt ngaati.’

ꞌRooma 8:31

Hẽdẽcĩ occa ꞌyioko thõõth icci haĩ ne? Má ĩĩn Nyekuci Nyekuc cĩnaac, nganĩ ꞌcĩ occa adĩmanneet ngagĩĩt ꞌbuth?

Ebereei 13:5

Ma haangallu ꞌrabbẽẽtĩ, aaꞌnyĩk ꞌrabbẽẽt ꞌcĩg abadtẽc ꞌcĩg aꞌnyaku hũũppattuunga. Hĩnĩngĩtĩ baa aĩ Nyekuci ꞌBuuhaa cĩnnĩ, “Hõllõngaa hatĩ halahaneekuung nẽ hudhuheehuung tuu.”