Luugithõõ 3:1 - ꞌBuuk cĩ Thõõth cĩ Nyekuci

¹ Ma kõr umwa, baa ũũha Mũũꞌtha ẽẽtha hĩ aꞌtha cĩg homoneec cĩnnĩ ꞌJeꞌthoro, paadĩr cĩ Midianĩ. Baa aꞌngĩd nẽẽ hẽlẽggĩ õkõõĩ ꞌrẽẽna horrwaa ꞌcĩ õdõhõhĩĩ kak, ĩꞌthõng hikia hõdõlan Horeb muur cĩ Nyekuci.

Luugithõõ 3:1 Iomraidhean Croise

Luugithõõ 17:6

Habili hatĩ naa muumaa cunni lõbaraba ngaatĩ haĩ Horeb. Uuk lõbarab hĩbahĩta, hátĩ hirikta maama ꞌcĩg ahũd eeta.” Nĩngĩtĩ adĩmanĩ Mũũꞌtha thõõth icci hẽbẽrẽẽnnĩĩ cĩg makayyiook cĩg eet cĩg Ĩꞌthĩraẽlĩ.

Luugithõõ 18:12

Ma nĩngaata, ittiha ꞌJeꞌthoro hõmõnẽẽcĩ cĩ Mũũꞌtha, ꞌbaaninit ꞌcĩ ĩwaaddi hĩ ꞌgaarriẽẽn ũgĩ nẽ aaꞌnyĩk Nyekuc, nĩngĩtĩ au aduhi Arõõnẽ hĩ makayyiook cĩg eet cĩg Ĩꞌthĩraẽlĩ, ũbũnẽẽt hõdẽĩ hĩ homoneec cĩ Mũũꞌtha hẽbẽrẽẽnnĩĩ cĩg Nyekuci.

Luugithõõ 19:11

nẽ ũkũmattoothihu jurrung kõrraa ꞌcĩ ĩĩn iyyio, hĩnĩngĩtĩ kõr niccia, alluuccia hatĩ Makayyioohiti Muuraa cĩ ꞌThĩnaĩ hĩcĩnĩt eeta vẽlẽk.

Luugithõõ 19:2

Nẽ tarĩ urutaa ꞌcĩ ũtũngtẽẽhĩ eeta cĩg Ĩꞌthĩraẽlĩ ꞌRevidim, iita uduhunit horu ꞌcĩ õdõhõhĩĩ kak cĩ ꞌThĩnaĩ nẽ etteedito tuggẽẽt muura uruta nĩngaata.

Luugithõõ 19:3

Ma ho, õtõd Mũũꞌtha ũũk ĩĩcĩ aayyi Nyekuci, nĩngĩtĩ avvaanĩ Makayyioohiti ĩnõõnnõ muura nẽ ĩĩnnĩk, “Thõõth ꞌcĩ occa õkõ aduhaahi nii halang cĩ Yakobo hĩ eet cĩg Ĩꞌthĩraẽlĩ cieeni,

Luugithõõ 2:16

Nẽẽthĩ ꞌyioko, baa aꞌnyak paadĩrĩ umwaa cĩ Midianĩ buheeci tũkĩramma ꞌcĩg baag au õgõõc maam nẽ eellik hẽlẽggĩ cĩg maacõnĩ.

Luugithõõ 2:18

Ma baa oboddiõõthĩ buheeci cieegi, õõt ummuddioothĩk maaꞌnyĩ ꞌcĩ baa haĩ ꞌReuel ko, ma nĩngaata, ũũk ijin maaꞌnyia ĩhõõggõ ĩĩnnĩk, “Õbõdaannu aattĩ hatĩ kõr nicci hĩdĩĩkoothong inni?”

Luugithõõ 2:21

Ma ho, ẽlẽm Mũũꞌtha ngaatĩ arũmẽẽnĩ hĩ ꞌReuel, nĩngĩtĩ attihaanĩ ꞌReuelĩ bũhaanyĩnĩ ꞌcĩ haĩ ꞌThippõra nẽ aaꞌnyĩk Mũũꞌtha hũꞌthũwan.

Luugithõõ 24:13

Nĩngĩtĩ ĩꞌngaannĩ Mũũꞌtha hĩ dticciannioohit cĩnnĩ ꞌJooꞌthua nẽ ũũk õtõd Mũũꞌtha muur cĩ Nyekuci.

Luugithõõ 3:12

Nẽ ĩĩnnĩk Nyekuci ĩnõõnnõ, “Haaĩ hatĩ naa hĩ nganiita. Nẽ ĩĩn hatĩ ciee terethiinit hĩ nganiit ꞌcĩ ẽtẽrꞌtha aĩ, nganĩĩt ꞌcĩ hĩꞌthooyyii nganiita. Ma ũũk uluugaĩĩ nii eet looccaa cĩ Ijjibi, auunnu hatĩ alayyu Nyekuc muuraa cĩ.”

Luugithõõ 3:5

Ma nĩngaata, uduhaak Nyekuci ĩnõõnnõ ĩĩnnĩk, “Ma hakuu bõhĩ ngaati, pũrũca caawa cugunnig. Ĩĩn nĩngĩtĩ abĩllĩ nii ho, nĩngĩtĩ aꞌngirannii.”

Luugithõõ 4:18

Ma ho, ikia õbõdõõthĩ Mũũꞌtha hĩ homoneec cĩnnĩ ꞌJeꞌthoro nẽ ĩĩnnĩk, “Ĩꞌnya da nõõ hũũk hĩcĩn eet cĩgannĩg Ijjiba, hatĩ nga aattĩg ꞌcĩg arũgĩ.” Ẽdẽcĩ ꞌJeꞌthoro ĩnõõnnõ anneek, “Bĩtõ, bĩĩt lõꞌngõõc.”

Luugithõõ 4:27

Ma ngaati, uduhaak Makayyioohiti Arõõnẽ ĩĩnnĩk, “Õõt ommottio hĩ Mũũꞌtha horrwatõõ ꞌcĩ õdõhõhĩĩ kak.” Nĩngĩtĩ ammũdõõthĩkĩ Arõõnẽ Mũũꞌtha muuraa cĩ Nyekuci nẽ ĩꞌtha ĩnõõnnõ.

ꞌLuuka 2:8

Nẽ baa aattĩg tũhayyiooha ũgẽẽgĩ ꞌcĩg õbõhõõ hĩ nyadaharĩt nĩngaata, ꞌcĩg ẽbẽk hẽlẽggĩ cĩggĩĩng baalin niccia.

Dtiicanĩ cĩg ꞌThooyyiahu 7:30

“Ma baa allacattĩ irkiꞌnyia hẽẽn ꞌwec, uppwaannak aajĩlõ Mũũꞌtha ꞌgwoyyiaa ꞌcĩ aaĩ hĩcĩ atũũth tumuth horrwatõõ ꞌcĩ õdõhõhĩĩ kak, ngaatĩ õbõhõõ hĩ Muur cĩ ꞌThĩnaĩ.