Luugithõõ 22:4 - ꞌBuuk cĩ Thõõth cĩ Nyekuci

⁴ “Má ĩgõrĩth eet umwaa olĩ hode thigir hode aꞌtheet nẽ ummuddia hõrggaa cĩnnĩ nga arũgĩ, aanytĩk igorriaahit tĩho hũdũman hẽlẽggĩ ꞌcĩg ĩgõrĩth nẽẽ ho hõdẽĩ hõdẽĩ tabattĩ ꞌramma.

Luugithõõ 22:4 Iomraidhean Croise

Luugithõõ 21:16

“Ẽẽtĩ ꞌcĩ ĩgõrĩth eet umwa nẽ ũtũũõĩ thõng, hode nga aꞌnyak ĩnõõnnõ ngaanĩngĩtĩ aggamĩ, aꞌnyĩĩk huruhi hadaak.

Luugithõõ 22:1

“Má ĩgõrĩth ẽẽtĩ umwaa olĩ hode aꞌtheet nẽ ẽttẽẽd hode nẽ ũtũũõĩ thõng, aanytĩk igorriaahit tĩho hittiha olĩꞌnya ꞌtur hũdũmanĩ olĩ ꞌcĩ ĩgõrĩth ko nẽ ittiha aꞌtha ꞌwec hũdũmanĩ aꞌtheet ꞌcĩ ĩgõrĩth ko.

Luugithõõ 22:5

“Má alahaneehu nii taang umwa tĩĩnĩtõõ cugunnig harahan hũũk hẽgĩ mana cĩ eet umwa hode cĩ viinoo, ꞌtiha haal cugunnig ꞌcĩg abbiiri jurrung nẽ ũdũmanĩĩ mana hode viino tĩho.

Luugithõõ 22:7

“Má iroraneek ẽẽtĩ umwaa eet ꞌcĩ aarõõ ꞌrabbẽẽt hode ijjio hitiangĩtheek ĩnõõnnõ thõng nẽ igoriꞌthi ijjio ꞌcieethaa cĩ eet ꞌcĩ aarõõ ho, aanytĩk igorriaahit tĩho hatĩ aggamĩ, hũdũman ijjio tabattĩ ꞌramma.

Luugithõõ 22:9

Ma aruhõõnĩ eeta ꞌramma olĩ hode thigir hode aꞌtheet hode cẽrẽm hode ꞌthẽk ijjioonit ꞌcĩ aꞌnginoothi, aĩ eet umwaa cĩnnĩ nẽ tarĩ ĩĩ umwaa buúk cĩnnĩ. Má aaĩ hoti, aanytĩk eet iccig vẽlẽk hiita muumaa cĩ Nyekuci nẽ ẽẽtĩ ꞌcĩ aduha Nyekuci aĩ ĩĩn nyeꞌtheccioohit, adũman hatĩ nẽẽ baattĩ ꞌgii tĩho tabattĩ ꞌramma.

Terethiinit 18:6

Dĩmaneek ngaa nicci thooꞌthiok baag adĩmaneek nẽẽ buúk eet. Uuk ĩnõõnnõ hakattio hĩ ꞌthẽccanẽẽt cĩgĩnnĩg. Uuk ĩnõõnnõ ukẽẽttaa ꞌcĩ ũũppan ꞌthẽccanẽẽt cĩgĩnnĩg.