Luugithõõ 21:2 - ꞌBuuk cĩ Thõõth cĩ Nyekuci

² “Má ũũtannu appahaca ꞌcĩ ĩĩn Ebereeinit, aanytĩk hĩĩ appahaca irkiꞌnyia tõrkõnõn. Nẽẽthĩ irkitaa ꞌcĩ ĩĩn tũkĩramma, oogit hũũk haaga, hiittiõõ dũmanĩ tõõ.

Luugithõõ 21:2 Iomraidhean Croise

ꞌThianaattõ 27:28

Aꞌnyĩĩk Nyekuc haaꞌnyi tammu, hátĩ hũbũtha mana cunni jurrung. Aꞌnyĩĩk ĩnõõnnõ haaꞌnyi ꞌgẽẽn hĩ viino ꞌcĩ maka.

ꞌThianaattõ 27:36

Ẽdẽcĩ Eꞌthaau Iꞌthaako anneek, “Ĩggõõla ꞌyioko nẽẽ nganĩĩt ĩĩ tabattĩ ꞌramma, ĩnõõ ꞌcĩ haĩnnĩ ꞌthaar cĩgĩnnĩg Yakobo ho. Baa nõõ nga aggamaanna makaaꞌthĩt ꞌcĩ hĩĩnnĩ loholeec ꞌcĩ oou, ma thĩ aattĩ ꞌyioko, ikia aggamaawa ꞌgattan caannĩ buúk. Iittiõõ ꞌyioko ꞌgattanĩ umwaa ꞌcĩ nga aꞌthũũnnĩka nii nganĩĩt tõõ?”

Luugithõõ 12:44

Occa adak appahaca ꞌcĩ baa ũũtannu niig thõng diooni, hatĩ ẽttẽẽdĩ ẽlẽ cĩnnĩ cĩ eet ꞌcĩ maacĩ,

Luugithõõ 21:3

Má baa ĩĩn appahaca bũaarinit kõr ꞌcĩ akuuni ho, oogit hũũk nẽẽ diooni, nẽẽthĩ, má baa ũꞌthũwanõõ nẽẽnĩ, oogit ĩnõõnnõ ngaawa cĩnnĩ noho.

Luugithõõ 21:7

“Má ũũtẽnĩ ẽẽtĩ umwaa bũhaanyĩnĩ hĩĩ dticciannioohit, occa hõllõngaa ooggi hũũk haaga hĩ dticciannioohiti ꞌcĩ maacẽẽnĩ.

Luugithõõ 22:3

Nẽẽthĩ, ma ohoddiaa igorriaahiti hadaak hatĩ uppwaanna kõrra ẽlẽk, ĩĩn ẽẽtĩ ꞌcĩ õhõda igorriaahit ko nyeꞌtheccioohit. “Igorriaahiti umwaa ꞌcĩ aggamoothĩha, aanytĩk hũdũman hẽlẽggĩ vẽlẽk ꞌcĩg ĩgõrĩth hĩĩ dtĩng. Má hõllõngaa adũmanĩ, aanytĩk hũtũũĩ hĩĩ appahaca hũdũman ĩgõr cĩnnĩ ho.

Maatteeo 18:25

Ma baa adtuuha habuui ngaatĩ aꞌnyamanĩ dticciannioohit nicci ngaatĩ adũmanĩ ꞌrabbẽẽt tĩko ho, ikia uduhaak nẽẽ eet hutuuyyiõõĩ dticciannioohit nicci hĩ ngaa cĩnnĩ hĩ lõhõlĩ cĩgĩnnĩg hĩ ꞌgii vẽlẽk ꞌcĩ aꞌnyak nẽẽnĩ, hátĩ hũdũman ꞌrabbẽẽt cĩgĩnnĩg ko.

1 Korinthia 6:20

baa uuttiannu niig thõng. Nẽẽthĩ hoti ho, itingolli Nyekuc eleetinii cugguung.