Luugithõõ 2:16 - ꞌBuuk cĩ Thõõth cĩ Nyekuci

¹⁶ Nẽẽthĩ ꞌyioko, baa aꞌnyak paadĩrĩ umwaa cĩ Midianĩ buheeci tũkĩramma ꞌcĩg baag au õgõõc maam nẽ eellik hẽlẽggĩ cĩg maacõnĩ.

Luugithõõ 2:16 Iomraidhean Croise

ꞌThianaattõ 14:18

Nẽ baa aꞌnyahaak ẽẽtĩ ꞌcĩ haĩ Melkithẽdẽk Abũraamõ ũbũnẽẽt hĩ mẽrtĩ cĩ viinoo. Baa ĩĩn Melkithẽdẽhĩ habu cĩ ꞌtaaũn ꞌcĩ haĩ Thaalem nẽ tarĩ ĩĩn paadĩr cĩ Nyekuc ꞌcĩ ĩllõõan vẽlẽk buúk.

ꞌThianaattõ 24:11

Ma baa iggiingi kõrra, hĩgõõng õõt ngaaĩ hidiowwa, ikia õdõlan nẽẽ wĩĩtaneec umwa ꞌcĩ õbõhõõ hĩ ꞌtaaũn, nĩngĩtĩ aaꞌnyĩkĩ nyaakaalnya hiyyiomanit wĩĩtaneeca lõmẽrra.

ꞌThianaattõ 24:13

Nganĩĩt ciee haaĩ wĩĩtaneecaa ꞌcĩ hatĩ au ogoocini buheeci cĩg ꞌtaaũnaak ko.

ꞌThianaattõ 29:2

Ma hĩdĩĩkoothong, udtuuha wĩĩtaneec umwa hĩ nyalõmaarwa iyyio cĩg aꞌthaannu hĩ ẽẽtha ꞌcĩg ẽẽlĩ ngadiiha nĩngaata, hĩnĩngĩtĩ baa eelĩk eeta hẽlẽggĩ wĩĩtaneecaa tĩho. Baa nga aꞌnyũũgĩ wĩĩtanẽẽcĩ biyyiaa ꞌcĩ ꞌthabalĩ.

ꞌThianaattõ 41:45

Nĩngĩtĩ akannẽẽkĩ habuui Yothebo ꞌthaar ꞌcĩg haĩ Thavẽnath Panẽa nẽ ũꞌthũwanaak bũhẽẽc ꞌcĩ haĩ Athẽnath. Baa ĩĩn bũhẽẽcĩ ciee tĩnaatĩ ngarĩ umwa ꞌcĩ haĩ Potivẽra paadĩr cĩ ꞌtaaũn cĩ Õõnĩ. Nĩngĩtĩ aku õvvõõĩ Yothebo looc cĩ Ijjibi vẽlẽk.

Luugithõõ 18:1

Nẽẽthĩ ꞌyioko, baa ĩthĩk ꞌJeꞌthoro paadĩrĩ cĩ looc cĩ Midianĩ, ꞌcĩ baa ĩĩn homoneec cĩ Mũũꞌtha, hẽlẽggĩ vẽlẽk ꞌcĩg baag adĩmaneek Nyekuci Mũũꞌtha, hĩ eet cĩg Ĩꞌthĩraẽlĩ hĩ ꞌgõõl ꞌcĩ baa aluuganĩ Makayyioohiti eet cĩg Ĩꞌthĩraẽlĩ looccaa cĩ Ijjibi.

Luugithõõ 18:12

Ma nĩngaata, ittiha ꞌJeꞌthoro hõmõnẽẽcĩ cĩ Mũũꞌtha, ꞌbaaninit ꞌcĩ ĩwaaddi hĩ ꞌgaarriẽẽn ũgĩ nẽ aaꞌnyĩk Nyekuc, nĩngĩtĩ au aduhi Arõõnẽ hĩ makayyiook cĩg eet cĩg Ĩꞌthĩraẽlĩ, ũbũnẽẽt hõdẽĩ hĩ homoneec cĩ Mũũꞌtha hẽbẽrẽẽnnĩĩ cĩg Nyekuci.

Luugithõõ 3:1

Ma kõr umwa, baa ũũha Mũũꞌtha ẽẽtha hĩ aꞌtha cĩg homoneec cĩnnĩ ꞌJeꞌthoro, paadĩr cĩ Midianĩ. Baa aꞌngĩd nẽẽ hẽlẽggĩ õkõõĩ ꞌrẽẽna horrwaa ꞌcĩ õdõhõhĩĩ kak, ĩꞌthõng hikia hõdõlan Horeb muur cĩ Nyekuci.