Luugithõõ 2:11 - ꞌBuuk cĩ Thõõth cĩ Nyekuci

¹¹ Ma kõr umwa, baa ĩtĩlĩtha Mũũꞌtha ĩĩ maka, ũũk ĩcĩn nẽẽ eet cĩgĩnnĩg ngaatĩ baa aattiyyi nẽ udtuuha ĩhõõggõ ngaatĩ attĩnganõõthĩkĩ dtiici. Ma nĩngaata, udtuuha Ijjibeenit umwa ngaatĩ uuki Ebereeinit eet cĩnnĩ dẽẽdẽ.

Luugithõõ 2:11 Iomraidhean Croise

Luugithõõ 1:11

Nĩngĩtĩ aarĩkĩ eeta cĩg Ijjibi makayyiook cĩg appahacaaꞌnyanu, hommokteek eet cĩg Ĩꞌthĩraẽlĩ dtiic nẽ aanytĩk hetehenyit ꞌtaaũn ꞌcĩ haĩ Pithom hĩ ꞌtaaũn ꞌcĩ haĩ Rametheth, hĩĩtõ ꞌtaaũnniook cĩg habu cĩ Ijjibi ꞌcĩg alũtõõthĩkĩ ꞌgẽẽna.

Luugithõõ 3:7

Ma ho, uduhaak Makayyioohiti Mũũꞌtha ĩĩnnĩk, “Hĩcĩna naa pĩĩrnanĩt cĩ eet cĩgannĩg Ijjiba. Hĩthĩha ngaatĩ arruuẽnĩ nẽẽg, hĩnĩngĩtĩ makayyiook ꞌcĩg ommogeek ĩhõõggõ dtiic nẽ haallahi naa pĩĩrnanĩt cĩnĩĩng ko gẽrrẽẽt.

Luugithõõ 5:14

Ma ho, uukito makayyiooha cĩg habu cĩ Ijjibi, ꞌcĩg attĩnganeek appahacaaꞌnya dtiic, makayyiook cĩg Ĩꞌthĩraẽlĩ, ꞌcĩg baag ẽbẽra nẽẽg hebekteek eet dtiic nẽ ijinit ĩhõõggõ ĩĩttĩk, “Inni baa hõllõngaa atturaannu namatavvaalĩ baalõ hode kõr nicci hĩĩtõ hĩ baa gõõng ko?”

Luugithõõ 5:4

Aĩ hinnia habuui cĩ Ijjibi, “Niig Mũũꞌtha hĩ Arõõnẽ, adiim occa ehetheeku eet dtiic cĩnĩĩng inni? Oboddiooth dtiicaa cunuung!”

Luugithõõ 5:5

Ma ho, ĩĩ habuui cĩ Ijjibi, “Ĩcĩnĩt nõõnĩ, ĩĩtõ mẽẽlĩg eeta cugunnig loota nĩnga, adiim hinnia abillu niig ĩhõõggõ dtiicaa cĩnĩĩng!”

Luugithõõ 5:9

Aanytĩk dtiic hõkõm hĩ eet ꞌcĩg maacĩg, hátĩ haallattia dtiicatõõ, hiittiõõ hõllõngaa athĩhĩ oloꞌngiook.”

Luugithõõ 6:6

“Nẽẽthĩ hoti ho, duhaak eet cĩg Ĩꞌthĩraẽlĩ anneek, ‘Hĩĩnĩ naa Makayyioohit nẽ hõõgannuung hatĩ naa ngagiit pĩĩrnattaa ꞌcĩ accanannuung eeta cĩg Ijjibi ho. Hõõgannuung hatĩ naa ngagiit ngaatĩ iiginnu appahacaaꞌnya cĩggĩĩng nẽ hẽẽlauung ꞌtirriaanaa caannĩ ĩcobbi ĩcĩ huuki eet cĩg Ijjibi.

Luugithõõ 6:7

Helemuung hatĩ naa ngagiit ĩĩtõ eet cĩgannĩg dẽẽdẽ nẽ hĩĩna naa Nyekuc cunuung. Nẽẽthĩ hatĩ agayyu niig ngaatĩ hĩĩnnĩ naa Makayyioohit Nyekuc cunuung, baa hõõgannuung ngagiit ꞌcannaana cĩ eet cĩg Ijjibi.

Maatteeo 11:28

“Iita hĩ nganĩĩt niig vẽlẽk eeta ꞌcĩg ippiirriau dtiicanẽẽnnĩĩ ĩĩcĩg adĩddĩngĩĩ hĩ ngaatĩ irriongannu ijjio ꞌcĩg adĩddĩngĩĩ, haaꞌnyuung hatĩ naa nĩngĩtĩ iyyiomannu.

ꞌLuuka 4:18

“Aaꞌnyĩhoothĩhaa nganĩĩt Lorii cĩ Makayyiookto, hĩnĩngĩtĩ ẽbẽraawa nẽẽ nganĩĩt hillimaneek eet ꞌcĩg ĩĩn hullaha, nyeemuut cĩnnĩ ꞌcĩ abũnnaa. Ĩꞌthõõannaa nẽẽ hikia huduhaak baabuuthnya nyeemuut ꞌcĩ ooggianĩ nẽẽgĩ, hĩ nyeemuut cĩ acĩnẽẽnĩ rubenniaaha, nẽ hikia hẽẽla eet ꞌcĩg arratan ꞌgoonoggia,