Luugithõõ 2:10 - ꞌBuuk cĩ Thõõth cĩ Nyekuci

¹⁰ Ma baa ĩtĩlĩth loholeec ĩĩ maka, ũũhĩ ngaannia ĩnõõnnõ hĩ tĩnaatĩ habuuo, hũũk hĩĩ ngeerĩnĩ. Nĩngĩtĩ akannẽẽkĩ tĩnaatĩ habuuo loholeec ꞌthaar ꞌcĩg haĩ Mũũꞌtha nĩngĩtĩ aĩ, “Baa hõdõnga ĩnõõnnõ maamĩtõõ.”

Luugithõõ 2:10 Iomraidhean Croise

ꞌThianaattõ 16:11

Ma ho, uduhaak aajĩlõ cĩ Makayyiookto ĩnõõnnõ tarĩ ĩĩnnĩk, “Adiddingi ꞌyioko niina, ũũkca hatĩ loholeec ꞌcĩ maacĩ. Kateek hatĩ ĩnõõnnõ ꞌthaar ꞌcĩg haĩ Ĩthĩmaĩl, hĩnĩngĩtĩ ĩthĩk Makayyioohiti ꞌcannani cunni.

ꞌThianaattõ 4:25

Baa oogin Aadamĩ hĩ ngaa cĩnnĩ tarĩ, nẽ ikia ittira nẽẽ loholeec umwa ꞌcĩ maacĩ tarĩ. Ikia akateek nẽẽ ĩnõõnnõ ꞌthaar ꞌcĩg haĩ Thẽth, nẽ ĩĩ, “Aaꞌnya Nyekuci loholeec ꞌcĩ maacĩ umwa tarĩ, hirigith Abeele baa aruk Kaiino.”

ꞌThianaattõ 48:5

“Nẽẽthĩ ꞌyioko, ĩĩtõ hatĩ lohollia cugunnig ĩĩn ꞌramma Evaraim hĩ Manaaꞌthe, baag arittiaa Ijjiba baa nga hõdõlan naa ngaati lõhõlĩ cĩgannĩg, aauto hatĩ nẽẽg hĩcĩ ĩĩn ꞌRuubenĩ hĩ ꞌThimiõõnẽ cĩgannĩg.

Luugithõõ 2:9

Ma nĩngaata, uduhaak tĩnaatĩ habuuo aattĩ loholeeco ĩĩnnĩk, “Bĩĩt tiroheehaa loholeec icci nẽ hatĩ hũdũmanii thõng.” Nĩngĩtĩ mĩĩ õkõ iroktĩ ngaa nicciee loholeec.

Maatteeo 1:21

Ũũkca hatĩ nẽẽ loholeec ꞌcĩ maacĩ. Kateek hatĩ loholeec ꞌthaar ꞌcĩg haĩ Yeesu, hĩnĩngĩtĩ ẽẽla hatĩ nẽẽ eet cĩgĩnnĩg ꞌthẽccanẽẽtĩĩ cĩggĩĩng.”

ꞌGalaaꞌthia 4:5

hikia hõõgaeet ngagĩĩt nyattaalaa cĩ Mũũꞌtha, hĩĩtõ lõhõlĩ dĩdĩ ꞌcĩg harigith ꞌgii vẽlẽk õlõõ cĩ Nyekuci.

Ebereei 11:24

Ma baa ĩtĩlĩtha Mũũꞌtha ĩĩ maka, ikia aaꞌnyĩk lemiiniti cĩnnĩ ĩnõõnnõ hũtũbũr ngaatĩ ĩĩnĩ ngeertĩ tĩnaatĩ habu cĩ Ijjibi.

1 Yõaannẽ 3:1

Ĩcĩnĩt nõõ ngaatĩ ammĩnanneet Baangẽẽtĩ ngagĩĩt gẽrrẽẽt, aũũyyeet nẽẽ ngagĩĩt anneekeet lõhõlĩ cĩgĩnnĩg, nẽẽꞌthẽk hĩĩgĩn naag lõhõlĩ cĩgĩnnĩg dĩdĩ! Nẽẽthĩ, aitiõõ eeta cĩg looc nicci hõllõngaa aga ngaatĩ hĩĩgĩnnĩ naag lõhõlĩ cĩg Nyekuci, hĩnĩngĩtĩ hõllõngaa aga nẽẽg ĩnõõnnõ.