Luugithõõ 13:9 - ꞌBuuk cĩ Thõõth cĩ Nyekuci

⁹ Ĩĩn karrama ciee cunni haau hĩ nyamacaar ꞌcĩ aaĩ attiaa cunni nẽ aau hĩ nyamacaar ꞌcĩ aꞌnyahi nii attia hode muumaa cunni. Aꞌnyĩĩk hatĩ gõõng hummuhaahi karrama ciee hõdõõkõthĩ, hátĩ tigiil ꞌlimman icci Makayyiookto ho, ‘Baa ẽẽlannuung Makayyioohiti ngagiit looccaa cĩ Ijjibi attiaa cĩnnĩ ĩĩcĩ attiranĩ.’

Luugithõõ 13:9 Iomraidhean Croise

Luugithõõ 12:14

“Ĩĩn ciee kõr ꞌcĩ hatĩ gõõng ammuhaannu niiga. Adahit hatĩ gõõng karrama cĩ kõr icci hĩĩ cĩ Makayyiookto irkiꞌnyiaannĩ vẽlẽk, ĩꞌthõng hõdõlanit lohollia ꞌcĩg hatĩ nga au horumwa buúk.

Luugithõõ 12:41

Ma irkit ꞌcĩ ũttũbattõõthĩhĩ irkiꞌnyia ꞌcĩg ĩĩn ꞌmiiaꞌnya ꞌwec hĩ hẽẽn iyyio (430) ho dẽẽdẽ, ũtũngteek lothippiꞌnya cĩg eet cĩg Makayyiooktak looc cĩ Ijjibi hĩĩ noho.

Luugithõõ 13:14

“Waathinnioohĩĩ ꞌcĩg hatĩ nga au horumwa, má ajinnuung lohollia cugguung anneekuung, ‘Aĩ thõõth ciee neegi?’ Uduktaak ĩhõõggõ ĩĩttĩk, ‘Baa aluuganneet Makayyioohiti ngagĩĩt ꞌtirriaanaa cĩ aꞌthiit cĩnnĩ Ijjiba, looccaa cĩ appahacẽẽthĩtõõ.

Luugithõõ 13:16

Aaĩ hatĩ karrama ciee hĩ nyamacaar ꞌcĩ amacaaranoothĩk attiaa cunni hode muumaa cunni. Ĩĩn hatĩ ciee terethiinit ꞌcĩ hammuhaanĩ ꞌtirrian cĩ aꞌthiit cĩ Makayyioohit baa aluuganneet ngagĩĩt looccaa cĩ Ijjibi.”

Luugithõõ 13:3

Ma ho, ĩĩnnĩk Mũũꞌtha eet, “Ĩĩn ciee kõr ꞌcĩ hatĩ gõõng hammuha naag ooo, kõr baa haluuganĩ naag Ijjiba, looccaa baa hĩĩgĩnnĩ appahacaaꞌnya. Nẽẽthĩ kõr nicci, õõgauung Makayyioohiti ngagiit attiaa cĩnnĩ ĩĩcĩ attiran gẽrrẽẽt. Ummuhuttooth ngaatĩ hõllõngaa occa adaku ꞌgẽẽn ꞌcĩ aarĩhoothĩk abũũlana.

Luugithõõ 3:20

Nẽẽthĩ hoti ho, hodongi hatĩ naa aꞌthiit caannĩ nẽ huuka eet cĩg Ijjibi thooꞌthiohĩĩ vẽlẽk ĩcĩg ĩnaatti, ĩcĩg hatĩ hadĩmani naa hõrggẽẽnaa cĩnĩĩng. Ma urutaa cĩnnĩ, ẽlẽmaakuung hatĩ õõtõ.

Luugithõõ 7:4

aitiõõ hatĩ habuui cĩ Ijjibi hõllõngaa athĩkni nganiita. Nẽẽthĩ, huuki hatĩ naa eet cĩg Ijjibi ꞌtirriaanaa cĩ aꞌthiit caannĩ nẽ huluugaĩĩ eet cĩgannĩg Ĩꞌthĩraẽl.

Maatteeo 23:5

“Adĩman nẽẽg thooꞌthiok vẽlẽk, aĩ hátĩ hĩcĩtteet eeta. Ecebeek nẽẽg õlẽẽt ꞌcĩg eheedothoothĩk thooꞌthioha cĩg Nyekuci nẽ itihimit ceremwa ꞌcĩg uuttik ꞌcĩg eceboothĩk ꞌlõõrõngĩta ꞌcĩg ẽllẽẽmĩthĩ.

ꞌRooma 10:8

Nẽẽthĩ, aĩ thõõth ciee ne? Aĩ, “Õbõhĩ nyeemuut hĩ nganiit aau ojoonu, aau ũtũũga hĩ ꞌthĩnĩtaa cunni.” Nẽ aduhõõ nyeemuut ciee hĩ lemiinit ꞌcĩ hirrioonna naag ko thõng, thõõth cĩ lemiinit ꞌcĩ hirrioonna naag ko niccia.

Terethiinit 18:8

Nẽẽthĩ hoti ho, atinya hatĩ nẽẽ ꞌcannan hĩ magĩth hĩ daahĩth kõr hõdẽẽthõng haaga. Aaĩ hatĩ nẽẽ ulwaanaa cobbi gẽrrẽẽt. Atũũth hatĩ ꞌgwaa ẽlẽ cĩnnĩ hĩĩ ꞌthĩĩ, hĩnĩngĩtĩ ẽttẽẽd Makayyioohiti Nyekuci ꞌTirriannioohiti thõõth cĩnnĩ ẽlẽk.”