Luugithõõ 13:7 - ꞌBuuk cĩ Thõõth cĩ Nyekuci

⁷ Uduhit ũbũnẽẽt ꞌcĩg nga harrihoothĩk abũũlana waathinnioohĩĩ ꞌcĩg ĩĩn tũkĩramma ho, occa ꞌthẽk hõllõngaa edeeꞌnyia ꞌgiimwaa ꞌcĩ aarĩhoothĩk abũũlana hõrggẽẽnaa cunuung, hode nẽẽ occa edeeꞌnyia abũũlana ngaatĩ aattiyyu niiga.

Luugithõõ 13:7 Iomraidhean Croise

Luugithõõ 12:15

Uduhit ũbũnẽẽt ꞌcĩg aitiõõ abũũlana tõõ waathinniook tũkĩramma. Kõrraa ꞌcĩ oou, udduutit abũũla ꞌcĩg aattĩg ꞌcieethinii cugguung, hĩnĩngĩtĩ ẽẽtĩ ꞌcĩ adak ꞌgẽẽn ꞌcĩ aarĩhoothĩk abũũlana kõrraa ꞌcĩ oou ĩꞌthõng hõdõlan kõr ꞌcĩ ĩĩn tũkĩramma, iggiaoothĩk hatĩ nẽẽ tuu lothippitaa cĩ eet cĩg Ĩꞌthĩraẽlĩ.

Luugithõõ 12:19

Waathinnioohĩĩ ꞌcĩg ĩĩn tũkĩramma ho, occa ꞌthẽk hõllõngaa ammuddiaa abũũlana ꞌcieethini tõõ cugguung. Nẽ ẽẽtĩ ꞌcĩ adak ꞌgẽẽn ꞌcĩ aarĩhoothĩk abũũlana, occa iiggiayyi lothippitaa cĩ eet cĩg Ĩꞌthĩraẽlĩ, tananga ĩĩn eet cĩ looc ꞌcĩ ꞌrĩĩng hode arrittiaa Ĩꞌthĩraẽla.

Maatteeo 16:6

Nẽ itilo Yeesu ĩhõõggõ ĩĩnnĩk, “Ĩcĩnĩt abũũla cĩg Variꞌtheei hĩ cĩg Thadutheei jurrung.”

1 Korinthia 5:8

Nẽẽthĩ hoti ho, huꞌthuutti karrama, hõllõngaa abũũlanĩĩ ꞌcĩg ũnũũhĩtõ ĩcĩg thõõth ꞌcĩ abathĩ, hode ĩcĩ ꞌthẽccaanõ, adahit karrama ũbũnẽẽtĩĩ ꞌcĩg aitiõõ abũũlana tõõ, ũbũnẽẽt cĩg thõõth ꞌcĩ ĩĩn dĩdĩ.