Luugithõõ 13:3 - ꞌBuuk cĩ Thõõth cĩ Nyekuci

³ Ma ho, ĩĩnnĩk Mũũꞌtha eet, “Ĩĩn ciee kõr ꞌcĩ hatĩ gõõng hammuha naag ooo, kõr baa haluuganĩ naag Ijjiba, looccaa baa hĩĩgĩnnĩ appahacaaꞌnya. Nẽẽthĩ kõr nicci, õõgauung Makayyioohiti ngagiit attiaa cĩnnĩ ĩĩcĩ attiran gẽrrẽẽt. Ummuhuttooth ngaatĩ hõllõngaa occa adaku ꞌgẽẽn ꞌcĩ aarĩhoothĩk abũũlana.

Luugithõõ 13:3 Iomraidhean Croise

ꞌThianaattõ 15:16

Aꞌnyak hatĩ lohollia cugunnig irkiꞌnyia ꞌmiiaꞌnya ꞌwec (400) nga hoboddia hiita ngaati, hĩnĩngĩtĩ hõllõngaa hatĩ hiiggia naa eet cĩg Amoorĩ hĩdĩĩkoothong. Aattĩg hatĩ nẽẽg ngaati ĩꞌthõng hẽꞌthẽcattõõ gẽrrẽẽt, nẽẽthĩ hatĩ huuka naa ĩhõõggõ.”

Luugithõõ 12:15

Uduhit ũbũnẽẽt ꞌcĩg aitiõõ abũũlana tõõ waathinniook tũkĩramma. Kõrraa ꞌcĩ oou, udduutit abũũla ꞌcĩg aattĩg ꞌcieethinii cugguung, hĩnĩngĩtĩ ẽẽtĩ ꞌcĩ adak ꞌgẽẽn ꞌcĩ aarĩhoothĩk abũũlana kõrraa ꞌcĩ oou ĩꞌthõng hõdõlan kõr ꞌcĩ ĩĩn tũkĩramma, iggiaoothĩk hatĩ nẽẽ tuu lothippitaa cĩ eet cĩg Ĩꞌthĩraẽlĩ.

Luugithõõ 12:17

“Adahit Karrama cĩ Ũbũnẽẽt ꞌcĩg aitiõõ Abũũlana tõõ ho, hĩnĩngĩtĩ baa kõr ꞌcĩ hõõgannuung naa ngagiit Ijjiba cieeni. Adahit karrama cĩ kõr icci hĩĩ nyattal ꞌcĩ aalla ũdũt lõhõlẽẽnĩĩ ꞌcĩg arrittiaa horumwa.

Luugithõõ 12:19

Waathinnioohĩĩ ꞌcĩg ĩĩn tũkĩramma ho, occa ꞌthẽk hõllõngaa ammuddiaa abũũlana ꞌcieethini tõõ cugguung. Nẽ ẽẽtĩ ꞌcĩ adak ꞌgẽẽn ꞌcĩ aarĩhoothĩk abũũlana, occa iiggiayyi lothippitaa cĩ eet cĩg Ĩꞌthĩraẽlĩ, tananga ĩĩn eet cĩ looc ꞌcĩ ꞌrĩĩng hode arrittiaa Ĩꞌthĩraẽla.

Luugithõõ 12:2

“Ĩĩn nyĩlõhĩ ciee hĩ ngagiit nyĩlõk ꞌcĩ oou cĩ irkit cunuung.

Luugithõõ 12:41

Ma irkit ꞌcĩ ũttũbattõõthĩhĩ irkiꞌnyia ꞌcĩg ĩĩn ꞌmiiaꞌnya ꞌwec hĩ hẽẽn iyyio (430) ho dẽẽdẽ, ũtũngteek lothippiꞌnya cĩg eet cĩg Makayyiooktak looc cĩ Ijjibi hĩĩ noho.

Luugithõõ 12:42

Hĩnĩngĩtĩ baa ẽbẽk Makayyioohiti ĩhõõggõ baalin niccia, hátĩ huluugaĩĩ ĩhõõggõ Ijjiba, baa acĩnĩ eeta cĩg Ĩꞌthĩraẽlĩ vẽlẽk haal, hátĩ hubuluthit Makayyioohit, hĩnĩngĩtĩ lõhõlĩ cĩggĩĩng ꞌcĩg nga hatĩ au arrittiaa irkiꞌnyiaannĩ.

Luugithõõ 12:8

Baalin niccia noho dioo, aꞌnyĩĩk hurumatteek iding ꞌcĩ ĩwaaddi thõng hĩ hẽẽn ꞌcĩg ahahatĩĩ hõdẽĩ hĩ ũbũnẽẽt ꞌcĩg aitiõõ abũũlana tõõ.

Luugithõõ 13:14

“Waathinnioohĩĩ ꞌcĩg hatĩ nga au horumwa, má ajinnuung lohollia cugguung anneekuung, ‘Aĩ thõõth ciee neegi?’ Uduktaak ĩhõõggõ ĩĩttĩk, ‘Baa aluuganneet Makayyioohiti ngagĩĩt ꞌtirriaanaa cĩ aꞌthiit cĩnnĩ Ijjiba, looccaa cĩ appahacẽẽthĩtõõ.

Luugithõõ 13:9

Ĩĩn karrama ciee cunni haau hĩ nyamacaar ꞌcĩ aaĩ attiaa cunni nẽ aau hĩ nyamacaar ꞌcĩ aꞌnyahi nii attia hode muumaa cunni. Aꞌnyĩĩk hatĩ gõõng hummuhaahi karrama ciee hõdõõkõthĩ, hátĩ tigiil ꞌlimman icci Makayyiookto ho, ‘Baa ẽẽlannuung Makayyioohiti ngagiit looccaa cĩ Ijjibi attiaa cĩnnĩ ĩĩcĩ attiranĩ.’

Luugithõõ 20:2

“Hĩĩnĩ naa Makayyioohit Nyekuc cunuung, baa haluugannuung Ijjiba looccaa ĩbaa iiginnu appahacaaꞌnya.

Luugithõõ 20:8

Ummuhuttooth Kõr cĩ ꞌYiommaanõ ngaatĩ aꞌthuunnu hĩĩ kõr ꞌcĩ aꞌngirannii.

Luugithõõ 23:15

“Adahit nõõ Karrama cĩ Ũbũnẽẽt ꞌcĩg aitiõõ Abũũlana tõõ. Uduhit ũbũnẽẽt ꞌcĩg nga harrihoothĩk abũũlana waathinnioohĩĩ ꞌcĩg ĩĩn tũrkĩramma, hĩ baa haduhaakuung naa ngagiita. Adahit karrama icci korrioohĩĩ ꞌcĩg eberriaa nyĩlõõhaa cĩ Abiibi, hĩnĩngĩtĩ ĩĩn kõr baa aluugannu niig Ijjiba niccia. “Aitiõõ ẽẽtĩ ꞌcĩ occa aku uppwaanna muumaa caannĩ haaga, hiꞌthihi ꞌbaninit tõõ.

Luugithõõ 3:20

Nẽẽthĩ hoti ho, hodongi hatĩ naa aꞌthiit caannĩ nẽ huuka eet cĩg Ijjibi thooꞌthiohĩĩ vẽlẽk ĩcĩg ĩnaatti, ĩcĩg hatĩ hadĩmani naa hõrggẽẽnaa cĩnĩĩng. Ma urutaa cĩnnĩ, ẽlẽmaakuung hatĩ õõtõ.

Luugithõõ 6:1

Nĩngĩtĩ aduhaakĩ Makayyioohiti Mũũꞌtha annẽẽkĩ, “Acini aattĩ hatĩ nii ꞌyioko thõõth ꞌcĩ hadticaneehi naa habu cĩ Ijjibi. Hĩnĩngĩtĩ ꞌtirrian cĩ aꞌthiit caannĩ, alahaneek hatĩ nẽẽ eet hõõt nẽ itiggia ĩhõõggõ looccaa cĩnnĩ.”

Luugithõõ 6:6

“Nẽẽthĩ hoti ho, duhaak eet cĩg Ĩꞌthĩraẽlĩ anneek, ‘Hĩĩnĩ naa Makayyioohit nẽ hõõgannuung hatĩ naa ngagiit pĩĩrnattaa ꞌcĩ accanannuung eeta cĩg Ijjibi ho. Hõõgannuung hatĩ naa ngagiit ngaatĩ iiginnu appahacaaꞌnya cĩggĩĩng nẽ hẽẽlauung ꞌtirriaanaa caannĩ ĩcobbi ĩcĩ huuki eet cĩg Ijjibi.

Luugithõõ 6:7

Helemuung hatĩ naa ngagiit ĩĩtõ eet cĩgannĩg dẽẽdẽ nẽ hĩĩna naa Nyekuc cunuung. Nẽẽthĩ hatĩ agayyu niig ngaatĩ hĩĩnnĩ naa Makayyioohit Nyekuc cunuung, baa hõõgannuung ngagiit ꞌcannaana cĩ eet cĩg Ijjibi.

Luugithõõ 7:4

aitiõõ hatĩ habuui cĩ Ijjibi hõllõngaa athĩkni nganiita. Nẽẽthĩ, huuki hatĩ naa eet cĩg Ijjibi ꞌtirriaanaa cĩ aꞌthiit caannĩ nẽ huluugaĩĩ eet cĩgannĩg Ĩꞌthĩraẽl.

Maatteeo 10:12

Má aduhunnu õlõ umwa, aanytĩk ꞌgattan cĩ ganõõnõ ngaatĩho.

ꞌLuuka 22:19

Nĩngĩtĩ attihaanĩ ũbũnĩ nẽ aggatana. Ma ho, ẽꞌngẽr nẽ aꞌnyĩĩk ĩhõõggõ nẽ ĩĩnnĩk, “Ẽlẽ caannĩ cieeni ꞌcĩ aaꞌnyĩhoothĩkuung ngagiita, uduhit, hátĩ gõõng ummuktaayyiaangu nganĩĩta.”

1 Korinthia 11:24

ma baa ĩĩnnĩk Nyekuc ĩlaallẽ, ikia appak nẽẽ ũbũnĩ nicci nẽ ĩĩ, “Ẽlẽ caannĩ cieeni ꞌcĩ aaꞌnyĩhoothĩkuung ngagiita, ĩdĩmanit thõõth icci, hátĩ gõõng ummuktaayyiaangu nganĩĩta.”

1 Korinthia 5:8

Nẽẽthĩ hoti ho, huꞌthuutti karrama, hõllõngaa abũũlanĩĩ ꞌcĩg ũnũũhĩtõ ĩcĩg thõõth ꞌcĩ abathĩ, hode ĩcĩ ꞌthẽccaanõ, adahit karrama ũbũnẽẽtĩĩ ꞌcĩg aitiõõ abũũlana tõõ, ũbũnẽẽt cĩg thõõth ꞌcĩ ĩĩn dĩdĩ.

Eevvetho 1:19

Hadiimmuung naa ngagiit agaac ꞌtirrian hĩ makaaꞌthĩt ꞌcĩ aꞌnyaheekeet Nyekuci ngagĩĩt ꞌcĩg hẽlẽmĩ ĩnõõnnõ. Ĩĩn ciee ꞌtirrian baa adticaniini Nyekuci,