Luugithõõ 12:3 - ꞌBuuk cĩ Thõõth cĩ Nyekuci

³ Duhaak lothippit cĩ Ĩꞌthĩraẽlĩ vẽlẽk anneek, kõrraa ꞌcĩ ĩĩn õmmõtõ nyĩlõhaa cĩ, aꞌnyĩĩk eet hõdẽĩ hõdẽĩ haꞌnyakta mĩꞌnyõ cĩg aꞌthaannu hode cĩg ẽẽthak halaꞌngiõõhĩĩ cĩggĩĩng hadahit.

Luugithõõ 12:3 Iomraidhean Croise

ꞌThianaattõ 22:8

Ẽdẽcĩ Abũrahamĩ ngeerĩnĩ anneek, “Aaꞌnyeet hatĩ Nyekuci nẽẽnĩ.” Nĩngĩtĩ õõĩ ĩĩcĩ oou.

ꞌThianaattõ 4:4

Nẽ baa aꞌnyaha Abeele aꞌtheet ꞌcĩ anyũttĩĩ, nĩngĩtĩ acuhanĩ nẽ ẽbẽra iding ꞌcĩ adĩhĩ nẽ aaꞌnyĩk Makayyioohit hĩĩ ꞌbaaninit. Baa atalĩ Makayyioohiti ꞌbaaninit cĩ Abeele ho gẽrrẽẽt,

Luugithõõ 12:2

“Ĩĩn nyĩlõhĩ ciee hĩ ngagiit nyĩlõk ꞌcĩ oou cĩ irkit cunuung.

Luugithõõ 12:21

Ma ho, ũtũvvũ Mũũꞌtha makayyiook cĩg Ĩꞌthĩraẽlĩ vẽlẽk nẽ ĩĩnnĩk, “Õtõõc hataman, õõt eberria hẽlẽggĩ ꞌcĩg adaku halaꞌngiõõhĩtõõ cugguung nẽ ibboorru mĩꞌnyõõn cĩ Kõr cĩ Haangittõõ.

Luugithõõ 12:4

Má hĩdĩcĩg eeta ũgẽẽgĩ halaangatõõ cĩnĩĩng ngaatĩ occa adahĩ mĩꞌnyõõn hedecciaak, aꞌnyĩĩk hotholit hĩ ꞌgõõnõgĩ ꞌcĩg aarõõ ꞌcieethi. Abũnnaa ittiamannu mĩꞌnyõõn ꞌcĩ occa ũũppan eet hatĩ adahĩ.

Luugithõõ 12:6

Uꞌthuutti ĩhõõggõ ĩꞌthõng hõdõlan kõr ꞌcĩ ĩĩn õmmõtõ hĩ ꞌwec nyĩlõõha, kõr ꞌcĩ hatĩ acuhanĩ eeta cĩg Ĩꞌthĩraẽlĩ ĩhõõggõ hatĩ ĩĩ lõõcĩ garrii garrii niccia.

Luugithõõ 14:15

Ma ho, uduhaak Makayyioohiti Mũũꞌtha ĩĩnnĩk, “Allweekaa inni? Duhaak nẽẽ nii eet cĩg Ĩꞌthĩraẽlĩ hõõt ĩĩcĩ oou.

Luugithõõ 20:19

nẽ ĩĩttĩk Mũũꞌtha, “Má othoothĩkeet niina, occa hathĩkniina. Nẽẽthĩ, ma hẽlẽmaakĩ Nyekuc hothoothĩheet ngagĩĩta, hadaakna hinnia hatĩnĩ.”

Luugithõõ 4:30

nẽ uduhaak Arõõnẽ ĩhõõggõ thõõth vẽlẽk baa aduhaak Makayyioohiti Mũũꞌtha. Baa adĩman Mũũꞌtha hẽlẽggĩ ꞌcĩg ĩnaatti buúk hẽbẽrẽẽnnĩĩ cĩg eetuk,

Luugithõõ 6:6

“Nẽẽthĩ hoti ho, duhaak eet cĩg Ĩꞌthĩraẽlĩ anneek, ‘Hĩĩnĩ naa Makayyioohit nẽ hõõgannuung hatĩ naa ngagiit pĩĩrnattaa ꞌcĩ accanannuung eeta cĩg Ijjibi ho. Hõõgannuung hatĩ naa ngagiit ngaatĩ iiginnu appahacaaꞌnya cĩggĩĩng nẽ hẽẽlauung ꞌtirriaanaa caannĩ ĩcobbi ĩcĩ huuki eet cĩg Ijjibi.

Yõaannẽ 1:29

Ma loohoth cĩnnĩ, udtuuha Yõaannẽ Yeesu ngaatĩ akuuni hĩ ĩnõõnnõ, nĩngĩtĩ õthõõthĩ Yõaannẽ aĩnnĩ, “Ĩcĩnĩt Mĩꞌnyõõn cĩ Nyekuci ꞌcĩ attik ꞌthẽccanẽẽt cĩg eetuk!

Yõaannẽ 1:36

Ma baa adtuuha nẽẽ Yeesu ngaatĩ õvvõõĩ nĩngaata ho, õthõõth nẽẽ ĩĩ, “Ĩcĩnĩt Mĩꞌnyõõn cĩ Nyekuci!”

Yõaannẽ 12:1

Ma waathinnioohĩĩ ꞌcĩg ĩĩn tõrkõnõn õõa cĩ Kõr cĩ Haangittõõ, ikia ũũk Yeesu ĩĩcĩ õlõ cĩ Bẽthani, nga baa aaꞌnyĩkĩ nẽẽ Laaꞌtharõ hũrũga daahĩtha.

Yõaannẽ 12:12

Ma loohoth cĩnnĩ, ikia ĩthĩk lothippiti cobbi gẽrrẽẽt ꞌcĩ baa aku Karramaawa aĩ, ovvooyyia Yeesu ꞌgõõla, aku aduhun ꞌJeruꞌthalẽm.

1 Korinthia 5:7

Udduutit abũũla ꞌcĩg ũnũũhĩtõ! Nẽẽthĩ hatĩ aauttu niig hĩ ũbũnẽẽta ꞌcĩg nga ĩĩn ngeju ꞌcĩg aitiõõ abũũlana tõõ, nẽẽthĩ, aattiyyu niig buúk hĩ ũbũnẽẽta tĩko. Hĩnĩngĩtĩ ĩĩ Krĩstõ mĩꞌnyõõn cĩnaac ꞌcĩ Haangittõõ, baa ĩbbõõrĩ ĩĩ ꞌgaarrieenit ẽlẽk.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.