Luugithõõ 11:7 - ꞌBuuk cĩ Thõõth cĩ Nyekuci

⁷ Nẽẽthĩ, lothippitaa cĩ Ĩꞌthĩraẽlĩ, emmeethĩk hatĩ lõõcĩ nẽ hiꞌthihi hatĩ ũthũr ꞌcĩ occa oroheek eet hode hẽlẽggĩ.’ Nẽẽthĩ hatĩ iita agayyu niig ngaatĩ ẽꞌngẽrĩ Makayyioohiti eet cĩg Ĩꞌthĩraẽlĩ hĩ eet cĩg Ijjibi.

Luugithõõ 11:7 Iomraidhean Croise

Luugithõõ 10:23

Baa aitiõõ eet ꞌcĩ occa acĩn ꞌgõõnĩ tõõ hode nẽẽ occa ũũnnĩk ẽẽtĩ nĩngĩtĩ ꞌcĩ aayyi waathinnioohĩĩ ꞌcĩg ĩĩn iyyio ho. Nẽẽthĩ nẽẽ, baa aara lõõcĩ hĩ eet cĩg Ĩꞌthĩraẽlĩ ngaatĩ baa aattiyyi nẽẽgĩ.

Luugithõõ 7:22

Nẽẽthĩ hinnianĩ, baa adtican ngarĩta buúk, thooꞌthiok ꞌcĩg aduhõõ hĩ ꞌcĩg adtican Arõõnẽ ho thõng, ꞌgõõlaa cĩnĩĩng ĩcĩ ammiꞌthi, nĩngĩtĩ aku õkõmmĩ habu cĩ Ijjibi õõ hiittiõõ hõllõngaa athĩhĩ thõõth cĩ Mũũꞌtha hĩ cĩ Arõõnẽ, hĩ baa aduha Makayyioohiti.

Luugithõõ 8:19

Ma ho, iita ĩĩttĩk ngarĩta habu cĩ Ijjibi, “Nyekuc ꞌcĩ adĩman thõõth ꞌcĩ aaĩ hoti ho.” Aalla hinnia ĩllõõrĩth habuui cĩ Ijjibi haau hĩ baa ꞌthẽk aduha Makayyioohiti.

Luugithõõ 8:22

“ ‘Nẽẽthĩ kõr niccia, huunnihi hatĩ naa looc cĩ ꞌGõcẽnĩ, nĩngĩtĩ aattiyyi eeta cĩgannẽẽgĩ, aitiõõ hatĩ hĩrõnga ĩĩca tõõ, nẽẽthĩ hatĩ agayyu ngaatĩ haayyi naa Makayyioohiti looccaa cĩ.

Luugithõõ 9:26

Nẽẽthĩ, baa ꞌGõcẽn dioo, ngaatĩ baa aattiyyi eeta cĩg Ĩꞌthĩraẽlĩ, ꞌcĩ baa hõllõngaa atĩĩllĩ tammu cĩ telleenu.

Luugithõõ 9:4

Nẽẽthĩ, ahal hatĩ Makayyioohiti hẽlẽggĩ cĩg eet cĩg Ĩꞌthĩraẽlĩ haauto ẽmmẽn hĩ hẽlẽggĩ cĩg eet cĩg Ijjibi, hátĩ hiittiõõ hẽlẽggĩ cĩg Ĩꞌthĩraẽlĩ hõllõngaa adaahĩ.’ ”

1 Korinthia 4:7

Ne ꞌcĩ ẽllẽẽmĩth hĩ ngagiit gẽrrẽẽt ko? Ne ꞌcĩ aꞌnyaku niig ꞌcĩ baa nga haaꞌnyĩhoothĩhuung ko? Nẽ má baa aaꞌnyĩhoothĩhuung ngagiit ꞌgii tĩho nẽ occa athĩngõõnyannu niig hutuno?