Luugithõõ 10:9 - ꞌBuuk cĩ Thõõth cĩ Nyekuci

⁹ Ẽdẽcĩ Mũũꞌtha anneek, “Hooyyia ꞌthẽk naag vẽlẽk hĩ nyakangaaꞌnya hĩ morwak lõhõlẽẽnĩĩ cĩggaang noho nẽ hiꞌngiddia hẽlẽggĩ cĩggaang vẽlẽk, hĩnĩngĩtĩ haĩ ꞌthẽk hoottia hadakta karrama cĩ Makayyiookto.”

Luugithõõ 10:9 Iomraidhean Croise

ꞌThianaattõ 50:8

Baa allũnganni eeta cĩg halang cĩ Yothebo hũtũrũũr hĩ ꞌgõtõõnõgĩ hĩ hattũũg cĩ õlõ cĩ maacõnĩ vẽlẽk hũtũngtoothĩk lohollia dioo hĩ hẽlẽggĩ õlõ ꞌGõcẽna.

Luugithõõ 10:10

Ẽdẽcĩ hinnia habuui cĩ Ijjibi Mũũꞌtha anneek, “Aaĩ thĩ mĩĩ Makayyioohiti hĩ ngagiit, hatĩ mĩĩ nẽẽ hẽlẽmaakuung naa ookorit hĩ ngaaĩ lõhõlẽẽnĩ noho! Hittiamani ꞌyioko nẽ hudtuuha ngaatĩ ogolleekaangu muhẽẽttaa ꞌcĩ abathĩ.

Luugithõõ 10:26

Hadiimma ꞌthẽk haꞌngĩdda hẽlẽggĩ cĩggaang buúk, occa nõõ hõllõngaa hũũnnĩka maccĩhĩlleenit haaga uruta. Hadiimma hõõ hẽbẽraanna ꞌgaarriẽẽn ꞌcĩg halayya Makayyioohit Nyekuc cĩnaang, hẽlẽggẽẽnnĩ ĩcĩg, hatĩ hõdõlatta ĩĩca. Nẽ hõllõngaa hagayyĩa hõõ hatĩ halayyia Makayyioohit hutuno, ĩꞌthõng hõdõlatta ĩĩca.”

Luugithõõ 12:32

Ĩꞌngĩdĩt hẽlẽggĩ cugguung hĩ baa aduhaannu niiga nẽ oottu nẽ tarĩ aggatattaangu nganĩĩt buúk.”

Luugithõõ 12:37

Ma ho, uluugito eeta cĩg Ĩꞌthĩraẽlĩ ꞌtaaũnaa cobbi ĩĩcĩ Ramethethĩ ĩꞌthõng hõdõlanit ꞌtaaũn cĩ Thukothĩ. Baa ĩĩn eeta ꞌcĩg maacĩg dioo aalibꞌnya ꞌmiiaꞌnya tõrkõnõn (600,000) ꞌcĩg õvvõ ꞌthõõnĩ nẽ hõllõngaa agiili ngaaĩ hĩ lõhõlĩ.

Luugithõõ 12:38

Baa aattĩg eeta ũgẽẽgĩ ꞌcĩg õõkõr hĩ eet cĩg Ĩꞌthĩraẽlĩ nẽ baa aꞌngĩd nẽẽg tĩĩn hĩ ẽẽtha hĩ aꞌtha ꞌcĩg mẽẽlĩg ꞌrĩng.

Luugithõõ 13:6

Waathinniook tũrkĩramma, uduhit ũbũnẽẽt ꞌcĩg nga harrihoothĩk abũũlana, nẽ waathinnioohĩĩ ꞌcĩg ĩĩn tũkĩramma ho, adahit karrama cĩ Makayyiookto.

Luugithõõ 3:18

“Athikni hatĩ makayyiooha cĩg Ĩꞌthĩraẽlĩ nganiita. Nẽ niina, õõt ookorit hĩ ĩhõõggõ, õõt hĩ habu cĩ Ijjibi nẽ iittihu ĩnõõnnõ, ‘Baa hommottiooa naag hĩ Makayyioohit Nyekuc cĩ Ebereei. Aaꞌnyeet waathinniook iyyio ꞌcĩg hõõ hĩbboorĩka ĩnõõnnõ ꞌgaarriẽẽn horrwaa ꞌcĩ õdõhõhĩĩ kak.’

Luugithõõ 5:1

Ma baa uruta, iita õõt ummuddioothĩk Mũũꞌtha hĩ Arõõnẽ habu cĩ Ijjibi nẽ ĩĩttĩk, “Thõõth ꞌcĩ aduha Makayyioohiti Nyekuci cĩ Ĩꞌthĩraẽlĩ cieeni, ‘Aꞌnyĩĩk eet cĩgannĩg hõõt hadahit karrama ꞌcĩ adĩhĩꞌtha nganĩĩt horrwaa ꞌcĩ õdõhõhĩĩ kak.’ ”

Luugithõõ 5:3

Ma ho, ĩĩttĩk Mũũꞌtha hĩ Arõõnẽ ĩnõõnnõ, “Baa hommotoonna naag hĩ Nyekuc cĩ Ebereei. Nẽẽthĩ ꞌyioko, anyeet heeroni cĩ waathinniook iyyio, hõõt hibboorriha Makayyioohit Nyekuc cĩnaang ꞌgaarriẽẽn horrwaa ꞌcĩ õdõhõhĩĩ kak, hátĩ hiittiõõ hõllõngaa uukeet mooriꞌthioohĩ hode eꞌngedĩtteet nyetuboota.”

Eevvetho 6:4

Niig maajihi loholeenu, ma hõhõggõõrannu lõhõlĩ cugguung. Illimanit ĩhõõggõ ngaatĩ eterꞌtheeku thõõth cĩ Makayyiookto.